الجمعة، 20 مارس 2009

تهنا = ضيعنا

قبل جم يوم رحنا أنا و fatto و pearl عشان نسنع أظافرنا في N-style طبعا أنتوا ما تدرون شلون قررنا نروح وعقب ما حنيت ورنيت شكثر ..عيزت وأنا أحن وأقول أظافري قامت تتكسر خلونا نروح ..كل يوم يقولون لي باجر ..المهم عقب ما حددنا اليوم تيمعنا إحنا الثلاثه.. بعد ما كنسلوا روحتهم ويانا لظروف خاصة snow white و stella ..
موعدنا كان الساعة 7:30 بالليل وصلنا إحنا الساعة 8 إلا عشر تدرون ليش على ما لقينا موقف نصفط فيه.. المهم قعدنا وسولفنا و كل وحده فينا شربت لها شي اللي طلبت شاي أخضر واللي طلبت قهوه خلصنا بالضبط الساعة 9 حاسبنا وطلعنا ..وإحنا طالعين شفنا جدامنا اللي ياخذون السيارة ويصفطوناه وقعدنا نضحك على روحنا ولا وحده شافته :)..

ركبنا السيارة وصلنا fatto بيتهم وطبعا طفنا لفت بيتهم ضعنا شوي بس الحمد الله وصلنها إلحين اللي ظل بالسيارة أنا وpearl وإحنا ثنتينا الله بالخير ما نعرف ولا ندل شي دشينا لفة غلط وعشان نسلم على عمرنا شفنا لافته حق ضاحية حطين قلنا خلينا ندش على الأقل منطقة نعرفها وظلينا نحوس داخل جنوب السرة مو دالين شارع دمشق ومافي أحد ما وقفناه عشان نسأله وين الطريج ..؟؟

حالتنا حاله وميتين ضحك على عمرنا شلون ما نعرف ..وكل وحده تقول حق الثانية أنا متعوده على الضيعات ما أطول عليكم أدري أني طولت لووووووووووول ..

أنا وصلت البيت الساعة 11 إلا ربع تخيلوا إحنا متى طالعين من المحل تقريبا ساعتين على ما وصلت البيت طبعا كل وحده فينا حصلت لها توبيخ من زوجها ..

لووووووووووول نعيش وناكل غيرها :)هذي والكويت صغيرة وضعنا لوإحنا بديرة ثانية جان شصار فينا ؟؟؟؟ !!!!!!

هناك 6 تعليقات:

joe يقول...

عاادي عاادي مو بس انتوا
واحد يقولي احنه بيتنه بالشهداء صوب المسيد و احنا شفنا مسيد ونطرناه هنااك وصار لنا ساعه ناطرين اتضح انه الشهداء بالقطعه الوحده فيها اكثر من مسيد
نعيش وناكل غيرها

3BeeDo ;) يقول...

أوله شدعوه:> انا ساكن بحطين يعني طلعو على اي شارع رئيسي وامشو كله سيده
:P
هذا اقل شي :>

جاردينيا 2000 يقول...

اشدعوى اتصلو علي اذا ضيعتو ..أنا دلوله ..يالله ضيعو مره ثانيه انطر منكم إتصال

RoOra يقول...

LOL
عادي ;P
n-style
وين موجود؟!
ابي اسوي اظافري بمكان بروفيشنال

fatto يقول...

فشلتونه والله الي عمرها 30 ولي بتصك ال30 وليل حين ماتدلون الكويت .. اقصاها لكويت لقمه :) لوول اعجبتني لقمه :) معقوله ليل حين ماتدلون .. المشكله ام من بيتنه لي شارع دمشق 5 دقايق . بس اكتفي بلا تعليق :)

stella يقول...

لو أدري انكم بتتأخرون لهذا الوقت جان طلعت من المعهد وييتكم ..ى يمديني اخلص معاكم :)