الثلاثاء، 14 ديسمبر 2010

يوم في روضتي

بصراحة اليوم كنت معزومة بروضة الحلو يسور بروضة العصافير ...روضة ولا كل الروضات سنع وعدال الله يعطيهم العافية من اصغرهم ليما أكبرهم ..
بهذا البوست حبيت اعبر عن شكري وامتناني لهم ...وبالذات أبلات يسور ( أبله ل و أبله ع )..
وعشان ما أظلم ابلات مودو اللي قبل هم أشكرهم ( أبله ر وأبله ق ) مودو لحد ألحين يتذكر أيام الروضة وما ينساها ..
نرجع حق صف يسور ..الحلو والمتميز أنه صف يسور عبارة عن خلية نحل وكان أهداء اليهال حق أمهاتهم قرشة عسل صغيرونه ..و الأبله ما قصرت خلت كل طفل يقول اللي يبيه حق أمه وكتبت كلامه في بطاقة وعطاها أمه وطبعا ورتنا قبلها تصوير فيديو حق اليهال واهم يقولون الكلمة..
درسهم حلو وخبرتهم عن الماء والهواء ..
شكرارشكرا من كل قلبي والله يوفقكم يا رب ...
كان ودي أحط لكم الصور بس حجمهم كبير وماني عارفه أصغرهم إذا أحد يقدر يفيدني أكون شاكره له ..

هناك تعليقان (2):

غير معرف يقول...

سوؤال غبي
يسوور يعني ياسر ؟
والله يحفظهم من كل شر وعقبال ماتشوفينهم بالجامعه ياارب

والصور صغريهم بالرساام عادي خخ

Blogger يقول...

eToro صفقات التداول المفتوحة في 227,585,248

حكمة الجموع المتداولون الذين يستخدمون CopyTrader™ من eToro يزيد احتمال أن يحققوا أرباحًا بنسبة 60%