الثلاثاء، 5 مايو 2009

اسماء المناطق الغريبه العجيبه

أنا اتعجب الصراحه من أسامي المناطق الي يسمونهم .. اهو منو بالضبط يسمي ؟؟ هل اذا هالشخص اذا سمى .. بدون مناقشه للإسم يوافقون عليه ؟؟ ويلا شنو ؟؟ بس ابي افهم ..!! خن اعطيكم مثلا المناطق الي بلكويت :
المهبوله !!
يعني ليش مهبوله .. لمن دورت بالنت عن المعنه طلعي ( فقد كانت تسكنها إمرأه مجنونه تخيف الناس )
انزين الحين هديتو كل الصاحين وييتو عل الفقيره المينونه وسميتوها مهبوله!! بلا هذا سبب !! حرام والله.
كل منطقه الحين في احد مينون .. الله يشافيهم .. زين ماسميتو باجي المناطق ( المصرقع _ المينون _ الأهبل )
ابو الحصانيه :
انا عبالي فيها حصن وايد .. بس قلت نحن في الكويت وليس في المكسيك لوووول أثاري طلع ( فيها وايد ثعالب )
ابو حليفه :
سموه عشان متروسه هالمنطقه زرع اسمه ( الحلفاء ) احنه شكو بالزرع .. الله والزرع عاد . ولااا بعد يقولون في اسم ثاني ( أصابع فاطمه ) حتن اسمي ماسلم منهم .. اتهقون هالزرعه تشبه اصابيعي :)
جزيره عوهه :
اهم شي ان لمن دورت بالنت طلعلي ( فيها عاهات كثيره ) لوووول عجبني الوصف الصراحه . يعني الارض فيها عاهه رمليه .
وغير الظهر والمنقف وهديه ووو .
++++++++++++++
بس لمن سمعت ابمناطق السعوديه .. حبيت اسامي مناطقنه :) .. بكتبهم بدون لاعلق :) اخاف انعدم خو هناك من اسامي مناطقهم امبين انهم مايتغشمرون :) لوول
ام الجماجم - ام العقارب - ابا الدود - جفن ضب - ام الهوشات - جرب - عرقوب البقر - ساحوق - الشبحه . ماقول الا سكنهم مساكنهم .. الظاهر هذا مشعوذ امسميهم .
لوووول لاتعلييييق ياحلو اسامي مناطق الكويت .. اتينن مو ؟ :)
ملاحظه :
أسماء مناطق السعوديه واصلي ( ايميل ) .

هناك 29 تعليقًا:

malak يقول...

لووووووووووول


امبي احنا تعودنا عالاسماء اللي عندنا مانفكر بمعانيهم



بس امبي اللي بالسعوديه صكو علينا صج

غير معرف يقول...

تهبلين بالإملاء بصراحه يبيلج دورة في كتابة اللغة العربية.آنا ابصراحه نسيت المناطق وقاعده أعد الأخطاء الإملائية اللي عندج طلعتي أزيد من ولدي ماخذه على الحفه(: بس إلى الأمام يافاتو وديري بالج هاليومين لاتطلعين ترى يمكن أحد لابدلج من أخوانناالسعوديين (:

Hamad يقول...

ya3ni derat badow eshtabeen esamon ? 7emday rabich ewgefat 3ala el3aloga ma sar feh mana6eq asamehom waskha ba3ad

lawyer يقول...

سجلي عندج

عرع
القريات
خميس مشيط !

انتي اذا صار الساعه 8 مدري عشر سمعي الاخبار و شوفاي درجه الحراراه يحطون لج مناااااطق تخرع لا يمكن يفكر مخج فيهاا






توني ادري في المعاااااني

هذولا الي مسمين الاسامي لو على وقتنا الحين جاااان استجوباااااااو المجلس البلدي بكبرررررررررررره

ReLaaaX يقول...

بالعكس مناطقنا لها سبب على تسميتها وهذا شي حلو :)))


أذكر فيه فيديو حق الشيخ احمد الجابر حاطته ببلوقي خنشوف لج اللينك .. والا دوري في يوتيوب تلاقينه مناطق الكويت وااااايد حلو

.. للكلمات بقية يقول...

كااك شهالاسامي
اسامي معوقه
شحقة مايسمون
منطقة الوناسة
منطقة الربيع
و هالاسامي الي تفتح النفس
في اسامي الواحد يستحي يقولها

Sn3a يقول...

