الأربعاء، 30 أبريل 2008

خطاك السو يا قلبي


أمس وديت اليهال عند ماماتي لأنه عندي مشوار ...وعاد كنت ناويه لما أرد آخذهم كلهم ونروح الجمعية..ويوم دقيت على أمي وأنا بالطريج عشان يتجهزوووووووون قالت لي..ترى يسار أكل نتيفه من سمك صبور ومن أكلها راح يركض يبجي ومسك حلجه أنا اختبصت شصار بوليدي....قالت لي تعالي نوديه المستوصف خليهم إطمنونا عليه لأنه مو راضي يحط شي بحلجه بس المصاصه وأصلا قاعد إلهي نفسه فيها مو قاعد يمص ( السعابيل إترست ملابسه ) خنت حيلي والله ..المهم وصلت أنا البيت ( بيت أهلي ) عاد رضى ياكل من إيدي قلت الحمد الله إنشاء الله ماكو شي بس ماما ما رضت إلا أوديه الطبيب قلت لها خليه يتعشى وعقب أوديه ما اطول عليكم رديت البيت ولا وديته قعدنا أنا و أبوه نتشاور شفناه جنه زوين لما نسأله : في أووووواه يقول : بح (فديت البح والله) ..صار وقت الحليب لا حبيبي مو قادر يشرب رد يبجي ..لبسنا ورحنا كلنا ..من الطواري حولووووه الجراحة ..وإسم الله على عمره وايد عسر ( بجي + نواح ) بالغصب أنا وأبوه والسستر ماسكينه عشان الدكتور يطلع شوكة السمك من بلعومه ..وطلعها بثانية ما شالله عليه صج لي قالوا( كل إستاذ في مهنته ) ..بعد عمري خطاك السو وحمد الله على السلامة وهذي آخر مره تاكل فيها صبور:)وإنتوا ديروا بالكم..

هناك 4 تعليقات:

بـنـت بـطنـهـا يقول...

يااااختي حلات البح والله

خطاج السو والله حفظه الحمدلله

عسى الله يخليهم لج يا رب

Om MoD يقول...

تسلمين حبيبتي..
إي والله ألف الحمد والشكر لك يا رب:)

الله يسلمج من الشر.

fatto يقول...

خطاكم السو .. ماتشوف شر يا حبيبي يسور

Om MoD يقول...

خطاج اللاش حبيبتي :)
والشر ما ييج :)