الجمعة، 9 أكتوبر، 2009

شئ ستايل ...

السلام للجميع .. يمكن تقولون من وين طالعة .. :) بس شنسوى الدنيا و مشاغلها .. و اتمنى ان الكل يكون بخير ..


كلنا ندري ان الكويت ( صل على النبي :) ام الهبات و ما يمدى الواحد يسوى شغلة غريبه الا الكل سو مثله عاد تعال شوف

بالرخيص و الغالي .. المهم نفس الشكل .. مو شرط الجودة ..

عاد انا الهبة الي اضحكنى سالفة Blackberry بنوعين bold , curve .. و الكل عندة الكبير و الي توة ما طالع من البيضة ..

عاد تعال شوف الألوان .. على أساس الموضة فسفوري .. الكل كفراته فسفورية ..

انا بعطيكم سايت .. تغيروون في الكفر غير الألوان الفسفورية الي تعور العين :)
i hope u like it
انا الصراحة اعجبونى الأشكال .. معن مالي كلش اي اهتمام بالتلفونات و اكسسواراتها ...

و مثل حجي امهاتنا الكبار .. ( ما اعرف الا اضغط الحمرا و الخضرا :) .. بس انا احسن منهم شوية ادز مسجات و اصور اليهال :)


انشاءالله يعجب الي لهم اهتمامات فية ..

هناك 7 تعليقات:

{~المباركية~} يقول...

لووول لا للبلاك بيري

Om MoD يقول...

أهلا أهلا ...صج صج من وين طالعه ...



بس الحمد الله إنج طلعتي ...وخوش موقع بس ما عندي بلاك بيري :)



وعلى الهبااااات صاجه يا وخيتي ديرتنا وعيالنا شي يفج الراس ..


بس ضحكتيني على سالفة ما اعرف إلا اضغط الحمرا والخضرا ..لوووووووووووووووووول ....




و ثانكس عالموقع...وهالله هالله بالمواضيع وما نبيج تنقطعين :)

ZeeZoo يقول...

انا بصراحة كنت ناوية اسوي قروب اسميه
Anti BB
بس الحين بديت افكر اشتريه لأن الجهاز مفيد ماعلينا من المسنجر انا ما احب هالسوالف واعتبرها ازعاج بحياتي بس حبيت سهولة الدخول بالنت

مشكورة على الموقع بصراحة كنت ادور عليه حق اختي

إمـرأة لا تُنسـى يقول...

مرحبا :)
بصراحة وان بغيتي الصج انا ما احب شغل الستيكرات، مثلا انا اشتريت ايفون ابـ 290 دينار عشان ألزق عليه ستيكر؟

لما يكون كفر وايد احسن من استيكر ب5دنانير، وايد عليه P:

زيزو، الآيفون وايد احسن من البلاكبيري لتصفح الانترنت، وتسوين زوم بعد ويسحب كل المواقع اللي انتي حاطتهم في الفيفرت من لاب توبك

فكري فييه

Pearl يقول...

المباركية : انا أيد :)

om mod : حبيبتي انتي .. شكرا
اي والله صدقتي عيالنا مو مال يهبون بشى تشوفينا حلاو بيد الكل :)


zeezoo : الصج على الي سمعته من البنات الي اعرفهم انه في ميزات وايد و تفيد .. عليج بالعافية .. و حياج الله حبيبتي :)

إمرأه لا تنسى : هلا و الله .. والله معاج حق بس انا قلت يمكن في ناس اتحب .
و الموقع في اشياء ثانية ..
و سالفة ( فكري في ) :) انا اقول خليني على مينوني لا ايني الي اين منه :))

وحـدهـ من البـشر يقول...

اي والله ذبحونا فيه

بس ميرسي ع الموقع لان عيدميلاد رفيجتي وكنت ناويه آخذلها شي و كنت ابي آخذ معاه كفر ق تلفونها

ميرسي

fatto يقول...

حلو الموقع .. والله انتي لزقرت :)