السبت، 6 يونيو، 2009

حفله البنات

كانت حفله ممتعه للكبير والصغير .. بس لازم اولا قبل ما اتكلم عن الحفله لازم اشكر المجموعه التي اعانتني على تنظيم الحفله
اولا زوجي العزيز..
ثانيا افيونكات ..أحبكم
ثالثا منتدى كويتيات ..ما أستغنى عنه =)
كلهم ساعدوني بأفكارهم ..وخدماتهم ..ومنهم من زيين لي الحفله
شكرا ..شكرا ..=)
الحين الحفله كانت عن الفراوله ..وسوينه مشهد عن فايدة الفراوله ووزعنه ورقات عن فايده الفراوله ..وعلشان يحبونها أكثر خليت شخصيه الحفله ستوبري جيس كيك بنت يحبونها الاطفال ..
الزينه كانت بلونات ..وكانت ناعمه علشان السرداب صغير ..بس كانت حلوه وايد خذيتها من عضوه في منتدى كويتيات (معشوقه السفر-ام بدر)
وكانت هناك تنظيم للحفلات لولو كتي خذيت منهم رسم الوجوه

أما العشاء ....كانت السانويشه العملاقه اتكفي فريج ...امقسمه من داخل 4 اقسام كل قسم نوع ...حلوه وايد من هلثي آند تاستي =)

الكيكه كانت من سابليه ..ابصراحه ادور وادور ماردي ارجعله صج اشكال كيكه مو زاك الزود بس الكيك مالته ترفه واحنا انحبه فخذيتها على شخصيه الحفله


الطاوله زيتها وطلعت عجيبه


وجبات الاطفال حطيتها في علب ولصق عليها استيكر المحبوب



هدايا الامهات ..كانت اسكارف+كريم على الفراوله +شمعه+قناع



طاوله الحلو .....فراوله مغموس بالشكلاته =)



كب الكيك المشهوره فيه +كوكيز لذيذ

بفيه للاطفال الي جابلوه اتربعو عنده ماقامو منه ...خليته على طاوله نازله وحطيت فيه علوج وككاو وححلاو +مكينه العلج يمها الخرده علشان اهيا ماتشتغل الا في 50فلس+علب صغيره داخلها فراوله




كراسي الاطفال سويت لكل بنت كرسيها الخاص وعليه اسمها والهدايه +بلونه قصدير على صوره البنت ستوبيري




لعبناهم ونقزناهم ونسناهم ..اكبار وصغار ..ونسيت اقولكم اتعاملت مع مصوره تاخذ لكل ام مع اطفالها لقطه تذكاريه+صوره جماعيه من poto me studia
ها شرايكوم =)







هناك 28 تعليقًا:

رورو الشخبوطه يقول...

السلام..

خوش حفله ماشاءالله ..

مبين متعوب عليها..

الله يعطيج العافيه يارب..

ShaymoOona يقول...

عيني عليج بارده...ماشاء الله شي شي ..قمة الابداع ..اتشوق الحفله عليكم بالعافيه :)

RoOra يقول...

mshalah 3jeeb alsh'3el :D nice
oO montada q8yat 6al3 alkel y3rfa ;Pp~

غير معرف يقول...

malat faqara,poor ppl

Pink GirL يقول...

خوش حفله مشاء الله
يعطيج العافية

DoDoq8 يقول...

خووش حفله

اهم شي انه اليهال استانسو :)

abrar يقول...

خووووش حفله واتشوووق :)

Om MoD يقول...

ما شاء الله كل شي حلو ومرتب ...ومن أروع ما يكون ...تصلحين تكونين منسقة حفلات انتي و PEARL ...عليكم بالعافية والعيال يستاهلون دام نتايجهم تبيض الويه :)

غير معرف يقول...

خوش حفلة وأهم شي البنات استانسوا
ألف ألف مبروك
بوسيلي البسابيس الحلوين
افراح

غير معرف يقول...

خوش شئ ما شاء الله شغل عدل سنع ومنع

لو سمحتى ..
نبي رقم مال الصمونة
والتفافيج (=

مركبنا

إمـرأة لا تُنسـى يقول...

تنظيم حفلات اليهال يبيها مقاقة

صج صج بدعتي :)

Made n Q8 يقول...

نااااااايس مشالله
الله يتمم عليكم الفرحه

{~المباركية~} يقول...

شيي حلووو و مرررتب
الله يدوم عليكم الفرحه

يعطيكم الف عافيه

Q8EL5AIR يقول...

عاد انتو يالبنات اذا اشتغلتوا تشتغلون من قلب ..

اقل شي نقول عنه ..

رووووووووووووعه :)


شغب متعوب عليه .. يعطيكم العافية ..



وتحياتي ..
ويسلموااااااااااااااا :)

Sn3a يقول...

ونااسه عليكم بالف عافيه
الصمونه الكبير ليش قالولي مره من واو

يريت تقوليلي شسم المكان ووين وجم رقمه
مع اني ما اكل صمون بس ودي اطلبها لاهلي على يوم

صج الترتيب واايد حلو والثيم عجيب
فراوله يمي يمي

ان شاءالله كل ايامكم فرح ووناسه يارب

cup cake يقول...

عليكم بالعافيه

ما شاءالله شكلها حفله حلوه

بغيت اسأل وين صاير هلثي اند تيستي شكل الصمونه لذيذه :)

master يقول...

إتينن
لو أنا ياهل أستخف
حلاو و هدايا و ألعاب
ياااااااي
وناسه

كبرياء وردة يقول...

حفلة مرتبة ومتعوب عليها

ما شاء الله عليج افكارج حلوة

وعليكم بألف عافية

p.s: حبيت بلوقكم واااااايد

جاردينيا 2000 يقول...

واااااااااي وناسه ..الردود اترد الروح ...أشكركم كلكم على التشجيع ...فخوره أنا بنفسي =)
المهم الارقام
الصمونه9987339
البلونات97544117

Mr_CHoCoLaTe يقول...

نايس يعطيج العافيه و عليكم بالعافيه و ماشاءالله شغل البيت وايد احلى مرات من ان نستعين بشركات الحفلات

Sn3a يقول...

جاردينيا جنه الرقم ناقص؟

malak يقول...

وااااااايدحلووو



يعطيكم العافيه ^_^

U-Turn يقول...

والله خووش حفله ونيسه

شدعوه عزمينا مره ثانيه

أحلى شي بالموضوع
بوفيه اليهااااااال يشوووووووق


يعطيكم العافيه

جاردينيا 2000 يقول...

سقط سهواا=)
الصمونه 99873389

بوعبدالعزيز يقول...

ماشاء الله تبارك الرحمن

شغل نظيف

بس ابي اعرف من وين يبتي البالونات الخضرة الواقفه ؟

غير معرف يقول...

waiiiiiiiiiiiiiiiin fatto o master!!!!!!!!!!!!!!!!!!!!! leesh min zuman mayakteboooon ?

The.One يقول...

gardenya

بصراحـه الحفلـه super WOOOOW
يحظهـا بنتج عندها أم مثلج :)


التزيين فضيع ..
طاوله الحلاوي مكينه الحلاو الهدايا الكراسي .. والأهـم الأهــم الهمبرقر
تزوووغ حدها



يعطيج العافيه



---
hope u visit my blog el ydeed w tnwronah =)

سعوديه وافنتخر يقول...

ماشاء الله عليك حفله ولااروع واهم شي الاطفال استانسوا تسلم ايديك..