الأربعاء، 8 أكتوبر 2008

مفاجأة لا تصدق ؟؟؟!!!


اليوم في الدوام كنا محتفلين بعيد ميلادة وحدة بالدوام و صدف دخل مراجع علينا الظاهر الاخ استانس على وناستنا فعطى رئيسة القسم سؤال قال عطيه حق موظفاتج و لي تحله راح أعطيها جنطة تتوقعون شنو ؟؟؟
Gucci
و يات و عطتنا السؤال وهو :5+5+5=550
والحل هو وان نحط شرطه على الزائد و تصير 4
545+5=550
انا بسرعه عرفت الجواب لاني ماخذته مره في دورة و بعدها اتصلنا على الريال بنشوف صج و لا جذب بيعطينا الهدية و الله وطلعة السالفة صج و خذى الاسم وقال بوصلها مع السايق على بونه باجر و انا حاطه بالي ان يجذب و لا بنص الدوام اي سايق وبايده جيسة غوتشي امبييي ما صدقت حتى بغيت اردها بس البنات حبايبي قالوا اخذيها هذا من حقج :) و دقينا على الريال و شكرناه .

انا للحين منصدمة صج اذا قالوا رزقكم باسماء وما تعلمون و انشالله يطعمكم مثل ما طعمني قولوا آآآآآآمين

هناك 14 تعليقًا:

نون النساء يقول...

عاد جنطة ؟؟ لووووووووول

آمين والله آمين
بس مابي جنطة أبي شي فبالي...


غريب هالإنسان ايونّس
جان زين كل المراجعين جذي :P

Sn3a يقول...

وناسه
عليج بالف عافيه

master يقول...

أغرب من الغريب يا نون النسوه
جنه السالفه تخرع ، ما خفتي تاخذينها باجر يجلب فيج و كل يوم زايركم ؟

sun shine يقول...

مشكورين لا ما يعرفين و لا جافني لووول

غير معرف يقول...

LOL!! ok thats funny @@ wainaaa hatha bagooola abi sa3a cartier :p

mjkout يقول...

ما عنده سؤال بو سيارة ؟

غير معرف يقول...

وشدعوه الجنطة أصلية اكيد متوهق فيها و يبي الفكه منها و سوى كل هالسالفة منها وناسة و منها يتخلص من الجنطة

ShaymoOona يقول...

المستشارين الي عندنا والله يعطون اخطوط ودعوات و حركات =)

DoDoq8 يقول...

عااد اصليه


اخاف يسوي دعايه حق بضاعه شاريها من الصين!!

sun shine يقول...

اي اصلية 100%

غير معرف يقول...

3alaich eb alf 3afya 7abeebty : ) ameeen ajma3een inshallah : D

snow يقول...

عليج بالعافيو وااتقطعينها بالعافيه :)

SNoW White يقول...

3aleech eb alf 3afya 7bibti

:))))

غير معرف يقول...

سؤال واحد انتي متزوجة؟ ما قال شي زوجك واذا مومتزوجة أهلج عادي راضيين ما قالولج شي