الأحد، 3 مايو 2009

سوالف دواوين



بخاطري اروح ديوانيه من الدواوين .. بس شنو .. ابي اكون ( غير مرئيه ) وانه قاعده معاهم ..لووول هذا حلمي من زمان مادري ليش :) احس سوالفهم اتينن وتضحك .. بس مابي دواوين الشباب الي ( بعضهم ) فيها سوالف بنات وتشيحط كل واحد جم كلم واي احلا وحده لالالا .. ابي دوانيه شياب .. ياحلوهم وياحلو سوالفهم .

++++++++++++

خن قولكم سالفه ابديوانيه العايله :
واحد ياي ديوانيه العايله اهو عود بالعمر اشوي .. صايرتله سالفه في ديوانيه من الديواوين الي يروحلها .. عاد يقول من اقعد ابمكان .. يا تاجر وقالي بوفلان دن اشويه هالصوب .. ودني مسكين .. وشوي ايي عضو وقوله بوفلان دن اشوي اهني .. ودني .. ويي شيخ وقوله بوفلان دن اشوه اهنيه .. ويقول ماوعيت الا انا طلعت بره لووول واي حبيبي والله مسكين .. قاعد يقول في دواوين مايحترمون .. اما دوانيتكم تحترمون الكل وترحبون فيه وتوصلونه لي بغا يطلع ليل الباب . احم احم :) هذي الدواوين ويلا بلاش :) وشنو يعني عضو ويلا تاجر ويلا شيخ .. ماتحترمون الشيب الي ابراس هالشايب الي كبر ابوكم .. الصراحه في ناس ماتستحي كلش .



++++++++++++

وسالفه ثانيه في احد الدواوين :


دقت المرشحه ( أسيل العوضي ) على احد الدواوين عشان بتزورهم وتلقي خطبه طبعا :) وطارو من الفرحه :)عاد اهل هالديوانيه دايما يتيمعون الساعه 10 .. بس هالمره الكل ياي الساعه 8 :) لووول والمشكله ان الشياب الي فيها يايين (بنيو لوك) الي صابغ الشوارب ولي متكشخ عالآخر وحدهم متزقرتين وهالمره الكل ياي :) لوول ..ونطرو لي الساعه 11 ومايت ويوم دقو عليها قالت انا اعتذر .. اوووووه اشسوو .. قاعدين يقولولها انت وعدتينا ومايسير وسمعتج ومن هالحجي .. الا يبونها اتيي مايبون هالصبغ والكشخه اتروح عالفاظي لوووول .. ويوم يت مابقى حكمه ماقطوها ومابقى تفلسف ماتفلسفو على راسها لووول .
شفت ياكظماوي .. هالسالفه رداً على
( بوستك ) شفت الرياييل اشلون اختبصو والشياب تشببو لمن يت .. اكيد لأنها امرأه وجميله :)

هناك 16 تعليقًا:

joe يقول...

مساء الخير

هالايام نص دواوين الشباب مصخره
بس احسن دواوين ملوت الريايل الي معترفين فيهم

لوول مسكين لو انا بداله يب لي الكرسي الي يتسفط و اقعده بالربعه بروحي

بييه عاد شيابنا هل ايام فاصلين حق التزرقت ينسى عمره اذا سمع جذي

مشكوره

Om MoD يقول...

لووووووووووول ..

السوالف تضحك ...

بس كسر خاطري الشايب ..شالدوانية اللي رايح لها ..اللي ما يقدرون ولا يحترمون اللي التاجر...الشيخ ..والعضو ...

وعاشت دوانيتكم المحترمة ...


والله الريال يبقى ريال مهما كبر...:) ..عيل شايب يتسنع عشان بتييهم مره ...لوووووووووووووووووووووووووووووووووووووووووووووووووووووووووووووووووووووووووووووووووووووووووووول

رورو الشخبوطه يقول...

السلام..

1-وناسه تكونين ضيفه خفيه بالدواوين وتلعووزين اللي يبط جبدج..

2- كسر خاطري الريال شنو ماكو غيره يدني !! الشره ع صاحبه الدوانيه ..

3- خخخ ياريت اسيل العوضي تقرا السالفه خخ..

ومرسو....

خوش بوست ماشاءالله..

يفرففش..

غير معرف يقول...

أنا بعد أحب سوالف الشياب دواويين الشباب ملاقه ;P

لووول يحليلهم الشياب

U-Turn يقول...

لوووووووووول
زوووووووغه
يا حلو هالشايب
ودي افتحله دوانيه حقه بروحه :d

لوووووول
يا حليلها اسيل :d
يعني الكل ينطرها ما ينطر ندوتها :d


تسلم إييدج على هالبوست الحلو

Kuwait يقول...

