الأحد، 18 أكتوبر، 2009

لبستو شي جذي

قلب مصنوع من عظام الجمل ...إبصراحه اعجبتني الفكره ..بدلا ما يرمون العظام يصنعون منها اكسوارات او تحف (رجعنا للعصر الحجري ) بس حبيته وكان في اشكال وانواع وايد ومع انه كان سعره مايسوى اتقولون كله عظم ابعير مو أسد ولا شي نادر ..وشريته من غير تردد ومن باجر البسه واكشخ فيه ..وبعد ما ركبت السياره وله ؟؟؟
أشم ريحه ! ياربي شنو هذي ريحه من وين ريحه غريبه شنو هذي ..اشمم السياره لا مافي شي ؟؟؟ و ييت اشم اهدومي وله ؟؟؟؟ اوووووف ..... ريحت القلب ويييع ريحت القلب اشلون شاسوي اشلون افصخه ويع ويع ريحته صارت قويه ....بس ما أقدر
وأرجع البيت وافصخه وأروح أرشرش عليه عطر أغرقه وطلعت الطقم كله وسبحتهم بالعطر وبعدها نشرتهم بالهواء الطلق ..إتخيلو خليتهم يمكن اسبوعين الى 3 أسابيع ...شميتهم أشوه مافيهم ولا ريحه ولا حتى ريحت العطر مادري اتبخرت وله اتشربه ...المهم لما الحين موقادره البس القلب او التراجي اخاف اشم الريحه .............البس الاسوار بس
ونشوف مادري متى البس القلب مره ثانيه =) ها تبون اتجربون =)


هناك 23 تعليقًا:

رورو الشخبوطه يقول...

ملبوس العافيه يارب..

اذا عجبني الدزايين اخذ من نوعه عادي بس هم اخاف شويه خخ..

مشكوره..

ماشاءالله رد نشاط الفيونكات لا تقطعون :)

نمووول يقول...

انا شفت مسباح جذي بس مو
اكسسوارات نسائية

شكراً

نمووول يقول...
أزال المؤلف هذا التعليق.
شاي الضحى يقول...

ييييييممممه

لو شنو ما افكر اشتري شي صجي او طبيعي اخاف منه

البس شي خربوطه ولا شي صجي

حتى اذا شفت جناط يلد حيه او تمساح لو شنو ما اجيسهم احس اني جني جايسه الحيوان مو الجنطه


وبالعافيه عليج :))))

Me Blogging يقول...

إذا ليما الحين تشمين ريحه ، جربي تنقعينهم في ليمون

fatto يقول...

عقب الريحه تبن نشتري لوووول .. حسيت ريحته بعيير .. وييع ماحب البعاريين اخاف منهم لأن مره واحد لحقنه بالبر :(
لايسمعني ( المدون شقران ) اخاف يحط علي x :) بس اشوه اهومايدش بلوقنه :)

جان حطيتي الاشكال الثانيه .. وبالعافيه عليج :)

جاردينيا 2000 يقول...

رورو الشخبوطه
تراني نفسج اخاف اشويه =)
انحاول انا مانقصر في ابلوقنا


نمووول
بما ان سوو اقلوب وتراجي ليش مايسووون مسباح
شكرا

Me Blogging

ولهت عليج هذا اولا
وراح اجرب لما البس القلب =)

شاي الضحى

ضحكتيني ..اي والله كلامج صح وخصوصا الي اخاف من الحيوانات اكيد عندهم نفس الشعور
والله يعافيج



fatto
اهلين وسهلين فيج
مادري اعتقد ريحته اخيس من البعير =) وانا بعد اخاف منه بس متأكده ان ميت لاني لابسه اعظامه =)

Sweet Revenge يقول...

مرة يتني هدية عقد من سن الفيل بس ماكان فيه ريحة
والله كان حلو ووايد اكسسوارت تصير من جلود او عظام الحيوانات

ميمة السبيت يقول...

** منو الشرير صاحب الفكرة !!

Fishah يقول...

واهوا في كولكشن غير هذا شريتيه بعد ؟؟ @@

ههههههههه الله يعينج اذا فيهم ريحة بعد :>

ملبوس العافيه :)

جاردينيا 2000 يقول...

