الاثنين، 4 يناير، 2010

BBQ

صباح الخير :) بما أن الجو حلو هالأيام ومايانه البرد الي ودنه فيه بس لازم نستغله .. وحنه استغليناه ابقعده حلوه في حديقه يدتي ..وماتكتمل الفرحه الا مع الأكل طبعا :) ..بس هالقعده الحلوه مو توه ..من شهر تقريبا .. بس الظروف ماسعفتني ان انزل الموضوع ابحزته.. المهم في واحد انتعامل معاه حق مشويات (باربكيو) ينقاله ( بوعبدالله ) أصله لبناني بس على قولته مهجن كويتي :).. اييكم مع عدته لي عندكم .. انشاءالله لو تبونه اييكم الوفره ماعنده مشكله وقولي لوتبوني بالجو اييكم :) حبوب وطيب ومحترم .. طبعا كلشي عليه من فحم وشوايه والحمص والمتبل والريش والكباب والتكا والخبز..وماشاءالله عليه شغله سريع واكله لذيذ وخاصه العرايس لاتطوفكم حدها لذيييييذه .. يحط معاها مثل ماقالي (زبده الجبن) والخبز الي يستخدمه مصري .. راح اتلذذون فيها صدقوني .. ويحسبلكم الاكل بالكيلو والكيلو عنده ابـ 7 د.ك يعني تقريبا الشخص ابـ 4د.ك ورقمه 99675644 .


هناك 7 تعليقات:

نون النساء يقول...

التجربة على مايبدو اتشووق

وناااسه

على قولتهم قط فلوسك بالشمس واقعد بالظلال

رورو الشخبوطه يقول...

السلام..

ماشاءالله شكله يشوق الاكل ..

بالعافيه عليكم يارب..

ومشكوره..

Q8EL5AIR يقول...

اووووووووه هذا بوعبدالله ..

ترى معروف ماشاءالله عليه مشوياته موصج .. خصوصا العرايس ..

اذكر الشباب مزجوا عليه :)


لا شكلها خوش قعدة وبالعافية .. صج انها متاخر بس يالله سامحينه :)






وتحياتي ..
ويسلمواااااااااااااااا :)

mtfa2el يقول...

اول شي مبروك ما ياج و عسى الله يجعلها من الذرية الصالحة

ثاني شي

هذا شكله يثل يخرع
لووول
شنو اللحم اللي يحطه الحين يقولون كله تسمم هالايام
:(

غير معرف يقول...

يبناه في البين حده عجيب

و خاصة في هالجوو الحلو


اكثر شي احبه العرايس ايسويهم بالجبن مع الخبز المصري :))

شاي الضحى يقول...

الكل يمدحه مره اهلنه يابوه بالشاليه والأغلبيه قالوا ان العرايس نمبر ون :)


وعليكم بالعافيه

Ms Botamba يقول...

خوش واحد بوعبدالله
مره يبناه الشاليه
العرايس مو طبيعيه :x

و حده خفيف طينه قعد يسولف ويانا و يغني حق الخدم لووول :p