الثلاثاء، 3 مارس، 2009

هيَصنه بالعيد الوطني

مساء الخير جميعا .. الصراحه حدي حدي ولهانه عليكم من زمان مادشيت البلوق لأني انشغلت ابعطله العيد الوطني .. عسى استانستو انشاءالله .. موضوعي صار قديم بس توني اتفرغ :) احنه عيدنا ابشاليهنه حده وناسه مثل كل سنه .. وهالمره وناسه لأن كان عندي ( مايك ) :) مابقى تشجيع وتعليق ماقلته :) طبعا كنه متلثمين عشان محد يعرفنه :)حته الشرطه ماسلمت مني .. قاعد اقولهم : ( عاشو شرطه الكوييييت عاشو الي يخالفوووون ) وميتين ضحك علي لوووول . وأترككم مع بعض الصور .
طبعا لازم هالبلونات .. وهذا اخوي المجرم
طبعا لازم هاللبس ويلا محد يطلع معانه :)
وهني اهلي راحو بر جليعه او بنيدر والله مادري ماكنت معاهم
وانه فاجه الدريشه وحدي مستانسه بالجو الحلو والهيصه ماوعه الي شي ابيض طاير صوبي وصارخ من قمه راسي ( بييييييييض ) وباخر لحظه لحقت على عمري وسكرت الدريشه .. الصراحه سخافه الي يحذفون بيض يخربون وناسه الواحد

ومثل مايقولون ختامها مسك .. يوم اليمعه بليل نزل علينه بردي ( حده وناسه )

هناك 8 تعليقات:

{~المباركية~} يقول...

احلى شي بالصوره الطياااراات لما رحت كان حده وناااسه
و الصراحه العيد اذا كان دفش يصير مو حلو في ناس يحذفون بيض ومادري شنو هذا شي غلط في ناس ماترضى

جاردينيا 2000 يقول...

كلنا استانسنا بالعيد وانا رحت شفت المنظاد وهم اطيرونه حده وناسه
بس ماطق عندنا ابردي عليكم بالعافيه

stella يقول...
أزال المؤلف هذا التعليق.
stella يقول...

وناسة حده شكله كان عندكم بالشاليهات .. الصور حده تشوق

غير معرف يقول...

ونااااسه

يومكم حلوو

واحلى شي البردي

=)

snow يقول...

عليكم بالعافية حبيبتي وانشالله دوم مستانسيين مع اني ماطلعت بالعيد الوطني بس شفت اللي نقله التلفزيون :(

غير معرف يقول...

لو امصوره الفعاليات اللي عندكم عشان انشوف الهيصه اللي امسوينها بالشاليهات عشان السنة الياية ان انشاالله نحجزلنا شاليه (:

fatto يقول...

المباركيه :
شكلك اتحب الطيارات والدليل الصوره الي حاطها :) وعلى قولتك العيد اذا صار دفش يسير ملاقه وتعكر مزاج


جاردينيا :
الله يعافيج .. احنا غيمتنا فيها خير اكثر :)


ستيلا :
حياج عندنا السنه اليايه .. اصيعج :) لووول




غير معرف :
اي والله حدنا استانسنه الحمد الله .. احنا الغيوم الي عندنا كشخاااا :)




سنو :

الله يعافيج .. ياالله انشاءالله اتعوضينها انتي وعيالج السنه اليايه :)



غير معرف :
والله امصورين الهيصه من طأطأ لي سلام عليكم على قولتهم .. بس ماحطيتهم لأن اصورنه فيهم .. بس والايهمكم السنه اليايه انشاءالله اعوضها لكم :)