Sweet Revenge
ابصراحه احسه نوع من الابتكار والفن لما اتكون الاكسسوارات من عظام او جلود الحيوانات (مساكين الحيوانات)


ميمة السبيت
أنا مافهمت اي فكره تقصدين
بس اذا كنتي اتفكرين منو فكر في استخدام عظام الحيوانات اكسسوارات او اشياء ثانيه
والله اعتقد مو مجرم اذا ما كان هدفه بس جزء من الحيوان اذا كان مثلا لحمه وراح يرمي العظام ليش مانستفيد منه =)


Fishah
لا بس هذا اشوه واتعقت اصلا
بس كان عندي جاكيت مثل الفرير من فرو الارنب صحيح اتحسين في ريحه غريبه بس مو ريحه خايسه

غير معرف يقول...

واحنا صغار كانوا يقولون لنا ان العظام اكل الجن

ديرى بالك


بس صراحه لاعت جبدى
لو منك احذفهم

ChuBBy-Doll يقول...

ويـــــــع عاد ريحة بعير شيوخرها صج حلو بس عللي ماشريته انا اول ماشفته عبالي خشب ههههه

sweetya يقول...

ملبوس العافيه

بس مادري يعني في نفس الديزاين اكسسوارات ليش اخذتي شي صجي مثل عظام حيوان لووول مادري بس ماتخيل البس شي جذي

غير معرف يقول...

انا ابي بول بعير حور حق شعري فيه؟

غير معرف يقول...

مادري شالله حادج ليش تشترينه بالاساس!!! وااي الله يعينج على الريحة
شكلهم مو منظفينه عدل

يعني الصراحة مو ذاك الزود
بس على قولتهم الناس اذاواق :)
اتوقع لو تنقينه سنه مردها الريحة بترد

عاد فشله تكونين بيمعه وتسلمين على الاوادم ويشمون فيج ريحة لووول

عليج بالعافيه

شـقــران يقول...

الكريمة جاردينا

صباح عبير....الجاردينا
:)


عظام ابعير!!
:))

البعير يحملون عليه ، ياكلون ألحمه ، يسافرون على ظهره ، لكن...عظامه يخلونها قلايد...هذا شي جديد
:)


برفع عليكم قضية
;)


.
.

الغالية
fatto

الناس فتّنو عليك وقالولنا عن تعليقك،،،طلعتي ما تحبين البعارين....مو بكيفك لازم تحبيونهم
p;


زيارتي الأولى لمدونتكم الكريمة،،،لكن لاحظت إن عدد اللي يكتبون فيها ستة تقريبا...الله يديم المحبة بينكم
:)



لكم مني أجمل وأرق تحايا الصباح

غير معرف يقول...

فاتو
ترى هو يحوس في كل مدونات البنات و ما يطوف

شـقــران يقول...

الأخ غير معروف


صباحك كذب وزور وبهتان وحرّه في القلب
:))


حضوري لهذه المدونة الطيبة كان (((بدعوة))) كريمة من الغالية فاتو شخصيا

وش اللي حارك
:))

fatto يقول...

اهلا اهلا (( بوراكان = شقران )) تو مانور البلوق :) زرتنه وانه ماكنت موجوده .. عسى ضيفوك عدل انشاءالله .. انا موصيتهم يسوولك قهوه عربيه ولاتييه ونسكافيه :)


وسالفه ان لازم احب البعارين .. هذا موبكيفي .. صارتلي ( عقده نفسيه ) لووووول فلازم اروح حق طبيب نفسي يحلي مشكلتي مع البعارين لوووول

fatto يقول...

شقران :

احنه 9 مو 6 .. وانا ام الوردي الي فوق الي اطامر لووول :) وحياك الله موتقاطع صج ان يقولون عن مدونتنه ((سوق الحريم )) بس نستقبل الكل .. free q8 :)

fatto يقول...

غير معرف :

مساء الخير :) انا عندي مافيها شي ان الواحد يدش مدونات بنات ..بالعكس احنه نحتاج اراء الطرف الاخر :)




شقران :

اصلا انت ماتحتاج دعوه عشان اتشرف عندنه :)

..pen seldom يقول...

مساء الخيـر ..


أنا عن نفسـي , ما أحب آكل اللحوم

لأني بمجرد ما أفكر أنها كائنات حيه

تجيني حاله !!

فشلون تجي لي الشجااعه ألبسهم !!!

:)

بس شكلهم جميــل ..

ملبوس العافية يارب ..


زيارتي الأولى ..

أرق التحـايا لكِ ..