الخميس، 9 ديسمبر، 2010

رحله خصب في عمان


صباح الخير والجوري والنوير :) الويكند الي طاف رحت منطقه في عمان اسمها ( خصب ) اهي منطقه بحريه فيها واايد سواح أجانب وصيدها من السمج موطبيعي .. المكان حدده عجييييب .. تمشينه بالمركب بين الجبال وعقب تغدينه بالمركب وحوالينه دلافين يناقزون :) صج صج وناااااسه .. طبعا المنظر عجيييييب وبنفس الوقت ريلااااااااااااكس والهوا نسناااااس .. يعني مكان سبحان الله قمه في الروعه .. احنه كنه طابين مطار الشارقه ومن المطار ودونه ناس عمانيين من معارفنه لي هالمنطقه .. طبعا على ماتوصلون هالمنطقه الا جبدكم قالبه من الطريج لأنها طريج جبال .. يعني ساعه ومادري اشكثر يميين يسااار يميين يسااار يمييين يسااار يمييين يسااار واااااي دار راسي من الطريج حدده متعب بس يستاهل الروحه :)) يعني حتن أهل عمان نفسهم لازم ادشون الإمارات عشان يروحون ( خصب ) لأن مافي منفذ من عمان لي خصب وشوفو الخريطه أحسن .. وأترككم مع الصور .










هناك 3 تعليقات:

نهــــــــــار يقول...

السلام عليكم..
وايد يمدحون المنطقه
بس الدرب صعب
..
بالعافيه عليكم
..
دمتم بخير

Sn3a يقول...

عليكم بالعاافيه
ابوي يعشق ديره اسمها عمان
امنيه حياته يعيش بعد التقاعد هناك وانا بصراحه اشجعه
ناس طيبه
طبيعه ماشاءالله
هوا نظيف

انا اللي مارحتلها حابتها
فما بالج اهو اللي راح وشاف

بس غريبه مكان بهالجمال ماكو له طريق مباشر من عمان

Amwaj يقول...

خوووش رحلة

عليكم بالعافية :)