السبت، 25 أكتوبر، 2008

LAMIS NAIL BAR & SPA

تجربتي مع " LaMis NaiL Bar & Spa "
حست على ما ليقته واللي حاب يروح أهو بالسالمية وبالضبط بشارع البحرين وبنفس العمارة اللي فيها صيدلية ( دريم البحرين )
عند المصعدداخل الصالون الديكور ألوانه كله برتقالي وبني
صوب أصباغ الأظافر
بديكير ومنيكير
غرفة المساج شكل الورد يشوق وطبيعي المكان إضاءته وايد أقل من جذي الصورة مع فلاش
وليش إني بسوي حمام مغربي خيروني شنو نوع الشاي اللي أبيه وأخترت (شاي أبيض )
قدموه لي مع قطعة كاكاو من Patchi طعم الشاي حلو
وعقب دشيت وسولي حمام مغربي وأول ما طلعت مجهزين لي عصير برتقال طازج تجربة تستحق الإعادة :)
عقب ما خلصت عطوني هالبروشور
هالصالون توه فاتح ما صار له مدة تقريبا 4 شهور وألحين عندهم عرض بس بـ 90 د.ك :
20 جلسة مساج ..5 جلسات بديكير ومنيكير ..5 حمام مغربي ...5؟؟؟؟؟( شغل حريم )...والعرض لمدة محدود
للإستفسار : 65141614


هناك 12 تعليقًا:

joy يقول...

عيل انا تجربتي وايد سيئة وياهم
مسوية منيكير وبديكير وقلبي حاس لانه اول مرة اسوي عندهم فماخذة اغراضي وياي
مثل ما قلتي سنة علما لقيته
بعدين ريحة العمارة ويع
وممرهم يطبخوون فيه صيني مادري ايش ريحته
انا اقولج الديكورات والترتيب حلو
بس سويت منيكير وبديكير ادواتهم مو معقمة والطامة الكبرى انهقصت من يلد ظفري وايد لانها قاعدتسولف ويا الفليبينية الثانية
انجرح جرح ظل ينزف 3 أيام وعقبها انتفخ المكان رحت حق نيل بوليش اهيا اللي تعرفلي
طهرتلي المكان وفجته اكتشفت انه باقي قطعه يلد قصتها وخلتها بالجرح وتسكرت عليه
ادري أرف الموضوووع بس احذر عشان لحد يطيح باللي انا طحت فيه
وأي شي عن الاظافر سألوني انا خبرة رقم 1

وكان لازم التنويه انتو خواتي ومابي يصيرلكم اللي صارلي

غير معرف يقول...

5؟؟؟؟؟( شغل حريم )...

أبلة .. يعني شنو شغل حريم ؟

ولد شقي !

Om MoD يقول...

يمه خرعتيني..
بس والله المكان بشكل عام كان نظيف ومثل ما قلتي الواحد يحرص بهالسوالف على المكان اللي يروح له..

بس مكان الحمام المغربي نظيف وايد وحلو حرام بعد اظلمهم ...بس بديكير ومنيكير ما جربت بس خواتي مدحوا لي شغلهم يمكن اللي سوت لج عليميه..وعالعموم سلامتج وما تشوفين شر :)

Om MoD يقول...

ولد شقي :

شغل حريم ...يعني للحريم بس ممنوع تدخل الرجال والأولاد :)

غير معرف يقول...

They didnt even spell floor (1) correctly. I hate places that look nice but you can tell they are uneducated.

Pearl يقول...

المكان شكلة حلو و مرتب .. بس الحكم بعد التجربة :)

New Bride يقول...

مادري ما شجعني كلش !!

جربي Nail Polish

امبيه قمة النظافة

master يقول...

واااااي جوي
بقه يغمى علي من سالفتج ... مخيفه

Om MoD يقول...

pearl :

إنشاء الله عقب ما تقومين بالسلامة :)..


new bride :

شدعوه كلش كلش ...شنو يعني رحتي شفت المكان ..وايد هادي ومرتب ..والناس أذواق ...وإنشاء الله بجرب وأوافيكم بالتجربة ..

Delly يقول...

try bubbles EYAAAAANIN! located in Burj Jassim opposite to ice skating ... 9ej 9ej EYANIN!! hatha habbeti ilyedeeda :D

غير معرف يقول...

أنا مو حارني إلا المغسله إلي داشه عرض في ثالث صورة !!!!

om hussan يقول...

عجيييييييييب حدج شوقتيني يبيله روحه