تذكرتوه ..مركز نحن والاطفال ويه شعاره البانده الاصفر ..وييييه كان شي على أيامنا ..ماأروحله الا في فتره الاعياد والما انخلص من المدرسه وناجحيين =)
اليوم استلمنا الشهايد وفرحه الامهات قبل اطفالهم في النتايج ..والشوارع زحمه ..واليهال انطلاق وافراج من بعد الامتحانات ..يله انعشيهم ونونسهم من بعد الحكره ...ها ماذكرتو ايام زمان مع نفس الشعور ...وناسه وخصوصا لما نشتري من نحن الاطفال ..وباربي لازم باربي نازله يديده في زي جديد ...
الحين بنتي ذكرتني لما استلمت الشهاده وقالت يله يا يمه وديني قلعه الالعاب "فانتزي وورد " الي في شويخ ماتحب تشتري العابها الا من هناك مع ان في له افرع في اماكن ثانيه وداخل المجمعات ...لا ما تبي الا اهوى (اذكرت لما ابوي اقولنا خلنا اروح محلات الوليد اقرب ..إحنا لا مانبي الا نحن والاطفال ...حسافحه عليك يانحن والاطفال رحت مع الايام الحلوه .
المدخل
كان في تنزيلات بس مو على كل الالعاب عالعاده على ربع الالعاب
ديكور عجبني داخل المحل
المدخل
كان في تنزيلات بس مو على كل الالعاب عالعاده على ربع الالعاب
ديكور عجبني داخل المحل
هناك 10 تعليقات:
اي والله وينك يانحن والأطفال :/
مبروك ..
والله يوفقهم يارب..
اخييه اشتقت للمدرسة..
ahhh
i want to have baby
i want to go with my baby and buy some toys for him/her
but i cant have baby
:(
قبل لازم نشتري انا ويه اخوي حوض سباحة منه و قواري صناعة امريكية .. و بعدها نروح الارنب الجائع نتعشى فيه صج ايااام
sad face
عسى ربي يفرجها عليج و يرزقج العيال الصالحين اللي يملون عليج دنيتج و مو بعيدة على الله
(ان الله على كل شئ قدير)
تحياتي للجميع
لا وين من صجج خبرج عتيج عيال الحين بس يبون كمبيوتر وبلي ستيشن واجهزه اكبر من عمرهم و بيطلعون يروحون مولات
الله يرحم ايام قبل كنا نسوي الصاله كلها العاب نترسها ونتهاوشت على لعبه
ونشتري طشوت من ايكيا جنهم براميل انحط فيهم العاب
مشكوره
loool
ee walah klshay t`3yer
o alah y7f`6 3yalna mn kl shar
ايه والله وينك يا نحن الاطفال
شحلاته و شكبره كل شي فيه
تذكرين السيف واي بعد كنت احبهم هالمكانين
------------------
الله يوفقهم و يهديهم و يصلحهم
الحين اتوقع يا جاردينيا 2000 انتي مستانسه اكثر منهم :)
Q8 TeaCHeR
ايام زمان حلوه
رورو الشخبوطه
الله يبارك فيج
sad face :(
ليش ..أنا صارلي 4 سنوات وأنا ودي في ياهل والحمدالله الله رزقني في ولدي عيسى =) نعمه من ربنا ..الصبر مفتاح الفرج
zolox1
الله الارنب الجائع يامي
غير معروف
آمين ..الله يحيك
{~المباركية~}
اي والله وانتا الصاج ..
DoDoq8
مشكور على الدعوه
يا سلام ..والله ذكريات ..
صج نحن والأطفال شي ...
وابتسمت يوم قريت هالمقطع ( ماأروحله الا في فتره الاعياد والما انخلص من المدرسه وناجحيين ) ..لأنه إحنا نفس الشي ورديتيني حق هالأيام ..
ونحتار شنو نختار ..أنا كنت لازم بالاضافة حق الباربي لعبة تشغل المخ وتكون جماعية ..
والله أيام :)
مبروك على نجاح مريومة ..يوم ما تشوفينها متخرجة من الجامعة و تزفينها عروس :)
و sad face عسى ربي يرزقج الذرية الصالحة ..وكل شي خيرة من الله..
:)
إرسال تعليق