الأربعاء، 28 أكتوبر، 2009

جمجمه فوق رأس أمي

صباح الخير جميعا :) لسبوع الي طاف أمي واليهال رادين من الشاليه .. وهي بالطريج الناس اتطل ابويه امي وتمشي .. ويوم وصلت البيت .. الا أبوي بره .. وقولها اشحاطين فوق السياره .. وأمي ماتدري عن شنو يتكلم .. ويوم اتشوف.. ويلا جمجمه !! أثاري ( حمني اخوي المجرم ) حاط جمجمه دلفين صجيه فوق السياره لاقيها بالشاليه لوووول .. زين محد بلغ عنها وشك انها من عبده الشيطان :)

هناك 19 تعليقًا:

رورو الشخبوطه يقول...

السلام..

وزين ماشاءالله ثابته طوال الطريج خخ لو شي زين ماثبت ..

مشكوره فاتو..

fatto يقول...

اهلا رورتنا :)

كان امثبتها ابحبل .. انا هالصوره توني امصورتها مو حزتها :)

ShaymoOona يقول...

امبيه حدها اتخرع
اشتقنا حق مواضيعكم الحلوه

darkness يقول...

يا حلو شطانة الصبيان

:)

الله يخليه لكم يا رب و يطرح البركه فيه

:)

Fishah يقول...

صباحووو

هههههههههه ترا يمكن كانوا يطالعون لانه مو مستوعبين شنو هذا اللي ناسينه فوق السياره :))

بس حده شيطان ههههههههههههههه

نون النساء يقول...

الظاهر الوالدة تسوق واهيه رواااااء عالآخر ههههههههههههههه


ولا جان من زمان المفترض طايحه

Sweet Revenge يقول...

شكله يخرع
الله يحفظة اخوج وين محصلها
عليهم سوالف هاليهال
المهم الحمد الله علي سلامتهم
وتحياتي للوالدة سياقة ممتازة الي هالجمجمة ماطاحت علي احد

ARTFUL يقول...

عندي سؤال شدراج انها جمجمة دولفين؟

من كثر الدلافين اللي عندنا!

شكلها جمجمة خثاق عنده حدبه او اخطبوط

p;

غير معرف يقول...

يااا حليلكم العايلة كلها تحب العظام لووووول

هم هذا طلع فيه ريحه بعد؟؟؟؟

يمكن الاوادم شموو الريحة قبل لا يشوفون العظمة فوق السيارة لوول
يعطيج العافيه

fatto يقول...

shaymoona :
هلا والله فيج ..شخبارج :) ومواضيعج انتي احلا مشكوره :)

ملاحظه : هذي المره الثانيه الي اكتب هالملاحظه بس مارديتي علي اول مره .. منت بقولج اذا ييت بعلق عندج .. ما اقدر اكتب في مربع التعليق .. مادري ليش !!!




darkness
هلا والله بلعلبه الالوان :) اشلونج شخبارج.. لج وحشه :)
امين مشكوره ماقصرتي :)




fisha:
اهلا ابفشتنه .. شخبارج :)
الظاهر جذي .. لأن كان شكله غرييب :)
هذا اخوي الجعده .. وكل جعده شيطان :)




نون النساء :
هلا والله فيج .. شخبارج :)
ترى الجمجمه كانت مربوطه بالحبل .. بس انا نسيت اني اكتب هالشي بالموضوع :)
لو مومربوطه جان من زماااااان طايحه :)




sweet revenge:
اهلا اهلا .. اشلونج :)
لقاها مقطوطه عند اليال .. وترى الجمجمه كانت مربوطه ابحبل .. بس نسيت لا اكتب بالبوست :)

fatto يقول...

artful:
هلا فيك :)
انا خبره بالبحر افا عليك .. عظام الخثاق اتطون مالها راس جذي وتكون مسطحه وشكلها بيظاوي .. حتن اتشوفهم وايد امقططين عاليال .. وجمجمه الاخطبوط الصراحه والامره شفتها .. لأن من الرخويات .. مادري هذا اذا عنده عظام اصلا .. وحنه ابشاليهمه عندنا دلافين .. وايد انشوفهم ومره حطيت بوست عنهم .. شوفه

http://fyonkat.blogspot.com/2008/08/blog-post_29.html





غير معرف :
هلا والله :)
لوووووووول .. لااااا بدون ريحه :) جمجمتنه كشخه :)

عثماني يقول...

هيهيهيهيهي

بدع حمني

:)

fatto يقول...

هلا والله عثماني .. اشلونك .. شالغيبه الطويله :) .. الصراحه هم انت بدعت ابوستك الاخير .. عجبني الصراحه :)

bhr.qadsaweya يقول...

هههههههه

والله اخوج شيطان الله يحفظه لكم
تلاقينا مو ناسيها اهوه حاطها و مستانس على روحه ..

يعطيج العافية

Sn3a يقول...

لوول اخود مو هين اسم الله عليه
بس صج اتخيل شكل السياره
موديل ييديد

Pearl يقول...

يحليله حمني .. عليه سوالف :)

بس من صج شكله يخرع .. سبحان الله

لو مو قايلة جان حسبتها صخرة عادية .. :)

دمعة المقهور يقول...

ماشاء الله شلون ثابتة طول الشارع

شلون عرفتي انها جمجمة دلفين

:)

Henoo يقول...

ههههههههه يمه كيف ماحست فيها


http://hindpage.blogspot.com/

Ļa ƒéммé يقول...

لوووول والله لصبيان عليهم سوالف مره قعدنا انسولف بالإستقبال عن اليهال لأني لقيت لعبه ولدي حاطها بجنطتي وانا ما ادري وانحرجت من بنات عمي جان ايقولون لي عادي احنا نلقى قرقيعان مو بوقت القرقيعان لووووووول