@@
انا بعد ودددددددددي :(
فاتووو اذا احصلت لج سالفة زوارة الدوانيه انا بروح ويااااااج عفيه ;q

SNoW White يقول...

loool ana ba3ad a7eb soowalef esheeyab oo amooot 3aleehom oo maskeen hashayeb kesar `7a6ry low ana menna ared mn awal e9afa oo agool-leehom dannaw oo ared mn awal e9af lool

oo 3ala 6ary esheeyab elly tezgreetaw mawootoony mn e`6ee7ek maksoooor oo ebareed lool

غير معرف يقول...

عزيزتى فاتو

سوالفج تهبل و بوستاتج أحلى

بس أبى اعرف شئ واحد

شسم مدرسة اللغه العربية اللى كانت تدرستج فى الثانويه ؟؟

بصراحة لغة ميح , وجمل غير مترابطه

fatto يقول...

للكلمات بقيه :
اهلين يوسف مساء النور :)

لووووول حلوه سالفه الكرسي اعجبتني :)




ام مود :
اهلين ام موود :)
شفتي اشلون مافي احترام والا حشيمه للكبير ..

وافا عليج تعجبج ديوانيتنه :)



والحرمه اذا دشت ديوانيه عبالج شي عادي عندهم .. من صجج لوول






رورو الشخبوطه:

اهلين وعليكم السلام :)
اي والله جان زين اصير مخفيه لووول
وهذا اذا مو صاحب الديوانيه قومه همن لووول






مومنتوم :
هالا فيج :)
ايي والله ايننون وضحكون وعليهم سوالف مادري من وين ايوبونها :)





يوتيرن :
اهلييين :)
لووووووووول والله جان استانس هالشايب ..
لااا لاتحاتين هالمره اسيل الكل متفائل فيها .. الكل حاس انها بتفوز :)
ومشكوره :)






كويت :
لووووووول.. يارييييت جان زين .. اتساعديني انسوي اختراع ابهالشي :) لووول
عاد مو بس ودي بالدواوين همن بالمجمعات .. ودي اخززز على راحتي لووول





سنو وايت :
اهليييييييين واااي ولهانه عليج وايد وايد .. حدج غاطه :)

لوووووووووووووول اي والله جان زين الشايب يسويها لوول

وهذيل الشياب ماكو فايده فيهم الا بتشببون قصب طيب لوول :)







غير مرف :
لووووووووووووول عاد اتصدقين ابوي مدرس عربي :) وعيز وهو يصلح ابدلياتي وعدلهم لوول
مايخالف تحملي بدلياتي :)
في بدليه بالبوست ؟؟ جنه مافي !!!
وشنو الجمله الي مومترابطه خن سنعها :)
وشكرا عالتنبيه .. لأني وايد اندمج اذا كتبت :)

Bloggerista يقول...

أنا بعد ودي أشوف شيسوون بالديوانية

بس مابي شياب

أبي أتطمش عالدواويين اللي يسولفون عن السياسة

أحس التفلسف و الشطة مالهم والي :P

Om GhaMaZaT يقول...

اي والله كلامج صح الواحد الود وده يسمع هالسوالف دايركت من الشياب وطبعا من غير ما احد يحس فيج :)
وبصراحه الشياب ماينلامون
لوووووووووووووول بعد اسيل بتقعد معاهم
اشلون تبونهم مايشتطون ماشاءالله عليها

الله يخليهم لنا يارب ولا يحرمنا منهم ان شاءالله

om hussan يقول...

صراحة وياهم حق توه يايه من امريكا ومتحررة وحلوة وانتخبوها تستاهل بعض الناس مو عطينا وي ترى لووول

kazmawy يقول...

فاتوو
اشوف قمتى تحرشين وتحشين فينى من وراى
لووووووووووووول

اذا بتعرفين سوالف الدواوين انا اقولج اعرف سوالف الدواوين وخرابيطهم لا يهمج"())
وبعدين الشياب هذيل زغمبية شيبون باسيل جمبزة وعيارة :))*

fatto يقول...

بلوقيرسته :
هالا فيج :)
وناسه مو بس انا اتمنى هالشي ؟؟
عاد سوالف السياسه جنها ماتونس .. انا احب سوالف التطفر :)




ام غمازات :
هلا ابأم غمازات .. عاد تدرين انا عندي غمازه وحده .. وابي ثانيه .. اتسلفيني وحده لووول

اكيد بشتطون .. وحده داشه عندهم مايشتطون الا يشتطون ونص لوووول







ام حسين :
هالا والله ام حسين اشلونج وشلون حسين :)
هاااا ام حسين اشوفج اتدمحين فيها .. اخاف صايره مفتاحه عندها !! لوول





كظماوي :
اهلين ابكظماوينه وبمحرمنه لووول
لووول .. اكيد جمبزه وعياره :) عبالك عشان سواد عيونها لووول .

ساره النومس يقول...

لوووووووووووووووووول يحليلهم الشياب والله عسل لوووول

غير معرف يقول...

Online Poker - Free bankroll $50 - INTERNATIONAL players - $ حرّرت خمسون
محراك يحرّر علاوة
إحترامات