السبت، 2 مايو 2009

عجينه المارشميلو


طبعا هذي العجينه أخذت طريقتها من أحد المنتديات ..بس نسيت إي منتدى ..شكرا على الطريقه السهله وبسيطه يا مادري منو- أحد الفنانات والعبقريه الى أفادتنا ..
طبعا في طرق وايد لعجينه السكر لتزيين الكيك ..بس عجينه المارشميلو اسهل طريقه ...بس تحتاجون تب =) اي كميه واااااااااااااااايد من السكر البودره ..وقوه جسديه للعجن (مت وآنا أعجن طاح حيلي ) بس المهم سويت العجينه وهي : كيس كبير مارشميلو (خد البنات)+جدر او تب شكر بودر و4 ملاعق ماي ..بس
اتحطين المارشميلو على النار لما اذوب (نار هاديه) مع 4 ملاعق ماي ..وبعدها اتحطونها على سطح ابلاستيكي وتيمعونه بملعقه من الخارج الى الداخل مع وضع سكر البودره ..الى ان تصبح عجينه غير لصقه ثم تعجن باليد وتقسم وتلف بنايلون وتوضع الفريزر ..وقطعت قطعه صغيره من العجينه لتجربتها وكانت النتيجه =) مرضيه ..صنعت حلاو على شكل ورد ..أشكلها بهذا الشكلوألفها مثل الحلزونأضع نقطه من اللون الاخضر
وأعجنها حتى يتوزع على كل العجينه


وأفردها مثل العجينه الاولى على شكل اصطوانه وأقطعها قطع صغيره


بعد تشكيلها على شكل ورقه أمرر عليها عود الاسنان لرسم خط



بعدها أجمعهم مع بعض لتشكيل الورده وأغرس عود الاسنان ...ها شرحي وافي وله لا =)










هناك 10 تعليقات:

U-Turn يقول...

خوووش طريقه
تونس :D

تسلم إييدج :d
عاد ذوقينا شدعوه

جاردينيا 2000 يقول...

الله يسلمج ..إنتي آمري بس ..الي تبين أسويلج مخصوص =)

fatto يقول...

حده لج مقاقه حق هالسوالف :).. شكلهم وايد حلو :)

رورو الشخبوطه يقول...

السلام ..

حركات ماشاءالله..

تسلم ايدج يارب..

joe يقول...

مادري شفيني على المارشميلو هل يومين

شكله حلوو وايد
ابدااع ابداااع

بالعافية

Nikon 8 يقول...

موضوع خفيف طينة وحلو
بجربه مع اليهال
شكرا :)

جاردينيا 2000 يقول...

أشكركم جميعا على الردود =)

Om GhaMaZaT يقول...

والله اهو شكله سهل وحلو وخفيف
بس وين الي يطبق :) بقولهم يزهبون
لي كل شي واقعد انا اسوي الورده
لوووووووووووووول عجبتني
يعطيج العافيه يا جاردينيا :)

Om MoD يقول...

ما شاء الله عليج ..

ما عليج إلا العافية..

بصراحة صج صج مثل ما قالت لج مقاقة حق هالسوالف ..وتجربين..

الله يتمم عليج ..

جاردينيا 2000 يقول...

أنا كل ما أتأزم وضك فيني الدنيا ..أبدع ..موجذي الفنانين =)
هذي الشغلات الدقيقه أتريح أعصابي الله يفرج على كل مهموم همه ..قولو آمين