الخميس، 2 يوليو، 2009

نوفتيل الدانه-البحرين

أنا صارلي 3 سنوات كل سنه أروح البحرين (هبه) كنت كل سنه لازم اروح دبي بس من 3 سنوات مارحتلها ..مادري أنا من زمان أحب البحرين وكنت اروحلها مع اهلي دايما بس من تزوجت صرت أروحلها قطاعي ..المهم ..من سنتين سكنت في اليت قراند ..حلو على نظام اسويت ونظيف أمام ستي سنتر الحين ...السنه الي فاتت رحت وسكنت في ريتز ..حلو وراقي جدا ..في منطقة السيف (أنصح فيه جدا )
وهذي المره في منتجع الدانه...المكان حلو وطريقته وايد حلوه ..بس ..مشكلته كله عرب ...وبحرينيين ...ويهال ولويه ...يعني المفاصيخ بالعربي كلهم خليجييين ...وتعالو وتفرجو ...مسخره
أنا متعوده على الاجانب امسدحين تحت الشمس شنهم ميد مشوي ...وإذا اتحركو يا يدهنون او يقرون كتاب في هدوء وصمت ..ما تلتفتينلهم
بس الي شفته في مسبح الدانه الخليجيين كأن الكرسي إقرصهم رايحين رادين ..عرض اجساد ولحوم وشحوم ..انزين دخلتو المسبح انزين سبحو ....لا تحرش بالبرهالمسبح والي معاهم بالمسبح ....ويييع لويه ...حتى ما طبيت وثاني يوم خليت بنتي واخوي ابروحهم (يثقفون )
أنا أحب أقعد بالفندق بين المسبح والسبا والبحر ...راحه ..أشرب عصيري ..وتشمس ...بس في هذا الفندق لا ..نحشه ...قضيته تفرر في الاسوقه بين ستي سنتر والعالي أشرفلي .











غرفه الاطفال



الحمام (وانتو ابكرامه)


ماعندهم بلكونه
المطعم

المسبح مع جاكوزي وبار داخل المسبح

صور متفرقه




طبعا السوق الجديد الي فتح في البحرين ستي سنتر ..عجبني فيه الوساعه من غير دواعيس وكل شي راح ادلونه لانهم عندهم تنظيم معين مثلا ملابس الاطفال ابروح -الاثاث ابروح -العبي يم بعض- حتى اكرمتو الحمامات كلهم في جهه وحده عند المداخل والمداخل بعد كلهم في جه وحده بعض المحلات الي زرناها طبعا ملابس الاطفال والعبي والمطاعم والكفيهات طبعا هذا محل البرد تختارين البسكوت مع البرد مع اكيك او مكسرات جلي او حلاو او ككاو ..وايد اشياء تقدرين اتحطينها ..حطيت انا كيك براوني +ككاو توكس+توفي+مكسرات =) بغيت اموت ماقرت اكمله صار ثقيييل بس حلو

يتم الخلط بين المكونات



بالهناء والشفاء


احبه وايد استانس عليه هالمحل ودي اشتريه كله كان موجود في دبي ..كله أشتري منه ..يابوه البحرين =)


كان عندهم معرض عن الحشرات وكان حلو وايد


ابصراحه فندق ريتز احلى من الدانه وارقى رحلته في سفرتي الي قاتت شهر 7شوفو الاصور



http://fyonkat.blogspot.com/2008_07_01_archive.html









هناك 9 تعليقات:

sun shine يقول...

الحمدلله على السلامة
محل البريد موجود الحين بالافنيوز:)

master يقول...

hiiiiiiiiiiiiiiiiiiiiiiiiii
أحلى شي الميد المشوي :)

الحمدالله على السلامه

hello kitty يقول...

i wish they open hello kitty here in kuwait

Om MoD يقول...

عليكم بالعافية ...

وتفصخ الخليجيين مليق وين ما كان :)



وبعيد ن محل البريد جنه ماربل سلاب :)


ومرة ثانية عليكم بالعافية وحمد الله عالسلامة :)

bhr.qadsaweya يقول...

حمدالله على سلامتج
و نورت البحرين و الله

الدانة معروف عنه كلش مووووووووووووووشي
لكن الحمد الله على كل شي

يعطيج العافية

جاردينيا 2000 يقول...

sun shine
اي قالولي ..هذا ادل من كثر روحتي للافنيوز=)
على فكره كل ما اخل محل في ستي سنتر ..أقول هذا عندنا بالكويت ماشفته ..أقولي راعي المحل اي في الافنيوز ..الي في البحرين يدرون وانا ما أدري =)

master
وأنا صاجه ..الله يسلمج


hello kitty
اي والله متى ..أتهقين راح يفتحونه في المجمع اليديد الي في جنوب السره يمكن


Om MoD

تفصخ الخليجيات
والله ابصراحه مغري ومثير ترى الخليجيات انطع واحلى ..بس احتر عليهم


bhr.qadsaweya

الله يسلمك ...أثاري المنتديات يمدحونه علشان جذي وأنا مادري
يمكن في البرد ينقرضون ونشوف المنتجع على راحتنا ...في المره القادمه =)

The.One يقول...

حلـو ..

شكلـه المنتـجع شـرح

والسفره تونس ..


ولاتضيقيـن خلقـج ,فـي ناس ماتحشم أحـد من ناحيه اللويه والتسلط والتملط



:)

Ļa ƒéммé يقول...

شكرا على الإفاده شوقني محل hello kitty

fatto يقول...

عليكم بالعافيه .. انا مره رايحتله ابراس السنه وكان لشته بالنسبه لهم بس بالنسبه لنا حر لووول .. بس بليل مانمنه من التطقطق والغناوي والردح .. بس احسن من مفاصيخ الخليج .. صج جم سكران مر علينه بس كانو اليفين :) لووول