لووووووول ضحكتيني لما قلتي هديتو كل الصاحيين

امبيه المناطق اساميها ابداع
والمشكله حتى لو عدلو الاسامي حطولنا اسامي شيوخ مع احترامي لجميع الشيوخ لكن عندنا وايد من رجالات الدوله واللي دورهم كان كبير بالديره وتنميتها
حاطين اسمهم على مدرسه
حطوهم عالمناطق عالاقل

غير ان في اسامي حلوة باللغه العربيه ممكن تطلق على شوارعنا

اما اسامي مناطق السعوديه ترا لان السعوديه حجمها كبير
لو الكويت حجمها شوي اكبر
جان لقيتي منطقه اسمها ام كشه
منطقه اسمها طوله طول نخله
وهلم جرا

قولي حمدلله ديرتنا مجكنمه جان بدعو بالاسامي
;p

رورو الشخبوطه يقول...

السلام..

شعليج مسمين منطقه ع اصابيعج الفال لمدرسة وشارع..

ولا تبين بيت بالاسكان خخ..

مشكوره..

kazmawy يقول...

لوووووووووووووووول
اصابع فطومة
لوووولللللللللل
اول مرة اسمع هالاسم
:))

kazmawy يقول...

طبعا البدليات تدوخ مالى خلق اقولج اياها :)
لووووووووووووول
اب اناجر هااا :)*&*)

fatto يقول...

ملاك :
اهلين ملاك :)
انا والا افكر ابكل معنه .. وتطنز عليه :)
بس السعوديه حده حده صكو علينه لوووول





غير معرف :
اهلين غير معرف :)
لووووووول .. اصلا في واحد امسميني
ملكه بدليات البلوقات لووول كظماوي جان اتعرفينه :)
اصلا قسلو ايدكم مني .. هذا انا وهذي بدلياتي :)





حمد :
هالا حمد :)
حتن لوديره بدو .. مايسمون اسامي اتخرع جذي لووول






لوير :
اهليييين محاميتنه :)
لووووول قصدج عرعر مو عرع .. ونشوف ننطر الساعه 8 بس اي قناة ؟؟؟
وجان زين يستجوبون الي سمو هالاسامي الي مادري اشلون صايره لووول






ريلاكس :
هالا فيج :)
بس الاسباب بعضها حدها مالا داعي مثل المهبوله لووول .. وراح اشوف اليوتيوب
شكرا .







للكلمات بقيه :
اهلين :)
لوووول الوناسه والربيع جنهم مناطق ببايات
لوووول





سنعه :
هلا ابسنعه البلوقات .. ليش امسويه برايفت حق بلوقج .. ماتبينه انزورج :) ابي دعوه حلوه منج :)
لوووول اعجبتني ام كشه وطوله طول انخله .







رورو الشخبوطه
هالا فيج رورتنا :)
لوووول .

fatto يقول...

كظماوي :
اهلين كظماوي :)
شفت اشلون .. امسمينها على اصابيعي لووول


ومنو قالك قولي بدلياتي ؟؟؟.. من طلب منك اتسير مدقق من وراي هاا ؟؟

لووووول .. لاتعب حالك والا تكتبهم والا اتدورهم .. ابي راحتك بس . لووول

مو كافي انك امطلعلي لقب ومشهر فيني بالبدليات ابكل بلوق

.. مو كافي لقب
(((((ملكه بدليات البلوقات امطلعه )))علي !! لووووول

fatto يقول...

سنعه :
لوووول اهم شي قاعد اقولج ابي دعوه .. ونتي بطلتي البلوق من جم يوم .. ولااا امعلقه عنج اباخر
موضوع بعد لووول

حدي دايخه :)

MoRooJiA يقول...

هههههههههههه

بدعوا فينا بهالاسامي

انا من اروح السعودية انطر لافتت جفن ضب عشان اصورها بس كله ماالحق عليها :(

ازيدج من الشعر بيت

اخر مرة رحنا فيها السعودية كنت قاع اراقب اللافتات ابي اعرف جم بقا من المسافات .. ولا اجكلي ذيج المنطقة .. اسمها " ثول "

مدري شقصتها اللي يدشها ينثول .. سكانها ثولان مادري شالسالفة !!

Om MoD يقول...

فاتو عليج سوالف ...


لوووووووول ...بس هم زين انه اسامي المنااطق على شي ..

بس المهبولة ..نكتة انا عاد كله اقول ليش مسمينها جذيه ...:لش ما هقيت انه هذا السبب :)

Sn3a يقول...

