أصغر بطاطه شفتها

عندنا حوض زرع بالحوش مترين ونص تقريبا..زارعين فيه كل شي =) ..بيذنجان ونخل وحنا زرعه هنود ما أعرف أسمها أتنزل السكر مره ..كل هندي امر جدام بيتنا يبي منها ..وزارعين بعد ليمون ..فلفل ..وعنب ..خلط ..كل شي ...ولما ردينا من ماليزيا زرعنا فيها رقي اصفر يبناه من هناك ....وبعد بطاط ...وهذي اول بطاطه تطلع ...ضحكتني من صغرها اول مره اشوف حجم البطاط جذي ...عيل بالفرضه كله ابر وفيتامينات علشان اصير عملاق .

يا مسئولين صالات الافراح

الحين الي بسوي عرس لازم يتأكد من الامن وسلامه ..لازم في اضاءه الي تشتغل اذا انطفت الكهربا ..لازم في أمن نسائي في الصاله ..طفايات حريق ..صافرات انذار ..أنذار الحريق ..انذارات دخان ..نبي أحد من المسئولين أشوف موضوع صالات الافراح

لا حول ولا قوه الا بالله

اخماد حريق اندلع بصالة افراح بمنطقة الجهراء
الدفاع والأمن 25/02/2009 10:45:00 م

الكويت -25 - 2(كونا)--تمكنت فرق الاطفاء من اخماد حريق اندلع مساء اليوم في صالة افراح بمنطقة الجهراء ونقل المصابين الى مستشفى المنطقة والمستشفيات القريبة الاخرى.وقال مسؤول في الادارة العامة للاطفاء تواجد في موقع الحادث انه تم اسعاف عدد من المصابين بحالات اختناق وذعر الى المستشفى واخلاء موقع الحريق .ورجح المسؤول في تصريح لوكالة الانباء الكويتية(كونا) ان يبلغ عدد المصابين 20 مصابا على الاقل في حين قال مسؤول صحي ان مستشفى الجهراء استقبل غالبية حالات الاصابة وتم تحويل بعض الحالات الى مستشفيات اخرى .وقد تواجدت في موقع الحادث قيادات امنية ومن ادارة الاطفاء للاشراف على اخلاء الموقع واسعاف المصابين والتحقيق في الحادث .(النهاية) م ذ / م ع ه / ر ض كونا252245 جمت فبر 09

مواقع اتردد عليها ..واستفت منها

أول موقع متخصص في التغذية والصحة والرشاقة في الكويت

http://www.q8diet.com/

حبيته الموقع متنوع ومريح

++++++++++++++++++++++++++++++++++++++++++++++++++

وفي موقع ثاني لتغذيه الطفل

هم في شغلات احنى ماكنا عارفينها في تغذيه الطفل

http://www.wholesomebabyfood.com/

breakfast

اليوم تريقنا أنا وزوجي العزيز في مطعم فرايديز والريوق عبارة عن بوفيه متواضع صغيرون بس والله حلو أنا الشي اللي عجبني ورايحة رادة أحط لي منه سلطة السيزر بصراحة وايد حلوة ..وكليت بعد أومليت حلو عادي يعني مو شي غريب البوفيه منوع بالنسبة حق حجمه واللي يحب يجرب الريوق عندهم.. ترى بس موجود بالمارينا كرسنت من الساعة 7 الصبح لغاية 11 الصبح طبعا :)

العصائر طبيعية أنا اقول تروحون وتجربون وبعيونكم تشوفون أحسن :)

تجربة تستحق الإعادة :)

هذا البروشور :)

صور من البوفيههذا عصيري الطازج :)

بمناسبه عيد الإستقلال والتحرير

شفت الموضوع في أحد المنتديات فنقلته لكم

"تم في لندن تجهيز منطاد الكويت الأول الذي يحمل صورة صاحب السمو الأمير الشيخ صباح الأحمد وشعار الكويت والذي تم تصنيعه بأكبر مصانع العالم لصناعة المناطيد في بريطانيا وأشرف على تصنيعه رئيس منطاد الإمارات الكابتن طيار عبدالعزيز المنصوري.وقال المنصوري، في تصريح لـ «كونا»، ان المنطاد الذي يحمل صورة صاحب السمو الأمير وشعار الكويت تم فحصه وتدقيق جميع معدات طيرانه ولوازم الأمن والسلامة، حيث سيطلق في الكويت بمناسبة العيد الوطني وعيد التحرير.وأضاف ان المنطاد الذي تم تجهيزه من فريق الإمارات والمقدم للكويت يأتي تقديرا لدور ومكانة صاحب السمو الامير ودور الكويت في المساهمة في مساعدة الدول الشقيقة والصديقة في المجالات الخدمية المختلفة من مدارس ومستشفيات وغيرها."

