رحنا ذاك اليوم قهوة الشميمري وهي قهوة يم سوق شرق استانسوا اليهال ولعبوا لعب واحنا قعدنا وطلبنا عشا وشاي وتدرون بالقهاوي الشعبية ييبون استكانة بونقطة عجيبة القعدة والجو حلو وبديع ..وعقب صلاة العشا صار لوية وخبة وناس يحطون إضاءة شوي جان يوصل المذيع ولا منو ( بركات الوقيان ) ومستضيف ( صالح النهام ) واليهال استانسوا راحوا صوبهم وقلت لهم روحوا صوروهم وراحوا صوروا وحمودو يايني يماه بروح أصور بالوطن قلت روح يمه.. طلع يايين يصورون برنامج ( في ضيافتهم ) وهذي الصورة صج مو واضحة بس ما عليه :)
لا يفوتكم مودو 
هناك 4 تعليقات:
ياحلووه الله يخليه لكم
والله هالايام الجو حلو حق قهاوي الشعبيه والقعدات بالحدايق و التمشي
يعطيج العافية
الله يسلمك...إي والله صاج الجو عجيب وشكله يبشرنا بخوش شتا :)
حلوة القعدة .. قعدة عائلية :)
و حلات الي يعرفون تلفزيون الوطن :)
يحلاته .. لو مار من وراهم بالغلط :)
واااي يحلوه والله ولهنا عليه :) يعني راح انشوفه بالتلفزيون :)
إرسال تعليق