الثلاثاء، 20 يناير 2009

شكرا منال

جربت هالشوربة من بلوق ( أطباق سهلة ) للإخت MaNaL واللي شدني لون الشوربة لونها عجيب غريب و حلو ..ولأني من محبين الملفوف البنفسجي فقررت أسويها وجربتها والحمد الله الطعم طلع أحلى مما توقعت بس جنه لون شوربتها أحلى من لون شوربتي بس مو مهم الطعم كان ولا أروع ضروري تجربونها ..وتدرون منال شنو مسميتها ( شوربة البنفسج ) بالإضافة للشكل والطعم واللون الإسم حلو بعد ..
سؤال موجه حق MaNaL : شنو الغلط بشوربتي ؟

أحس الدهن وايد .. ولونها غامج مو على وردي ؟؟ شنو نوع الجبن اللي استخدمتيه وجنه كمية الجبن شويه ؟؟

هناك 7 تعليقات:

Pearl يقول...

عليج بألف عافية .. شكلها يشوق :)

مرة سويت عيش بنفسجي ولاقى استحسان الكل ..
و كانت نفس الفكرة استخدمت "اللهانة البنفسجية "
بس شكلى بجرب هالشوربة ..

Salah يقول...

انا قلت ان اللون البنفسجي كان بسبب الالوان المائية اللي كانوا في القلاص! محد صدقني

:)

Manal يقول...

الحبيبة الغالية ام مودي
:)

يا قلبي انتي

الاخ الي معلق فوقي الله وكيلج مينني
لو شايفتة شلون شربها وهو مشمر ذراعة
بس ماعليه مرة ثانيه الصور ابلغ من الكلام
فدير بالك
:))

المهم حبوبة

مو مهم تكون الوصفة متماثلة بالضبظ مع الي انا سويتها
اهم شي بالوصفات والاكلات ان الطعم يكون زين وحسب المذاق

بالنسبة للون فخضار بيرطانيا شي ثاني
حتى المكان الي قطعت عليه الملفوف صبغ
الله يستر ما تكون معالجة ولا حاطين فيها شي
بعد الخيار عندهم طوله متر
:)
بس انتي حمسي الملفوف على نار متوسطة مدة شوي اطول وبدون زيت لما ينشف ويطلع السائل الي فيه كله


وبالنسبة للزيت
فيحتاج تقليلينة ولو اني اشك ان الدهن العادي اتوقع الي مبين ان هذا من الجبن
انا استخدمت جبن الفيلاديلفيا قليل الدسم لكل كوبين ماء تقريبا ملعقة كبيرة جبن بس هذا ما يمنع اذا تحبين طعم الجبن يبين بالشوربة تزيدين او تقللين


وبالعافية عليكم
وانتظري الوصفة القادمة
الكنالوني
بس غير
:))

sun shine يقول...

عليج بالعافيه و شكلها يشوق وانشالله اسويها لمن تتعدل ضروفي الصحية ;)

kAiKa-MGroMa يقول...

هيا عاشت لنا منال العالم P:

لووووول ألوان مائيه

صج تذكرت أول لما كنا نكسر الألوان

الشينيه عشان نحط الحبر اللي داخله

بالماي ..

والخيار طوله ذراع جنه

كوسا قشره خشن و مخشب |:

بالعافيه عليكم ام مود

ولازم تسوين لنا يوم اليمعه على

هالمدح

D:.

Om MoD يقول...

pearl :

الله يعافيج حبيبتي ..
إي حتى أنا جربته العيش البنفسجي ..
إي لا طوفج وايد حلوة ..

salah :

لووووووووووووووول ..

Manal :

تسلمين حبيبتي ..
لوووووووووول..يطفرج ..الله لا يحرمكم من بعض ..

وشكرا على الإفادة ..يمكن طلعت دسمة ليش إني حطيت جبن قلاص كرفت ..:)

sun shine :

الله يعافيج ..الشكل والطعم يشوقون وضروري تجبينها ..
وما عليج إلا العافية ولج وحشة :)

kaika-magroma :

الله يعافيج حبيبتي

إنشاء الله ترقبوها هالاسبوع :)

غير معرف يقول...

ashley
tisdale
العروس
عروس
موقع العروس
زفات  مكياج
عروس
مكياج العروس
تسريحات العروس
تسريحات عروس
أزياء
المحجبات

حوامل
مواليد
مجوهرات عروس
مجوهرات العروس
مجوهرات العروسة
اكسسوار العروس
اكسسوارات العروس
اكسوارات عروس
المكياج
مكياج
مكياج عيون
مكياج العيون
مجوهرات
العناية بالجسم
تسريحات
تسريحات شعر
تسريحات الشعر
تسر يحات
شنط
العاب
games
العاب بنات
جيمز