المصدر : جريده الانباء

مطاعم الكويت

مساء الخير جميعا :) أنا من سنه تقريبا فكرت اني اسوي جدول وحط فيه كل مطاعم الكويت من لبناني وايطالي وصيني وغيره .. فكتبت الي ذاكرتهم .. ووقفت من سنه .. ممكن اتساعدوني وتكملون الجدول معاي :) تقدرون اتحطون بعد المطاعم الي أنا موذاكرتهم مثل المغربي والكويتي . هالله هالله بالمطاعم اليديده واللذيذه ومشكورين وماقصرتو :)

الرجاء الضغط على الصوره للتكبير :)

شريت وشريت من ماليزيا

بعد ما عرضت لكم تقرير سفرتي ..الحين يه وقت أعرض لكم بعض الاشياء الي شريتها من ماليزيا.

طبعا انا مثلا أغلب الناس الي اتسوقو في ماليزيا أشتريت الشحاطات والشنط بس ما شريت التقليد ما احبه واصلا امطيح بالكويت أشكال والوان ..شريت كل شي صناعه ماليزيه ..زينه مجربتها ويطول ..بس ..بوتاتها من المره الي طافت ..ما كانت مريحه فماشريت بوتات..وبعد عندهم ملابس للاطفال حلوين وايد وعندهم ماركات ماليزيه أو شركات ماليزيه حلوين ويكدون ..فبنتي كان لها نصيب الاسد شنطه كامله لها لسنتين لجدام ..اتقولون أشدعوه ..والله ابصراحه أنا وحده إيدي اتحكني أذا دخلت السوق وشفت أشياء تعجبني وأسعار مناسبه ..أغلى نفنوف شريته حق بنتي صناعه ماليزيه ويصلح للتسيورات على 20د.ك ..والله خذيت وخمطت لما قلت بس حتى بجايم ملابس داخليه خذيت لها ..أما ولدي ما شريتله وايد بس من ماركه (بوني) كان في أشياء أتونس حقه ..

إنزين الحين المشتريات إلي مو كل واحد يتعنى ماليزيا علشانها ..والله أنا وحده أبحث عن منتج مميز وغريب ويتم إذكرني بالبلد إلي زرته

الدارسين دارسينهم شي عجيب من ريحته وطعمه شي افرش ..لونه بس عجيب بعد ما تتطحنينه ..غير (من أمه) خذيته من حديقه البهارات من بننق . شفتو كوده الدارسين الي تحت بالصوره كله طلع علي 1.450 د.ك كنت باخذ كل الموجود عندها بس وين احطه هذا بس خذا مكان بالجنه ووزن بعد وعن الفشله بعد خليت لها أشويه =) . تراه عصي طويله تقريبا طوله متر او اقل بشوي بس وثقيل بعد ..بس يستاهل الشيله والعنوه ..ويتم معاك 3 سنوات من غير مبالغه.

وبعد طبعا الشاي الماليزي .....بس هذا الشاي الي يبته والي أقصده شاي بورده من زمان انعرفه ..وموجود بالكويت بالمثنى كان محلهم ومادري اذا الا الحين موجود المحل بس هذا الشاي بورده شاي صيني الاصل صناعه صينيه مو ماليزيه بس موجود في ماليزيا ..فرعين منه البيت الصيني وعندهم موقع بالنت اذا تبون تطلبون منه ..بس أغلى من محل ثاني أبصراحه نسيت أسمه ..بس كان حاط كشك في مجمع اليديد جنه اسمه كوسبي المجمع الي فاتح ..وفي محل عنده في جنتج فوق في الدور الثاني ....المهم انا يبت منه هذي المره مو علشان جاي الورده لا علشان اشلون لافين الورده على اشكال ..صج صينيين ..أشلون لافين جاي الورده على أشكال ..أنا ابروحي متعجبه اشلون امكورين الورد واشلون بعد لما تتفتح الورده هنوب شكل اللف ..حبيت أشكالهم ..بس ترى طعمها موذاك الزود ..مع اني احب الشاي بأنواعه حتى شاي الفواكه أشربه ..وفيونكات عارفين ذوقي الصعب بالشاي والككاو =)..بس اذا ابخاطركم خذوه هدايا اونس ..واخذو الشاي الاسود والشاي الاخضر عجييييييييييييييييييب

