الثلاثاء، 21 أكتوبر، 2008

Laila Gallery SPA

من فتره و أنا أشوف دعايات حق هذا المكان في ليلى جاليري و أنطرهم يفتحون ، أمس كنا رايحين هناك قلت خل نمر عليهم نشوف شنو عندهم ، إنصدمت لما شفت ألف جهاز مشي و رياضه !!!!! شنو هذا مو SPA ؟؟ قالت المره إلي مسوية لنا التوور إن في سبا بس نطروا شوي . إلا المكان في وايد أشياء في أجهزه ، قاعات للتدريب على الرقص و اليوغا و في صالون و جاكوزي و أخيرا غرف صغيره للسبا . كلش مو مثل ما أنا متخيله ، أهو زين ، بس أنا وايد توقعته أكبر و أحلى و شي خيال ، بس كان جدا عادي . مسكينه المره قعدت قعدت تشرح لنا عن كل شي موجود بس أنا كلش ما شدني فما قعدت أسمع ، أغرب شي قالته ، إن ممكن أسوي مساج مره وحده بس ، ما أقدر أسوي مره ثانيه إلا إذا كنت عضوه بالنادي ... همممممم !!!! من بروح لهم عيل ؟؟؟؟

anyway إلي مهتم بالموضوع ، هذا رقم تلفونهم 1840555

ملاحظه : صالونهم Franck Provost ، أحلا شي يمكن كراسي الصالون

هناك 7 تعليقات:

Om MoD يقول...

عاد الدعاية حدها تشوق وكنت ناوية أمرهم وأسوي مساج ...يالله زين شلتهم من جدولي :)

master يقول...

روحي يمكن يعجبج و تكتبين تجربتج :)

Om MoD يقول...

ما أدري أنا أحب مكان شرح وتقولين الغرفة صغيرة ما أدري ليش حسيت إنها تييب القامت ..بعدي كل أجهزة المشي كلش ما يشوق..وتوقعت الألوان أحلى ..ما أعتقد بجرب

غير معرف يقول...

انا دزولي بطاقة دعوة و تجربة المساج مجانا

شكل البطاقة حلو و الصور تشوق فيها

بس اعتقد انها دعاية دام قلتي ما يشجع !!

غير معرف يقول...

و عليا كسرو خاطري...
شنج فقرتيهم ياوخيتي ؟؟!!

أفراح يقول...

المكان حلوو ما فيه شي بس توقعناه بيكون واايد أحلى خاصة عالاشياء الللي حاطينها وشاطين عمرهم عليها و سلامتكم

غير معرف يقول...

السلام عليكم
الصراحة ظلمتو السبا، انا لما بروحو بنسى حالي :) يا ريت تجريوه وتخبروني وكمان تدعولي :)