السبت، 3 أكتوبر 2009

شخباري .....

قبل جم يوم طلعنا الكتاكيت وين تتوقعون وديناهم ؟؟؟........ رحنا الجزيرة الخضرا أدري بتقولون شخباري أنا نفسي كانت ردت فعلي حق زوجي العزيز قلت له .... شالطاري الجزيرة الخضرا والله ذكرتني بأيام قبل :) لوووووووووووووووووول ..



قبل يمكن كنا كل أسبوع أو أسبوع وترك نروح هناك ..نعلب ونتمشى وناسه ..يا حلو أيام زمان :)



الحمد الله توفقنا باختيار المكان ...وايد هادي عكس قبل زحمة ولويه وازعاج..وطبعا مسموح لكم تدخلون كل شي من أكل وألعاب وقواري وكور وغيره حق وناسة اليهال ..عكس باجي الحدايق العامه كل شي ممنوع شوي ممنوع..كره ممنوع ..وأنا كنت كاتبه هالموضوع من قبل ..




وايد المكان نظيف ومرتب حق اللي عندهم عيال ويخافون يباعدون عنهم ..المكان مسكر ولو وين يروح اليهال ما يضيع ...في هناك بعد ألعاب كهربائية ..وبقاله بس حدها غالية ...أسعارهم خياليه :) ( نهيبه )




في كراسي وطاولات ..هذا كله أنا مو متذكره إنه في قبل ليش إنها أشياء ما كانت من أهتماماتي ...ناويه أجمع العايله الكريمة ونروح نشوّي هناك :)





وعقبها رحنا تعشى في ماكدونالدز يديد توه فاتح عند مطعم ناز الإيراني بشرق وهناك بعد في مطعم نايف ..



ماكدونالدز اللي هناك كبير وحلو ونظيف .. اخليكم مع الصور ..في تأجير قواري بالجزيرة الخضرا :)

ربع تعاونوا ما ذلوا ....متيمعين على شنو يا حلوين ...مودو ويسور وعيال عمهم :)...ربي يحفظكم من كل شر

ماكدونالدز يرحب بكم في شرق

في مكان بلاي ستيشن حق الكتاكيت يلعبون

انتهى المشوار ....مع السلامة

هناك 19 تعليقًا:

غير معرف يقول...

ياااااااااه والله ايام

الله يذكرج بالعافيه رديتي احلى ذكريات مرت علي ^^

يبيله نروحه والله شوقتيني ^^

cup cake

شاي الضحى يقول...

اي والله شخباري شطاري عليكم ههههههه

بس هم التغيير حلو :))

وعليكم بالعافيه :)

DoDoq8 يقول...

ونااسه


جربي بعد تودينهم محل الالعاب نت ورك يكون لازم بمكادونلز شرق

Unknown يقول...

الله يخليهم لكم

فعلا الأجواء هاذي الأيام حلوه للطلعه العائليه

Nikon 8 يقول...

ذكرتينا بالجزيرة الخضراء
قاعدة أفكر في مكان نظيف ومرتب وفيه هوايات حلوة
الله يذكرج بالجنة ويخلي لكم كتاكيتكم :)

joe يقول...

اخييه والله ايام ياليت ترجع

لول يبيله هالقاري

لي الحين الدشه بفلوس ؟

يعطيكم العافيه

ShaymoOona يقول...

بييييييييييييييييه شخباري يبيله روحه حده شوقتيني :)عليكم بالعافيه

reemas يقول...

والله مشكوره على البوست
عطيتيني فكره عشان اودي العيال
كل اسبوع اتوهق وين اوديهم
بس خوفج عقب هالبوست يرد يصير زحمه
هههه
تحياتي

Om MoD يقول...

غير معرف :

لوووووووووووول..

الله يسلمج حبيبتي... الحمد الله أهم شي إني رديتج لأحلى الذكريات :)

عيل نلتقي هناك :)









شاي الضحى :


أقولج نفس حجوتي ....

بس عم ريلي خايف من إنفلونزا الخنازير ويحاول يدور أماكن ما فيها تجمعات ....لوووووول


والله يعافيج ..








Dodoq8 :




إي تصدقين كل ما أقول بوديهم ما نتوفق ..