حبيت القوري صبي عليه ماي حار يتحول الى وزه بيضاء اقصد ورده ;)

متفننين في اللف دقه ورتابه

علبتهم تراها الي لونها أسود بس الي يمه شاي أخضر وثاني شاي ورد جنيي أشرب ياسمين جذي يعني =)

شرينا قواري فخار صغار وبعد زجاج موجودين بالكويت بس حبينه نشتريهم من هناك ..وقلاصاتهم بعد تراهم مثل فناجيل القهوى

لما اتزورون البيت الصيني راح تقعدون حوالين طاوله وواحد صيني يصبلكم الشاي الصيني واشلون عاداتهم في شرب الشاي الصيني واشلون اسووونه ..طقوس ..شفتو اشلون القهوى العربيه ..نفسها ..وطول ما انتي قاعده على الطاوله اصبلج بالجاي في فنيالج ..ويشرب معاج بعد ..يشرب ويقول شربي ..طفحت ثلث ساعه اشرب شاي ماصارت صج بالي طويل بس اشلون اقوله بس اهز الفنيال مادري ..اصدقون واحد ناداه الي اصبلنا الشاي ..اهني انا انحشت ..بس كنت ابي اعرف اشلون اقولهم كفايه طفحت .

بس كانت تجربه حلوه بس ناقصنا اللبس الصيني ونعيش الجوى .

الماء مرآة الكلمات

أمسية رائعة للعالم الياباني مسار أموتو

في8/3/2009 و الذي سيقدها مركز الراشد للتنمية البشرية

في فندق موفمبيك البدع فعلى الراغبين في حضور الامسية الاتصال على: 22666206

قيمة الاشتراك للشخص الواحد :30د.ك

وستكون باللغة اليابانية و العربية

و اخر موعد للتسجيل 24/2/2009

جريدة " الجريدة "

أمس بنات عمي مارين علي يتحمدون لي بالسلامة ( كنت تعبانة شوي ) ووحده منهم عشان تكونون عارفين منو بالضبط راعية فلكر :) ماسكه جريدة بيدها قعدوا يسولفون معاي وهي ميوده هالجريدة بإيدها عاد أنا قاعده أقول بقلبي شالجريده اللي بيدها وليش يايبتها معاها بعد عمري بنت عمي من متابعين الجرايد طلعت وما طوف إلا تقرى جريدة اليوم لووووووووول ..ما أشوفها إلا مدت الجريدة لي وقالت لي شوفي أم مود حاطين بلوقكم بالجريدة بس ترى مو مالت اليوم صار لها جم يوم أنا طبعا يودت الجريدة ومو عارفه وين أطالع صج.. وين ..أي صوب ..وهي تقولي شوفي مني مع إنها بس يايبه لي الصفحة اللي فيها الموضوع بس من الوناسة مو عارفه وين أطالع بصراحة وايد استانت.. وطرشت إيميل حق الفيونكات عشان يستانسون بعد ها استانستوا ؟؟؟..

و طلع هالجزء من الجريدة مخصص يحطون فيه كل مره مجموعة بلوقات وهالمرة كان بلوقنا والموضوع موضوع فاتو :) من قدت موضوعج انكتب بالجريدة :) وتاريخ الجريدة 13-2-2009 ومكان الموضوع بالضبط آخر صفحة ( آخر كلام )

إلى الأمام يا فيونكات ..

kako msn

هالموقع حده عجبني ..وضحك .. كتبو اغنيه او اي شي بالانجليزي من تأليفكم وتختارون منو تبون يغني ( واحد أو وحده ) وبعدين سمعو :)

اضغط هنا لدخول الموقع .