فاتو ربي يسلمج كنت مسكرته لان رفيجتي اللي حاليا قاعده اكلمها مسنجر تدور الكومنتس ملوتي بكل بلوق وتطفرني فيهم ولوعت جبدي بصراحه يعني اهيا الحين بتقرا الكومنت يريت تحس شوي;p

DoDoq8 يقول...

لوووووووووول

4 يقول...

منطقة هدية ... على حرب هدية

والباجي ... خاصة مناطق سعودية
لووووووووووووووووووووووووووووووووول

جاردينيا 2000 يقول...

ضحكتيني وانا مالي خلق اضحك

fatto يقول...

موروجيا :
هلا فيج موروجيا :)

لووووووووووووووول والله جذي اسمها .. لأ لأ بدعو .. الظاهر ثولان على قولتج لوول







ام مود :
اهلين ام مود :)
لوووول شفتي اشلون انا معلوماتي مفيده :P







سنعه :
وبعدين شنو تستفيد ؟؟ المهم ماعلينه .. اهم شي انج بطلتي البلوق :)






دودو:
اهلين ابدودتنه :) لولوين بعد :) لوول









4 :
اهلين 4 :)
شكرا عل المعلومه :)










جاردينيا :
هلا جاردينيا هلا بأم الفناتق :) ضحكي اشوراج لووول :)

Paris يقول...

لوووول ضحكتيني و لا عاد المهبوله شهالاسم

و بالسعوديه ..ام الهوشات باسم الله يعني كله يتهاوشون

احنا اشوة بالبحرين اساميهم محترمه لكن بعد فيه جم منطقه اساميهم غريبه و لا عاد اذا جنج بتروحين كنتري مول هني كله مناطق اساميها تضحك ,,

الحجر / القدم و مادري شنو فيه بعد جم منطقه
بس الباجي اساميهم معقوله

Paris يقول...

ع طاري اصابع فطومه

ايه احنا بعد عاد عندنا ابو صيبع :P شهالاسم بس بس مادري شيقصدون بابو صيبع اهيا صبع و له شلون

Kuwait يقول...

فاتوووووووووووووووووووووووو
@@
حتى شوارعنااااااااا ضيم :\
من فتره بأحد البلوقات انضغطت لاني ما أعرف طريج بو حدريه أول مره اسمع فيه بصراحه وقعدت أحفظه سااااااااااااعه يالله حفظته ورحت حق ابوي بسألـه ورازه ويهي أقوله يبا وين صاير طريج بودريده :\
من وين يبت بو دريده مادري بس هذا اسم يعني !!!

SNoW White يقول...

looooooooooooooooool fatto allah yeg6a3 soowalfeech sheno yaab asamy el mana6e8 fee balech ;p

Momentum يقول...

ام الهوشات ابي اييبها تعلم نوابنا الشغل العدل

Yin مدام يقول...

فاتو لوووووول

إي والله هدوا الصاحيين ولحقوا هالمسكينة !!

تصدقين بسوي كوبي وبيست لبوستج وأعطيه حق عيالي كدرس بتاريخ الكويت :))

عفية عليج أنا كنت أتسائل ليش أساميهم جذي بس ما دورت على المعاني :))

هذا أنا اكتشفت جم شغلة عندج اليوم :)
شكرا لك :)

أما مناطق المملكة.... ما أدري هو كان أسلوب تخويف عشان لا أحد غريب يتجرأ يدش مناطقهم قبل ولا شنو ؟؟!!

يعطيج العافية
:))

fatto يقول...

باريس :
هالا ابأهل البحرين :)

الحجر تنبلع .. بس القدم اشسالفتها لووول .. لازم كل ديره يخورون الاسامي لوول
وبوصبيع بعد عندكم .. اشسالفتهم مع الاصابع لووول





كويت :
هالا يم دريده لوووول والله مالومج الوم الي سمى هالاسم لووول





سنو وايت :
اهلييين والله قمتي اتعلفين وناسه .. اي الله يعافيج تواصلي معانه :) بعد جبدي والله ولهانه عليج وعلى سوالفنه وفصلاتنه الي خبري خبرج لووول






مومنتوم :
اهلييين انتي وينج .. اشسالفه بلوقج .. ؟؟ عسى ماشر

fatto يقول...

مدام ين :
هلا والله :) افا عليج سوي كوبي على راحتج يالغاليه :) وناسه اني اكون فدت احد ابمدونتي :)


لووووووووووول موتيني ظحت على تعليقج للسعوديه :)

غير معرف يقول...

واسامي مناطق ديرتج ايران شلون صايرة يالفيلسوفه؟