بعدين ملينا من الألعاب الكهربائية ..نبيهم يتحركون شوي :)


بروحهم محكورين بهالشقة مساكين ...:)





abo :


الله يسلمكم ..

حده الجو حلو هاليومين وايد متسنع ...الحمد الله على كل حال ....








Nikon 8 :

:)

الله يسلمج حبيبي وياج إنشاء الله
..







المباركية :


لووووول ...روح هناك ورجعّها :)



إي شكله يونسّ ...بس ما جربته :)


إي تصدق عبالي ابلاش طلعت بفلوووووس :)


الله يعافيك :)








shaymooona :



لووووووووول..

نلتقي هناك :)


الله يعافيج :)






reemas :


العفو حبيبتي ولو ...أنا أحب غيري يستفيد مو مثل بعض الناس ....اللهم يكافي يخافون يقولون لج عن أي شي ...:)

لوووووووووووووووووول..



وديهم وإنشاء الله يستانسون ...وقولي لي عاد عن تجربتكم :)




تهقين بصير زحمه ؟؟؟؟!!!!!



وحياج الله

غير معرف يقول...

وين مكان الجزيرة الخضرا ؟؟

قبل سوق شرق ولا بعده

Dark angel يقول...

مو سالفة نظيف أو لأ !
أقصد ماكدونالد , الوجبات السريعة مثل هذه المطاعم ليست مشبعة بالدهون فحسب بل بها مواد حافظة غير قابلة للهضم حتى الخبزة نفسها لا تتحلل والاعتياد على تناولها يضر خلايا المخ أيضا , زوري هذا الرابط به تجربة للتأكيد على أن هذه المأكلولات لا تتحلل كما يجب في الجسم :

http://www.youtube.com/watch?v=on6BSfHlK_w


Take care of chicks ;)

Om MoD يقول...

غير معرف :



إذا كنتوا يايه من وسوق شرق على إيديكم اليمين تصير قبل والعكس صحيح طبعا :)





Dark angel :

شكرا عالنصيحة وألحين بشوف الرابط :))

بس تبين الصج حتى لو شفته شكلي بظل آكل منه .......

غير معرف يقول...

عساهم انبسطو يارب و غيرو جو ,,
حلوه ابتسامتهم ما شاء الله ,,
ربي يحفظهم من كل شر ,,

دمت بخير ^^

وحـدهـ من البـشر يقول...

وااس اناااسه


بس صج صج شخباااري

ويبيله يبيله الجزيره الجوو قام يسير روعه


الله يخلي اليهال لكم ام شاء الله

Om MoD يقول...

اسيرة الدوحة :



الحمد الله وايد استانسوا ..


الجو الحين كل ماله ويحلى :)


وتسلمين عيونج الحلوة ..ويحفظ لج من تحبين من الشر حبيبتي..


وانتي بخير ....






وحده من البشر :



لوووووووووووووول..


صاجة الجو أكثر من روعه :)

bhr.qadsaweya يقول...

عليكم بألف عافية حبيبتي
وان شاء الله كل طلعه تتونسون فيها

سلامي لكل الفيونكات

ويعطيكم العافية

كبرياء وردة يقول...

انا بعد ابي اروح :D

عليكم بالعافيه

snow يقول...

حال اليهال الله يخليهم لكم .
ذكرتيني فيها عاد كنا نسميها جزيرة المواعد لان كل مره نزورها كنا انصادف اثنيين مواعيد ولا مرة بالجرم المشهود ودايما بنفس المكان الصعدة اللى بتروحين حق النفورة ما ادري المكان اللي فيه ماي وباباتي وماماتي ورانا يمشون بس كنا ناطرين الدراما اللي راح اصير :)
بس الصراحة ايام حلوه وانشالله على يوم انزورها .

Om MoD يقول...

bhr.qadsaweya :


الله يعافيج حبيبتي.. يارب يارب :)



يوصل إنشاء الله والله يسلمج :)



يعافيج يا حلوة ..






كبرياء وردة :


حياج عندنا وبنقوم بالواجب ...



والله يعافيج ..








snow :



مشكورة ..



لووووووووووووول ..

امبيه ...الله يهدي الجميع أكيد عاد ألحين كبروا وعقلوا... لوووووووووووووول


ضروري تزورينها..