هالمغنبيه اسمها Gina

وهالمغني اسمه Humphrey

ماليزيا ..

رجعت بحمدالله من ماليزيا ..والحمدالله رجعت مستانسه وغيرت جوى..أنا ابصراحه كنت مخططه حق تايلند واخترت الاماكن والفنادق وكل شي بس لما صار الاضطربات عندهم ..غيرت وجهتي الى ماليزيا ..بس هذي المره رحت اماكن غير وأشياء ما شفتها ..الا في بعض الاماكن أنا احبها رحتلها .. طبعا البرجين وحديقته أحبها وايد
حديقت البرجين تتكون من مسابح عامه والعاب المتاهات ومراجيح ....ماشفت مثل مساحتها ..يعني اعيالج ماراح يملون منهم ولا من المسابح ..+ ان هناك اكوايروم يطل على الحديقه ..وطبعا البرجين شامل كل شي من محلات عالميه وماليزيه ..ومطاعم بأنواعها

أنا سكنت في فندق المطل على الحديقه ..تطلعين منه ادشين على طول الحديقه ..كل يوم اتمشى بالحديقه ..أسمه تريدرس

من الاماكن الحلوه من ناحيه الجوى والراحه ..منتجع المدينه الفرنسيه ..فوق الجبل قريبه من جنتج

وكان يومها مطر بعد زادها جمال

أما بننج أنا ما احبها وايد بس رحتلها علشان أشتري منها أغراض ..منها الدارسين من حديقه البهارات وجاي الصيني من البيت الصيني في بننج ..بس اتمشينا في حديقه الفواكه والبهارات وتسبحنا وأخترت فندق عادي يكون في وسط سوق الليل علشان التسوق تالي الليل =) أسم فندقنا بارك رويال اللوبي ماله أينن كله قاعده فيه اطلب نسكفيه

زهرة القوه لونها ابيض من حديقه الفواكه

صوره من حديقه البهارات ..أحب أشرب فيها شاي على المقهى المطل على البحر

أفاموسا ..اهنيه حق بنتي حجزت في فله فيها مسبح ..بس بلليل فلم رعب خرمس وشير تتحرك وجنه ابروحج بالفلا + أضيوف الغابه ترحب بكم ..السيده العنكبوت ..واصحابها البراعصه ..وقبيله الباعوض ..بس بالنهار وناسه ..حق اليهال اتونس ..اكوابارك اصغيره ..ومدينه الكابوي فيها عروضات من بعد المغرب الى الساعه 10 بلليل ..ماراح اتسكرين لا عينج ولا حلجج من الوناسه ..بس محتاجه مهفه + دسكفري لحديقه الحيوانات ..لليهال اتونس ..أما المعاريس مادري

لوبي فندق افاموسا ..أنصح بالحجز بالفندق مو في الفلل ..علشان الفندق قريب من كل مرافق المنتجع أما الفلل ..فوحيده مع أصحاب الغابه =)

حجزت ليله بالفلل وليله في فندق المنتجع استراحه في الفندق أفاموسا

أما جنتج ..كان فاتحين شي يديد أسمه مصنع الككاو للاطفال ..فحجزت في فندق أسمه شي وورد نسيت اسمه المهم فندق الملون الي أطلعين ريولج من الفندق اطبين في مدينه الملاهي ..اضحك من كثر الناس الي فيها ما يفضى ابدا ..ابدا كله لويه وزحمه ..بس تضحكين وتتعجبين من كثرهم ..تبين اتسوين جيك أن اتحجزين رقم وتنطرين دورج ..وللوبي كله كراسي ..جنج بالمستوصف مو لوبي ..,كاوترات مالها آخر ..اتشوفين اي كونتر ..راح اناديج ..أما جيك آوت ..مالهم فاضيلج ..في ماكينه ادخلين كرتج فيها وبس روحي

ومكان الريوق .. ملعب كرة قدم من كبر الصاله ..اي صاله مو مطعم فندق ..وطبعا كل شي دور عليه ..تبين بيضه صفي دور 10 دقايق ..حطيتي بيض ..تبين اكواسون ..صفي دور 10 دقايق ..تتريقين اصلا قبل ما توصلين حق الطاوله =) شي اضحك وعجيب .

