الجمعة، 3 يوليو، 2009

المدينة الترفيهية

يانا الصيف والواحد يحتار وين يودي الكتاكيت خيرناهم ما بين حولي بارك والمدينة الترفيهية واختاروا المدينه الترفيهيه ...الجو حده زوغة تخيلوا احنا رايحين قريب صلاة المغرب وخيسة دخنا من الحر ..بصراحة المدينة الترفيهية لها ذكريات عندي ومن الأماكن اللي أحب أروح لها بين فترة وفترة ..بس في جم لعبة مسكرة ومنها الجندول وأنا وايد أحبه ما أدري شفيهم صار لهم مدة مسكرينه ...وفي ألعاب يديه ما قدرت أصورها ليش إنه ليل وأنا ناسيه كاميرتي حسافة ..بس يوم دشينا القبة شفت لكم هاللعة شكلها يونس بس ما جربتها قلت بروحي دايخة من الحر بعد بركب لعبة تفتر ما ركبتها بس صورتها لكم بموبايلي ...


om mod

هناك 10 تعليقات:

مركبنا يقول...

يـــ365ـــوم على اختفاء حسين الفضاله …
ساهم بوضع البنر في مدونتك
http://3.bp.blogspot.com/_xJiMP6a3EM8/Sk0coxUQwFI/AAAAAAAAAhE/7w1Ki9T5DrU/s1600-h/alfodhalah.jpg
وشارك معنا في حملة مدونة نقاط
http://www.nqa6.com/2009/07/blog-post.html

مركبنا يقول...

يـــ365ـــوم على اختفاء حسين الفضاله …
ساهم بوضع البنر في مدونتك
http://3.bp.blogspot.com/_xJiMP6a3EM8/Sk0coxUQwFI/AAAAAAAAAhE/7w1Ki9T5DrU/s1600-h/alfodhalah.jpg
وشارك معنا في حملة مدونة نقاط
http://www.nqa6.com/2009/07/blog-post.html

Sn3a يقول...

ويسلم قلبهم اللي مودينهم الترفيهيه

شوفي احنا يتروالي كلنا سافرنا ولعبنا بره الديره
لكن مادري ليش الترفيهيه للي كان يروحلها واهيا ياهل لها ذكرى خاصه لول
وبصراحه حتى عيالج من شفت صورهم هني سمالله عليهم الرحمن يدشون القلب فديتهم

غير معرف يقول...

بصراحة انا اول مره ادش هالمدونه
مدونه غريبه كلها قز بقز يابخت الناس اللي تعرف تونس نفسها مثلج:)
مالت على حظي انا من البيت لي الدوام ومن الدوام لي البيت ...وبس هاذي حياتي:(

Om MoD يقول...

مركبنا :


الله يرده حق أهله سالم غانم ..

ويرد كل أسير ..


san3a :


الله يسلمج سنعة ..

بس ترى اللعبة حق كبار ...هذول مو عيالي عيال الأوادم :)..


صاجة ما ادري ليش أحب أروح لها بين فترة وفترة :)



غير معرف :

حياج الله وإنشاء الله ما تكون آخر مره ..


وذكري ربج ...قولي لا إله إلا الله :)

وبعدين إحنا مو وحده إحنا 9 ما شاء الله فكل وحده تحط طلعاتها وروحاتها ويياتها :)


وإنشاء الله يتحسن حالج عزيزتي ..

bhr.qadsaweya يقول...

اهم شي انج استانستي مع اليهال

وغيرتوا جو



ام مود حبيبتي بخري روحج انتي و عيالج

ويعطيج العافية

Om MoD يقول...

bhr.qadsaweya :


حبيبتي إي والله استانسنا بس موت حر :)


الحمد الله :)



حبيبتي اللي تخاف عليّ إنشاء الله ببخر روحي مع الكتاكيت :)


والله يعافيج ...

The.One يقول...

عنـدج بالافنيوز قسـم الألعـاب اليديد


فـي لعبـة حلوة تنقصتهـا حق الكتاكيـت


لعبـه التسَلُـق بس على انخلـه ..
شكل اليهال واهم يلعبونها يشووق

حسافه ماصورتهم


:)

Om MoD يقول...

يا بعد عمري تتنقص لج العافية ..


تصدقين قايله بوديهم بس صايرة اتعييز أروح الافينيوز ..


صار لي فترة مو طابته ..


على جذيه لنا روحه قريب إنشاء الله ..

ويسملو :)

fatto يقول...

اهلا ام مود لج وحشه والله :)

شنو زوغه حر خيسه ؟؟!@@؟$#%

زوغه الي انا اعرفه شي مدح مو ذم ؟ ويلا انا غلطانه ؟

عليكم بالعافيه :) والله ودي اروحلها .. انا كنت احبها عشان الجندول والا 5 مرات نركبه :)