الجمعة، 24 يوليو 2009

انتهيت من الدورة التصوير

صارلي اسبوع في دوره أساسيات التصوير ..أنا كنت ماخذه دوره تصوير وتحميض بس من زمان وعلى كامرات الفلم ..والحين أنا شريت كامره أولمبس ووايد مطوره بالنسبه حق كامرتي القديمه (كانت باناسونك ديجيتال ) طاحت مني ونكسرت العدسه ..=) فقلت يله عمرها خلص معاي جذي لازم اشتري كامره المحترفين ..فقريت وبحثت طبعا أشهر ..وعرفت أن هناك مجموعه من الشركات متخصصه في الكامرات المطوره منها كوداكت - كانون طبعا المحبوبه عندنا بالكويت ومادري ليش كانون ..مع كل وحده فيها مميزات ولا وحده اسهل من الثانيه ولا احسن من الثانيه هذا طبعا من بحثي في المنتديات ..
المهم ..شفت الارقام وخترعت الي في كامرتي وايد اشياء ماكنت عارفتها...فقلت خلني ادخل دوره اتعلم عليها ..بس للاسف كانت الدوره بشكل عام تتكلم عن اشلون التصوير والاوضاع للتصوير والازرار التحكم بالكامره بشكل عام للكامرات البروفيشينال ..بس على كامرتي لا والله ماتعرفلها =( ويي ..بس استفدت وايد عن التصوير ..وأما كامرتي مالي الا النت والمنتديات ومنتدى ( عرب دي جي كوم ) حلو هذا المنتدى ويتكلم عن كامرتي لا بعد امخصص قسم عن انواع الكامرات ..وقالولي راح احتاج سنه على ما اتعلم عليها ..اتركم مع آخر درس في التصوير كان عن غروب الشمس كان يوم امس سوق شرق أمام سوق السمك

هناك 9 تعليقات:

moodart.net يقول...

جميل .. وبإنتظار الابداع
وهناك كاميرا اهم وهي العين

Om MoD يقول...

وي حبيبتي ....عاد كنت ناوية آخذ معاج الدورة ..


إنشاء الله بس يبتي لنا الدورات اليايه عشان نشوف شنو نقدر نستفيد منه ...


والصورة من تصويرج ما شالله وايد حلوه ..:)

غير معرف يقول...

مبروك عليج .. و تكسرينها بالعافيه !
اغلب الكويتين يميلون نحو الكانون لانه دايم ببالهم ( الاغلى هو الاحسن ) .. و هالشي باين .. ابتداء من السياره و الاجهزه الكهربائيه و التلفونات .. وصولا للبيوت و غيره !
على فكره .. احلى الصور اللي تطلع عفويه بدون تخطيط ...
اتمنى لج كل التوفيق بمجال التصوير
الصوره الثانيه الاكسبوجر قليل .. الصوره بعض الشيء داكنه
و لكن الصوره عموما جميله

جاردينيا 2000 يقول...

moodart.net
إي والله صح الله يخليلنا اعيونا


Om MoD

الدورات اليايه في رمضان وفي دوره السياحه والسفر الاسبوع الياي..ها تاخذيها معاي وناسه
والصور حلوه ..بس المدربين اقولون فيها عيوب ..بس زين موشايفتها =)



sinfuleye

اصدق يمكن مثل ماقلت بخصوص شعبيه كانون

ومشكور على التعليق على الصوره ..ومنكم نستفيد ...يعني حاولت اطلع الوان تدرجات الوان الغروب =) ماكنت امركزه على كل الصوره

fatto يقول...

قوه جاردينيا شخبارج وشلون عيالج انشاءالله مرتاحين :)

هذي من الدورات الي كنا ابي ادشها بس ماالله كتب :)

عيل انتي عطيني دورات من عندج ولي استفدتي فيه .. طبعا ابلاش :)

وحطيلنا جم صوره بعد من بداعاتج :)

جاردينيا 2000 يقول...

خليني ابدع اول وبعدين انزل الصور
كلنا بخير مشتاقيلج

The.One يقول...

nice shot

بالنسبة لـي خذيت دورة تصوير
عند نادي العلمـي .. وكلش مااستفدت شـي


مثل ماقلتي تعلمت عالأزرار والاضاءة وفتحةالعدسة وسرعة الغالـق

وكل مانبي نطلع طلعه بره النادي ونصور
تتكنسل الطلعه بسبة الغبار ورداءة الجو :(


وساعات كناجر نصور اي شي عالماشي
مالج غير المنتديات ومع الاستخدام راح تعرفين لها بروحج ;)

غير معرف يقول...

mashalaa il9owar 3ajeba .. wain akhathtai ildawra ??

غير معرف يقول...

الصوره الاولى حلوه والثانيه فيها ميلان بالافق ، ان شاء الله تصيرين احترافيه وتاخذين جوائز عالمية ، تحياتي حبيبتي