جنتج هاي لاند متكونه من سوق + مدينه الثلج ماله دبي احلا منها +متحف عالم الانسانيه للاشياء الغريبه (حبيته روعه )+طبعا صالات البولينق والالعاب الاتاري ..وتسلق ورمي الرماح ..+ مسارح +سيرك +ساحر ...وايد أشياء +الحديقه الخارجيه وفيها مدينه الديناصور يعلمون الاطفال أشلن اكتشاف الهياكل الديناصوريه + مصنع الككاو الي أنا متعنيه على شانه ..أصغير كلش بس يشرح أشلون يصنعون الككاو من ثمره الككاو ..شكله اونس لليهال ..وأنا حبيت الديكور جوها بارد بعد مع غيم بين فتره وثانيه اتغطي الحديقه ..أشوه ما حاشنا مطر .

حليب ككاو

يعني ككاو

فراوله بالككاو

وناسه كانت سفرتنا غير ..وحلوه ..كان طيرانا الامارات ما اسافر الا عليه ..سفرتنا 10 تيام ..أنا جذي احب أسافر ما احب أكثر

دعاء الريح

"اللهم اني أسألك خيرها وخير مافيها وخير ما أرسلت به. وأعوذ بك من شرها وشر مافيها وشر ماأرسلت به "

الله يعين الصراحه الي فيهم ربو واليهال .ديرو بالكم عليهم ترى الجو مايغشمر. لأن أنا الي مافيني شي حدي مختنقه وماني قادره أتنفس عدل .. ولي زاد صعوبه تنفسي ان خشمي امسكر من النشله وبلاعيمي امسكره وفوق هذا اغبره . وطول الوقت امبللتلي فوطه فيها ماي وقاعده أتنفس منها وزوجي حاطله كمام من الخنقه .

هذي حديقتنا ..اليوم الضحى

عده التنفس :)

ديروا بالكم وإنتوا تونسون عيالكم

ولد خالي اللي شد الهمة ونصب الخيام الله يعطيه العافية بونس العيال يوم ياخذهم بالوانيت يقحص فيهم ويوم يشب لهم جراقيات ( ألعاب نارية ) ويوم إييب لهم راعي التنكر ويرش لهم الأرض عشان يصير لهم طين ويلعبون لك طولت العمر وعسى ربي يخليه حق زوجته وعياله ..بس اليوم صار شي غير متوقع ومو حاسبين له حساب والله ستر والله الصراحة الله حفظ بنت خالتي المشكلة إنها واقفة من بعيد والعيال لو تشوفونهم يدورون دار مدار الجراقي اللي يشبه ولد خالي وإهي من بعيد ما حست إلا بحرارة يم عيونها راحت بسرعة غسلت عيونها وشيلتها حاشها شرار وانشقت ( خطاج السو حبيبتي ) وبعدين دشت داخل الخيمة تقولي أم مود شوفي شنو صار بشيلتي ..

استانسوا بس ديروا بالكم ..الله يعدي هالأيام على خير ..

ما قلت لكم بعد سالفة بنت إختي إحنا أول ما خيمنا طق مطر وبما أنا المنطقة مردومة فالماي يحتاج وقت على ما تشربه الأرض وبنت إختي سيارتها صالون صغيرونه وداشة بكل ثقة والسيارة محملة أوادم وأغراض لوووووووووووول عاد شفناها تسوق بثقة زوجي قال خلينا نلحقها شكلها داله المهم نمشي وراها ما شفناها إلا داشة بنقعة ماي جان إحنا نلف قلت حق ريلي أمبيه شكلها بتغرز وصج بعدنا شوي وما أشوفها إلا مغرزة لوووووووووووول شكل التاير يضحك يفتر وماكو فايدة مو قادره عاد ردينا لهم أول شي ريلي قال شكلها تحتاج ونش يسحبها المهم انزلوا من السيارة وبعد محاولات من زوجي العزيز طلع السيارة ..

