الجمعة، 22 يناير 2010

BaBy ShoweR PaRty



حضرت baby shower وذهلني كل شي الترتيب والتنسيق والهدايا والأكل ..وكل صغيرة وكبيرة ...بصراحة جهود مشكورة وتستحق الثناء ...:) الله يعطي العافية كل من ساهم وشارك والشكر الأول والأخير حق صاحب الفكرة ...:)


بكتفي بعرض الصور والتعليق عليها ..

1- baby shower for girl :
الديكور والهدايا :)


طبعا خلال الحفلة كان في مسابقات وهذي وحده من المسابقات وهي عبارة عن حروف ونحط كلمات تتعلق بالبيبي ...وعاد تعالوا شوفوا الكلمات وقروها وضحكوا هذي كانت ورقتي ..:)

ومسابقة ثانية كانت منسقة الحفلة حاطة لنا أغراض من حليب وبامبرز ...الخ.. والمطلوب نسعّرهم.. واللّي أسعارها اقرب إهي الفايزة ...ومو تقولون أنا اللي فزت صج عندي عيال بس ما أعرف الأسعار ...
ألحين صار دور البوفيه..كل شي كان نمنم وصغير والديكور طبعا وردي ...شكل الصمونه تشوق مووووو....داخلها مني برجر وجبن وخس وصوص..:)
واو كل شي صغير.....
وهني عاد الحلو ..وكان عبارة عن كوكيز صغار وكب كيك هم بعد صغار..


شرايكم ...مو تعب ..مو كل شي حلو ...طبعا في أشياء ما ذكرتها وما صورتها بس حاولت انقي من كل شي وأحطه لكم ...


2-baby shower for boy :


في البداية المكان كان مطعم "ساكورا " في فندق كراون بلازا...

سبب اختيار مطعم " ساكورا " إنه مطعم هادي ..وعندهم برايفت روم..:)..عند المدخل كانت موجوده هاللوحة..وكل ما تدخل وحده ادور مكانها وتقعد لأنها بتلقى تب مكتوب فيه اسمها وكيس فيه كاكاو أم أند أمز بس أزرق :)

من المسابقات هذي المسابقة وهي كانت رسمة كاريكاتير...ونكتب تعليق وطبعا اللي الحفلة على شرفها إهي اللي تحددمنو الفايزة..وطبعا دايما اول وحده تفوز om mod :)عقب عاد تحط التعليق الفايز بالبرواز وتحتفظ فيه للذكرى :)...ولا تطوفكم هديتي ...ميدالية ولا أحلى كشّخت فيها مفتاح سيارتي ...:)مسابقة ثانية من المسابقات ويبيلها فنان ..توزع علينا طين ..وكل وحده تشكل أي شي يخص البيبي...وهات يا فناتق ...البنات مو هينين طلعوا فنانين ..بس انا ما عرفت أسوي شي سنع ...الهدايا اللّي حصلتها الحامل ...عليج بالعافية ...والمفاجأة كانت بالنهاية ووصول الكيكة ...تفاجأنا كلنا بروعتها..كانت من Breadtalk حدها لذيذه..

مرة ثانية أشكر كل من تعب وفكر وصمم وحط وشال وراح ورد ...بصراحة جهود تستحق الشكر والثناء....

ويسعدلي أيامكم ...

تحديث : هذا التعب كله يرجع حق فيونكتنا ( pearl ) محروسة من العين وعساج عالقوة :)

هناك 17 تعليقًا:

نواعم يقول...

صراحة فناتق تونس
ماشاء الله عليكم بالعافية

:)

Eluded Euphoria يقول...

woooow wala shi'3il mat3oob 3alaih :)

:: بـوح الصمـت :: يقول...

ما شاء الله .. الشغـل ناااعم ومرتب .. يشوووق حددده :)
عليكم بالعافية وتسلم الأيادي ;*

شاي الضحى يقول...

ما شاءالله شغلهم مرتب


بس مو مصرف؟ قبل الولاده هدايا وبعد الولاده هدايا لوووول



مشكوره

Om MoD يقول...

نواعم :

:)

مشكورة ...وشكرا للتشجيع :)




brown-suger :

مشكورة عزيزيتي...وحاضرين للمساعده :)



بوح الصمت :

تسلمين عزيزتي..

والله يعافيج ...ويسلمج :)





شاي الضحى :

مشكورة ..

الغالي يرخص له كل شي...:)

العفو ولو :)

Tekana يقول...

woooow ywaaanis

ZeeZoo يقول...

ماشالله عليهم تعبانين على الحفلة بس هالنوع من المناسبات دخيلة على مجتمعنا يعني ما اعرف ان اي وحده سوت baby shower
طبعا غير مصاريف الحفلة والتفكير بالاغراض والتجهيزات
بالنسبة لي انا ما احب هالسوالف
بس يعطيهم العافية على المجهود

أشراقة الأمل يقول...

أعجبتني جدا مدونتك تمتعت بالتجول بين جنباتها ولم أنتهي بعد سيكون لي

زيارات متعددة بارك الله فيك

abLa Noura يقول...

وناسه البيبي شور .. ما نسوي جذي
يبيله ندخل هالسوالف بمجتمعنا

Om MoD يقول...

شكرا لكم جميعا :)


وحياكم كلكم :)

ARTFUL يقول...

صراحه شغل متعوب عليه وجهد مشكور

بس ما فهمت سبب تسميته بيبي شاور بارتي!!!

جاردينيا 2000 يقول...

صحيح مثل هذي الحفلات دخيله علينا بس ممتعه جدا وتغير الروتين ونشارك الحامل منتظرها الغالي ونرفه عنها خصوصا اذا كانت اول مره مثل هذي الحفلات راح اتحس ان هيه مميزه في حملها واحبابها فرحانين فيها
انا حضرت مثل هذي الحفلات لاحدى صديقاتي كانت ممتعه جدا
شكرا على الصور والبوست حلو وافكارها احلى

ShaymoOona يقول...

خلاص رسميا انا بسوي baby shoer بس اسويها اي شهر انا بالرابع ؟؟

mazyona يقول...

حلوووووووووووووووو وايد
يتهنون فيه

Om MoD يقول...

shaymoOona :

إي سويّ والله وناسة ...لا تو الناس يكون نهاية الشهر السابع أو أو الثامن :)


وتولدين بالسلامة ..وحاضرين للمساعده :)





mazyona :

شكرا ..

والله يسمع منج ...

ShaymoOona يقول...

بعد عمري om mod والله لا خلاص اذا قررت اسوي ترا انتي اول المعزومين :)

Om MoD يقول...

:)

يسلمو حبيبتي....تولدين بالسلامة يارب..


ومثل ما قلتج لج ...حاضرين للطيبين :)