الأربعاء، 8 يوليو 2009

رحلة قصيرة و سعيدة

- دبي دار الحي - أحب هالإمارة و لي ذكريات حلوة فيها .. بحكم دراسه زوجي سابقا .. فا ما يصير جم شهر الا حنيت لها و ابي اروحلها .. تعودت بين فترة و فترة .. :) و عندى من يطاوعني ..

فا من فترة زرناها و سكنا في فنق العنوان - the address - downtown burj dubai كان وايد حلو و راقي و يصلح حق رحلة ريلاكس ..و الأحلى شئ بالسفر لمن تلقي احد تعرفة و تصير الطلعات احلى .. فانا لاقيت فيونكة من الفيونكات حبيبتي stella و حدة استانسنا مع بعض اكثر من اليهال :) .. و بما أن الرحلة قصيرة مكان في وقت حق التسوق المضبوط .. فا قضيناها سينما و تمشى .
في مكان جديد اسمة - the walk - طريق واحد طويل و كله مطاعم و كافيهات و محلات بس شوية ..
و في دبي مول الصراحة .. عجبني كورنر وايد حلوة مخصصينا حق اليهال بس الصج شفت الكبار اكثر من اليهال :)
مساحة كبيرة و موزعين فيها مخدات كبار - حق التسدح - :) و جدامهم شاشة كبيرة يعرضون في باباي - ام خماس - و تعالو شوفو شكل اليهال و الكبار شلون مندمجين و متسدحين :) الشكل يونس ..
( بس اتوقع لو يسونة عندنا بالافنيوز جان صار مسخرة يصير الخدم اكثر من اليهال )
اخليكم مع الصور ..



شكل الفندق







برج دبي

هناك 9 تعليقات:

alfaisalm يقول...

الصراحة اختيار جيد أنا شخصيا قعدت فيه وايد حلو عليج بالعافيه

Om MoD يقول...

يا بعد عمري عليج بألف عافية ...


وحمد الله على السلامة :)

DoDoq8 يقول...

اخاف انتي معاي بالطياره امس انا راده منها


وصج تونس هلدبي

جاردينيا 2000 يقول...

شوقتيني جني بحول من البحرين الى دبي =)

Pearl يقول...

alfaisalm : شكرا و الله يعافيك

om mod : يا حبيبتي الله يسلمج :)

dodoq8 : حمدالله على سلامتج :) لا انا صارلي فترة

جاردينيا : والله تسوى الروحة لاني احبها :) بس موجنج كنتي بتروحين صلالة :)

The.One يقول...

حمـدالله عالســلامـة


وعليكم بالعافيه :)


وأحلى شي اليمعـات

غير معرف يقول...

يا حلو دبي :)

Ļa ƒéммé يقول...

عجيب The AaddresS حدي حبيته عليج بالعافيه وحمدلله على السلامه

fatto يقول...

عليكم بالف عافيه :) اعجبتني قعده اليهال وايد