لووووووووووول تعيشين وتاكلين غيرها يا دكتورة ...بس ديري بالج إي وما قلت لكم قاموا ما إيون إلا بجيب لووووووووووووول :)

سنوافيكم بآخر أخبارنا البرية إذا كان في أخبار :)

تخرج من كورس كرة القدم

وأخيرا تخرج ولدي من كورسات كرة القدم إلي تصير بمدرسته بعد كورسين من التعب والتعذيب طبعا حقي أنا مو هو لاني اقعد الساعة 7 الصبح حتى في يوم عطلتي علشان أوديه حق التمرين وبعد عذاب دام تقريبا شهرين تخرج والوناسة إلي صارتلي مو طبيعية جنه تخرج من الجامعه مو من كورس كرة قدم الحمدالله على سلامتي .... بس الله يستر لا يبون أوراق الاشتراك مرة ثانية ... حبيب أمة وايد مستانس كل مرة ييب كووول يقول هياااا ويرفع أيده وحاسب عمرة ستيفن جيرراد ومرة ثانية ميسي .... الله يبلغني فيه وأشوفه ريال تارس هدومة يارب ... بس لان هذاك اليوم كان مطر وبرد فدخلونه داخل المدرسة ولا كل مرة في حديقة المدرسة مع الجو الحلو و ماكدونالدز يمنه بعد خوش قعدة , بيني وبينكم هذا إلي كان مصبرني .

الله ستر

حاليا إحنا مخيمين عند محمية زايد اللي ما يعرف مكانها إهي بالدوحة وايد قريبة من المدينة الترفيهية وموقعنا عجيب جنه طالعين بر بحر يعني البحر قريب علينا وقريب المغرب يتيمعون طيور النورس والفلامنغو ويصفون يم بعض بترتيب يا سبحان الخالق لونهم يشوق من بعيد وعندي بنت عمي الله يحفظ عمرها هواتها التصوير وعندها موقع بفلكر خذت أثنين من عيال خواتي مع ولد إختها ومشي لي البحر ومحد درى عنهم تدرون إهي غرامها التقاط الصور العجيبة بس انصدمنا يوم ردوا أشكالهم تخرع كلهم طين والطين لونه أسود ...وإحنا من أول ما خيمنا توصيات من عمي ديروا بالكم على العيال لحد يباعد لا يروحون ذاك الصوب ترى الرمال هناك متحركة وهي ما كانت موجودة يوم عمي وجه لنا التعليمات بس ....

الكل يسألهم إنتوا وين كنتوا وشنو هذا ؟؟؟ والله كنا رايحين عند البحر وما بقى لنا شي ونطب بالبحر تقريبا 3 خطوات ونطب ( اللي يتكلم بنت عمي وهي شاخطه أول وحده والعيال وراها ) المهم عاد تقول أنا حطيت ريولي ولا إدش ومو قادره اسحبها وأشوه إنها ماخذه معاها الصبيان ساعدوها اللي يسحبها من إيدها واللي يعابل بطلع ريلها ووصلوا لنا بالسلامة ..

بس والله خذت خوش لقطات شوفوها على فلكر واستمتعوا بصورها القديمة ..

الحمد الله على سلامتكم حبيبتي إنتي والعيال :) والله الله حفظكم :)ولا تعيدونها ..

أحلى ما في البر اليمعة ووناسة اليهال والأكل اللي ما يوقف ... كل شي حلو الحمد الله إنشاء الله نعودها كل سنه ..

new logo

اكتشفت بالصدفه هالموقع الي يغير شكل صفحه ( قوقل ) انا أعرف من زمان إني أقدر أغير اسم ( قوقل ) حق اي اسم ابيه .. فكنت حاطه اسمي بداله بس الحين أقدر أغير شكل الصفحه ابكبرها .. وهالموقع موجود تحت كتبه ( قوقل ) اذا طالع عندكم .. ولي بغير يدخل اهنيه .

الصفحه قبل التجميل :)

وهذا الموقع .. في خيارات عل الشكل ( بنات أو شباب أو يهال أو منوعات ) وتكتبون الاسم الي تبونه

انا اخترت سكشن البنات بما اني ابنيه :)

وهذي الصفحه بعد التجميل :) اشرايكم

وهذا من الي اخترته حق الشباب

وهالصفحه حق البنوتات لصغار:)

Riva - سوق شرق

شخباري سووووق شرق ، صح ؟

شدتني فترينت RIVA ، محل عمري ما شريت منه ، بس شفت هذا النفنوف و شكلي بشتري، محتاره بين اللونين ، أغلب الظن باخذ الأبيض

Update : خذيت الأبيض