الاثنين، 22 يونيو 2009

وينك يانحن والاطفال

تذكرتوه ..مركز نحن والاطفال ويه شعاره البانده الاصفر ..وييييه كان شي على أيامنا ..ماأروحله الا في فتره الاعياد والما انخلص من المدرسه وناجحيين =)
اليوم استلمنا الشهايد وفرحه الامهات قبل اطفالهم في النتايج ..والشوارع زحمه ..واليهال انطلاق وافراج من بعد الامتحانات ..يله انعشيهم ونونسهم من بعد الحكره ...ها ماذكرتو ايام زمان مع نفس الشعور ...وناسه وخصوصا لما نشتري من نحن الاطفال ..وباربي لازم باربي نازله يديده في زي جديد ...
الحين بنتي ذكرتني لما استلمت الشهاده وقالت يله يا يمه وديني قلعه الالعاب "فانتزي وورد " الي في شويخ ماتحب تشتري العابها الا من هناك مع ان في له افرع في اماكن ثانيه وداخل المجمعات ...لا ما تبي الا اهوى (اذكرت لما ابوي اقولنا خلنا اروح محلات الوليد اقرب ..إحنا لا مانبي الا نحن والاطفال ...حسافحه عليك يانحن والاطفال رحت مع الايام الحلوه . المدخل
كان في تنزيلات بس مو على كل الالعاب عالعاده على ربع الالعاب

ديكور عجبني داخل المحل



هناك 10 تعليقات:

Q8 TeaCHeR يقول...

اي والله وينك يانحن والأطفال :/

رورو الشخبوطه يقول...

مبروك ..

والله يوفقهم يارب..

اخييه اشتقت للمدرسة..

sad face :( يقول...

ahhh

i want to have baby

i want to go with my baby and buy some toys for him/her

but i cant have baby

:(

zolox1 يقول...

قبل لازم نشتري انا ويه اخوي حوض سباحة منه و قواري صناعة امريكية .. و بعدها نروح الارنب الجائع نتعشى فيه صج ايااام

غير معرف يقول...

sad face

عسى ربي يفرجها عليج و يرزقج العيال الصالحين اللي يملون عليج دنيتج و مو بعيدة على الله
(ان الله على كل شئ قدير)

تحياتي للجميع

{~المباركية~} يقول...

لا وين من صجج خبرج عتيج عيال الحين بس يبون كمبيوتر وبلي ستيشن واجهزه اكبر من عمرهم و بيطلعون يروحون مولات

الله يرحم ايام قبل كنا نسوي الصاله كلها العاب نترسها ونتهاوشت على لعبه
ونشتري طشوت من ايكيا جنهم براميل انحط فيهم العاب

مشكوره

DoDoq8 يقول...

loool

ee walah klshay t`3yer

o alah y7f`6 3yalna mn kl shar

om comment kuwait يقول...

ايه والله وينك يا نحن الاطفال

شحلاته و شكبره كل شي فيه


تذكرين السيف واي بعد كنت احبهم هالمكانين
------------------
الله يوفقهم و يهديهم و يصلحهم

الحين اتوقع يا جاردينيا 2000 انتي مستانسه اكثر منهم :)

جاردينيا 2000 يقول...

Q8 TeaCHeR
ايام زمان حلوه

رورو الشخبوطه
الله يبارك فيج


sad face :(
ليش ..أنا صارلي 4 سنوات وأنا ودي في ياهل والحمدالله الله رزقني في ولدي عيسى =) نعمه من ربنا ..الصبر مفتاح الفرج


zolox1
الله الارنب الجائع يامي


غير معروف
آمين ..الله يحيك




{~المباركية~}
اي والله وانتا الصاج ..



DoDoq8
مشكور على الدعوه

Om MoD يقول...

يا سلام ..والله ذكريات ..

صج نحن والأطفال شي ...


وابتسمت يوم قريت هالمقطع ( ماأروحله الا في فتره الاعياد والما انخلص من المدرسه وناجحيين ) ..لأنه إحنا نفس الشي ورديتيني حق هالأيام ..

ونحتار شنو نختار ..أنا كنت لازم بالاضافة حق الباربي لعبة تشغل المخ وتكون جماعية ..


والله أيام :)

مبروك على نجاح مريومة ..يوم ما تشوفينها متخرجة من الجامعة و تزفينها عروس :)


و sad face عسى ربي يرزقج الذرية الصالحة ..وكل شي خيرة من الله..

:)