الاثنين، 16 مارس، 2009

وصل اللي طلبته

طلبت جم غرض من موقع pick your tag أمس الضحى وتوقعت يوصلون لي عقب يوم أو يومين بس اللي صار إني قعدت من النوم العصاري ولقيت عندي جم miss u الرقم ما أعرفه شوي ولا يدق مره ثانية ..لوووول بتقولون شفيهم الفيونكات يايتهم حالة الطلب من الانترنت :)
أنا : ألو ... المتصل : ألو ... أوخ صوت هندي ويتكلم إنجليزي .. جان أقول أكيد الموقع اللي طلبت منه المهم قالي إنه يقدر يوصل لي الطلب ألحين ..عاد قلت له أوكي ...وصل الصندوق ...
الأغراض اللي طلبتها إهي ( Love on Toast + To-Do-Tattoo + Cool Ice Glass Maker )
شوفوا الصور :


أنا عجبني شكل التغليف حلو بس على سعره وايد غالي تخيلوا هالصندوق سعره 7 د.ك ..مجرد صندوق على قولت زوجي العزيز جنه من سوق الصفافير :) بس أنا كنت حدي أبي الاغراض اللي طلبتهم وناسة خصوصا مالت التوست تونس حدها ..اللي يحب يطلع على الموقع يضغط هني..

هناك 3 تعليقات:

fatto يقول...

اي والله مادري اشفينه على الطلبات من النت الصراحه يزاهم الله خير حدهم امريحينه قاعدين بالبيييت بالبراد واي شي نبيه يوصل لي عندنه بعد اشيبي الواحد اكثر من جذيه :) وعليج بالعافيه بلي طلبتيهم.. وقوليلنه اشلون لقلاصات الثلج معاج يونسون عشان اطلب منهم :)

The Spanian يقول...

ادمااااان ادمااااااان !!

توصل معاكم ساعات عقب ما تحوسون بالنت ويصير ما عندكم شي تسوونه تقولون خندور لنا شي نشتريه !! .. ولا بس انا اللي حايشتني هالحاله !!!!

والله شغلات غريبه عندهم .. بس لما تشتريهم ما ودك تستعملهم .. ودك بس تطالعهم :p (ليش شاريهم !!!!)

Sn3a يقول...

انا عاجبتني وايد شغلات بمواقع كويتيه
لكن سعرهم مبالغ فيه وايد
لما رحت ماليزيا شفت محل فناتق فيه معظم هالشغلات وبثلث السعر!
هذا غير السايتات الي تبيع تقليد وتكتب اصلي

صج ان بعضهم قاعدين يوفرون علينا التعني للسوق لكن مايسوى السعر



عليج بالف عافيه