الجمعة، 17 ديسمبر 2010


اهلا بالجميع .. طبعا كلكم اتعرفونه ..والاغلبيه كانو شارينه او اقربائهم شروه .... هذي الللعبه من الاشياء الي كنت احبها وكل مره اشتريها بنواعها ...ومن الاشياء الي احب أورثها اعيالي ..وطبعا بنتي حبته وكل ماتشوفه تشتريه .
وبعد من الاشياء الجميله في طفولتي البريئه لعبه "الباربي " اموت عليها ..وطبعا اول مايتني بنت كوت لها باربيات ...بس للأسف ماتحب تلعب فيهم ...حسافه بنات هل وقت ملاقه .
وهوايه القرائه ..كنت ومازلت اعشق الكتاب وريحت الورق ...وشريت وشريت اشكثر قصص بأنواعها كنت انا وبنتي نقراها قبل مانام ..بس في النهايه اتقولي انا ما أحب القراءه ...بس ساعات اشوفه قبل ماتنام اتفج لها قصه تقراها ..
فعرفت ان الهوايات ..والاشياء الي كنتي اتحبنها في صغرج صعب اتغرسينها في نفس اطفالج ..إلا اذا كانو اصلا جينيا يحبونها مهما حاولتي
طبعا هذا كلامي بعد 10 سنوات مصارعه احاول اعلمها اشياء وايد احس انها مفيده او لازم تتعلمها او شي انا احبه يكون فيها ...

المهم انتوا شنو الاشياء الي تتمنونه يكون متواجد او متوارث في اطفالكم ؟

هناك 6 تعليقات:

حسون الملعون يقول...

اليهال مثل الإسفنجة اللي تمتص الماي
وقدرتهم على الإمتصاص تكون بالقمة وهم صغار, وكل ما يكبرون هالإسفنجة تقسى شوي وتبدأ تيبس وتقل قدرتها على الإمتصاص

لما تزرعين بعيالج حب القراءة أو تعودينهم على هواية معينة بهالسن, راح تظل معاهم لين يكبرون

الله يخلي لج عيالج :)

~أم حرّوبي~ يقول...

الله يحفظ لج البنوته
صدقج عيال الوقت كله مجابلين الفونات والنت ..

أنا ودي يكون بعيالي فضول للمعرفة يحبون لما ما يعرفون شي يروحون يقرون ويدورون عنه ..وحب الاستكشاف والتجربة


تقبلي مروري :)

جاردينيا 2000 يقول...

حسون الملعون
تشبيه حلو ..اتمنى يكون تأثيري واضح على العيالي ..ويكون التاثير السليم


أم حرّوبي~
اعيال الوقت اصلا ملقوفين كل شي يبونه وكل شي يعرفونه ..أعتقد امنيه راح تتحقق

غير معرف يقول...

انا ماعرفهاا من ويين تشترونها ؟؟؟؟؟

Katkoota xD يقول...

مااحب الباربياات خخخ

اتذكر و انا صغيره امي تشتريلي اياهم

المشكله انا اقوول ابيي

اخذهم و اقص شعوورهم و ابهدلهم خخخ

ودي عيالي يحبون الدراسة و القراءة يكون عندهم هوايات ينمونها
و ما يخافون يجربون اشياء يديده

أشراقة الأمل يقول...

حقيقة ابني كان من محبي القراءة ولكن اعتزلها مع الأسف وانعدمت هذه الهواية بعد إنهماكه في الأنترنت
والألعاب الألكترونيىة لم يعد لديه الوقت

تقبلي مروري يا غالية