الثلاثاء، 30 يونيو 2009

مطعم إصفهان بسوق واقف


اكيد الكل واصله هذا الايميل عن مطعم اصفهان و بنقل لكم تجربتي مع هذا المطعم:)
بمناسبة انتهاء العام الدراسي قررنا نطلع طلعة عائلية مع الوالد و الوالده و الاشقاء الاعزاء و بعد المشاورات اقترحت عليهم انجرب مطعم اصفهان و ما اطول عليكم و صلنا سوق الديرة و سالنا رواعي المحلات عن المطعم و مشينا بهل السكيك و الغبره و اخر واحد سالناه قال اقبال فندق البحرين ...... مشينا لمن و صلنا الفندق البحرين و لا قبالنا مطعم شعبي و ابوي سالني هذا المطعم قلته لا لالالا فراح سال راعي المطعم و تتوقعون شنو قال:
.
.
.
.
.
.


انتوا العايله رقم 101 تسال عن المطعم
.
.
.
المطعم موجود في سوق واقف
.
,
,


في قطر !!!!


وووا فشلتاه..... فلا تصدقون الايميلات و المنتديات لازم اتشوفون او تسمعون قبل لا تعزمون او تقترحون خصوصا بعد اذا كان احد معاك ميت من اليوع ....و قمت ارقع حق روحي و قولهم انتوا شفتوا شي ما شفتوه من اول :)

هناك 16 تعليقًا:

Q80 BOY يقول...

loool
i got the email today .. was wondering how i missed such a big and nice restraunt :P

DoDoq8 يقول...

لوول

فشله

طز بالرجالة يقول...

قوة يا بنات
هذي تعليقات متأخره صار لي مدة ما دشيت عندكم
ولهت عليكم

حق ام مود ديري بالج من هالشركة مالت التغذية
في ناس قريبين مني جربوها, يقولون ان فيه احتمال كبير انهم يرشون الاكل دواء من أجل تسهيل عملية الهضم..افهميها عاد.

بعدين الموضوع الثاني الخاص بالسبا الي في كراون بلازا...ماني رادتها عنهم
زبالة
تدرين ان هالموقف كان بيصير معاي لوما اني طنشتهم و مشيت
نفس المعاملة و التفلسف في الفرع الموجود في ليلى غاليري
كلهم ملك بوخمسين
و الادارة حق وحدة لبنانية مسكينة عايشة الدور

و على فكرة الي في ليلي اشتراك شنوي الفين دينار تقريبا
و هالعزايم البلاش مجرد جر رجل

الاخت اللبنانية يت تتفلسف علي ليس كنت اتكلم بإحترام و هدوء
بس عرفت الاسم طخت و صارت ادمية

ما انصح اي احد يعودها
و الدعوة الي عطوني اياها...حطيت موعد و كشت
و دقوا و زفيتهم زف اليهد

تحياتي

Sn3a يقول...

عاد صج قالولي سوق واجف بقطر ماقالولي مال الكويت
بس يتروالي من اليوع ماكملتو باجي الايميل;p

عاد وين رحتو عقب؟

Safeed يقول...

أنا انصدمت لما شفته بقطـر ! و طول هالمدة كنت احسب انه بالكويت!
بس أكله لذيذ .. رغم إن المطعم وايد صغير :)

The.One يقول...

أمبيــه دقرة !
موحلوه ألحين متفقه مع اهلج
ومدورين يوم يناسبكم وحالـه
آخـر شي ماكو مطعم !!


الله ييغرب هالايميـل الي حطاج بهالموقف

جنون الكويت يقول...

هههههههههههههههههه والله قصة ويه حده ^_^

sun shine يقول...

رحنا دسكفري لن ماشافوا:)

جاردينيا 2000 يقول...

مساكين والله =(

غير معرف يقول...

لوووووووووووووول

مطعم إصفهان شراح يكون فيه زود عن مطاعم المباركية الفاخره يعني ؟؟
هالمطاعم كله تذكرني بالحسين بالقاهرة بس اهياانظف اشويه:)

ميمة السبيت يقول...

** الله يعينك صج صج صج صج فشله

لو انا من اهلك والله لي بعد 10 سنين

ماتفكر تقول روحوا هالمكان

Manal يقول...

:)

والله حاله هالايميلات الي مامنها الا نشر اخبار ما ندري شنو مصداقيتها

يالله ما عليه
:)

طلعتو مع بعض
:)

ZeeZoo يقول...

لوووول
تعيشين وتاكلين غيرها :)

Om MoD يقول...

لوووووووووووووول ...ما عليه تحصل بأحسن العائلات :)




طز بالرجالة :



أهلين عزيزتي والله يقويج ...


وما عليه حياج الله بأي وقت ..

وتوله عليج العافية ...


يمه لا تخرعيني ...شنو قصدج يعني شي يمشي البطن :)

بالعكس ما حسيت بهالشي يعني حمد الله عادي :)


وعلى طاري السبا ..ما عندهم سالفة جذيه بخسرون الزباين ..

وعلى جذيه جان زين تتغير الادارة إذا العيب منها لأنه بصراحة المكان حده روعة :)

gaFsHa ;p يقول...

لووووووول
انا لما شفت الايميل توقعت بقطر
لان سوق واقف اللي بقطر وايد حلو و كشخه
اللي بالكويت داااثر :p

fatto يقول...

ويييي يحظي فشلتينه لوووووووول .. امي وبوي ماتو عليج ضحك يوم قريتلهم بوستج :)

قاعد اقول والله كشخه هالمطعم بالنسبه للكويت .. ماعندنه مطعم ابهالفخامه هذي :)