الأربعاء، 14 يناير، 2009

اخيرا ..صبغتها

هذي شريتها من مصنع الفخار الي في البحرين ..شهر يناير الي فات ..صار لها سنه ..وانا مادري شنو الونها ..وبما اني امجابلتها ..كل يوم اطالعها ..وافكر فيها ..أبيها اتكون موجوده بالصاله ..وهم اتناسب الالوان الصاله ..وبعد مابي اقطها أذا غيرت الالوان الصاله ؟؟؟
لازم اختار الالوان اتناسب كل الالوان الموجوده والي راح اتكون موجوده ..اتعقدت ؟؟ مابي بيج ما احبه ..أبي اخليها مودرن اشوي مع ان نقشتها او حفرها اسلامي ..تراثي ..بس مابي بحطها في الصاله ..غصب ..حبيتها ..والا احطها ..فأخترت اللون الابيض والرمادي ..وبس الحين أشوفها وجني راضيه عليها مابي أورنشها الحين ..يمكن ازيد لون او ..أغير فيها شي ..بخليها جذي ..اصبح فيها وأمسي ..وأشوف ..شنو ناقصها ..

أحس جذي كفايه ..وله أشرايكم ..ألون الوردات ؟..أزيد الرمادي ..المهم ..صارت حلوه ؟؟أنا حبيتها ..بنام وباجر بشوفها يمكن أغير رايي =)..يمكن أقلبها أسود كلها ..وأحط داخلها ليت أحمر أو برتقالي :/

هناك 11 تعليقًا:

fatto يقول...

حدها صارت حلوه :) واذا حطيتي ليت داخلها على قولتج اتسير أحلا

ME يقول...

واااااي إتينن
خليها مثل ما إهيه لا تغيرينها ، حتى ورنيش لا تحطين عليها ، اللون وهو مطفي جذي طالعه عجيبه ، خوش لونين

مع شمعه أعتقد راح تطلع حلوه
عندج منها 2؟ أو أكثر عشان تشبينهم بالصاله و تعشين جو شاعري :)

Sn3a يقول...

تينن
بس لو مخليه بس القاعده رماديه جان صارت احلى

بس صج اختيار جميل

وشكلها احس احلى بدون ورنيش

SHAHAD يقول...

وااااايد ناايس
تسلم اييدج وذووقج : )
خليها مثل ما هي مو تتهورين اسود :/

{~المباركية~} يقول...

والله وايد حلوه
انا عندي اقتراح بسيط
مثلا لو حطيتي عليها زرع يمكن يطلع حلو

جاردينيا 2000 يقول...

زين ..يعني ما أغير شي ..شكرا على الردود
وماعندي الا هذي زين مني يبتها بعد من البحرين..ونا راح احطها في ركن عندي راح اكون وراها زرع ..راح اتكون احلى

bhr.qadsaweya يقول...

وااايد حلوة
تسلم ايدج :)
اي راح تطلع احلى يم الزرع و الاضاءة
يعطيج العافية

غير معرف يقول...

وايد حلوه حتى حجمها حلو بس انا عندي اذا لونتي الورد بالاحمر بيكون نفس الخيم الرمضانيه الي تكون اغلبها بمصر مادري يمكن يكون وايد بس حسيت الاحمر بيكون وايد حلو مع الابيض والرمادي وعليج بالعافيه :)

غير معرف يقول...

الديزاين مالها عجيب والااوان حلوه خليها جذي ذكرتيني بأيام الثانويه عندي ثنتين مثل اللي عندج بس احلى منها :p

John يقول...

حلوة
عليج بالعافية
و الوانها وايد حلوة

علي الملا يقول...

سلام
احلى ما في الموضوع انها بحرينية :P

لاحد يطق ما قلنا شي بس هذي قومية الانتماء :D


بس لا تحطين فيها ليت بتصير كأنها مال افلام الرعب
حطي داخلها شمعة تطلع روعة ورمنتيك