الأربعاء، 8 أكتوبر، 2008

Napket



فتحوا Napket (مطعم في الأفنيوز) ، رحنا له من جم يوم ... ديكوره مو طبيعي ، ما جنكم بالكويت ، و الاحلى من جذي ، عندهم قعده بره بالبلكونه ، فيها نافوره صغيره و إهمه بعد يطلون على نافوره تحت ، جنها النافوره الراقصه مع ليتات ملونه . المكان عجيييييب ... الأيام اليايه بتكثر القعدات بره و الجو بتحسن ، فزهبوا روحكم . أنا كليت عندهم سندويش ، خبزه فرنسيه داخلها بسترما مع مسترد و مايونيز ، حلوه عجبني طعم المسترد ذكرني بصمون فرنسا ، كله يحطون في مسترد . إختي خذت سلطه جرجير ، تقدرون إنتوا تختارون سلطتكم . و إلي يقعد داخل المطعم أكو iPods تقدرون تسمعون فيهم أغانيكم المفضله ، حدها الفكره عجيبه ، حق إلي بيي بروحه . وايد يشوق أكيد راح أروح له مره ثانيه .
بوست من blog مارك عن المطعم ، في صور إضغط هنا ، و صج مثل ما قال مارك أسعارهم غاليه ، إلي الصمونه تطلع بـ 4 دنانير تقريبا ، بس أنا الصراحه عجبني .

هناك 16 تعليقًا:

DoDoq8 يقول...

لنا زياره ان شاءالله


:)


شكرا

KuWaIt MaStEr يقول...

وااايد مدونين مدحووا ديكوره وقالوا حلوو يبيله زيااره

SNoW White يقول...

Walhana 3aleech ya master :)

joy يقول...

oh god this napket
is out of this world its like nothing else


وااااااااااااااااااااايد زغت عالمكان
شي شي شي
انا ورفيجتي صرنا هيلق بس اي شي نبي ناكل المافنز وايد لذيذين وانا خذيت كرواسان بالتركي
ياي
ناطع المكان والاكل والموسيقى


وجني حاسة انه شفت وحدة مع 2 بنات ابقلبي قاعد اقوول ماستر هذي
والمكان يناديلها حده يصلحلج
تحياتي

master يقول...

joy:
هاهاهاها لا و قتها كنت مع أمي و اختي

بس من يدري يمكن يوم من الأيام نشوف بعض :)

master يقول...

ويييي snow white
توني أشوف شنو كاتبه ، حتى انا و لهت عليج :)

bo_sale7 يقول...

مريت عليه وانا امارس رياضة المشي اليومية
الحقيقة المكان سيء لا خدمة مثل العالم ولاطعم ...الخبز يابس واشتكيت عند واحد كويتي شكله صاحب المكان وياب الشيف شكله فرنسي وقال معاك حق الخبز يابس وحقك علينا وهل الكلام لكن عندهم واحد لبناني نفيسه ومو مؤدب مع الزباين اسمه الييه عباله نفسه متصدق على الناس وهو اللي فاهم والباجي يايين من الصحرا !!
عموما مو الديكور المهم بالمطعم الاهم هو الاساس وهو الاكل ...اكل خبزه يابس ومافيه طعم وخسارة فلوس
غير انه الاكل مومعروف شنو هو لازم واحد يشرحلك والليبيل اللي حاطينه صغير ما ينقرى والجرسون ماله خلق يشرح ...والاهم انه صارت مشكلة جدامي بسبب نظام المطعم وهي عبارة انه الشخص لازم يقوم يطلب لانه مافيه منيو ..واحد كان قاعد على الطاولة وقام راح يطلب رجع ولا ناس قاعدين مكانه وصارت حوسه هو يقول هذا مكاني والناس يقولون لقيناه فاضي والجرسون يقول سياسة المكان مافيه حجز للطاولات !!
حالة

غير معرف يقول...

المكان حده عجييييييييييب و الأكل حده لذيييييذ كل شي فيه عاجبني رحت أنا و زوجي و المكان حده رومانسي
أهم شي إن الأكل صحي و مايمتن :)
يا حلو بلوقكم يونس

master يقول...

bo saleh:
اووه حوسه ... مكان يديد لازم اول ما يفتح جذي

غير معرف يقول...

الي بروح له بالكويت لازم ما يكون رايح مال لندن عشان ما يكرهه القعده فظيعه بس الاكل مو شي

الاتموسفير حلو ..

غير معرف يقول...

صج شي خياااااااااااااااااااااااااااااال روعة المكان و ذوق لا يعلى عليه و الأكل موطبيعي ، صراحة هذي القهاوي اللي تشرح القلب .
مشكورة ماستر حبيبتي على هالنقصات.

غير معرف يقول...

أنا مرت أخوي جربته في لندن تقول أكل فرع الكويت وايد أحلى ماكو مقارنة

غير معرف يقول...

أنا مرت أخوي جربته في لندن تقول أكل فرع الكويت وايد أحلى ماكو مقارنة

master يقول...

غير معرف:
العفو :)

غير معرف 2:
صج و الله لندن مو حلوه !!! غريبه

غير معرف يقول...

هلا حبيبتي ماستر أنا سألت مرت أخوي تقول في لندن الأكل غالبيته معاه هام و التشكيلة أقل و الكافيه امجكنم.
أما فرع الكويت فيه تنوع و الكافيه وايد أكبر ، جربت السلطة المغربية و ساندويش الجبنة بالتوت و أخوي أكل باستا بالمشروم و شرب عصير رقي .
أنا بحاول أروح لما يرد زوجي من السفر و قعد بالبلكونة ههههه.

أم جود

نقوشيه يقول...

i luved it 7di !
the decoration, the music, the balcony & the fountain
7da romantic ..
the food is really healthy & light
i tried all kinds of salads & the chicken ceaser sandwitch,the smoothies, and of course i won't 4get the morning coffee, specially in these days, cos el jw 7da 7elw

the waiters were so helpful & nice
i met the owner, cos i've been there in the opening day too .. and he was chit chatting with the ppl, he is really humble