السبت، 28 مارس 2009

موقف لا احسد عليه :)


الصورة غريبة مو ؟؟ سمعو سالفتها :) ..
صباح يوم الجمعة .. بعد الوناسة و السهر بعرس اخوي الغالي .. الله يتمم عليهم و يسعدهم و يرزقهم الذرية الصالحة ..
الي صار ان كنا حاجزين في نفس الفندق الي كان في العرس .. و بعد ما اصبحنا و تريقنا و عينا من الله خير ..شلنا قشنا و اغراضنا .. و سبقتني أمي و خواتي . و خذو أغلب اغراضى .. و سلمت عليهم على اساس اني راح الحقهم .
انا و زوجي العزيز :) .. بس الي صار ..ان قعدنا اشوى .. و يوم يعزم الزوج الغالي انا نمشى قالي ياللله سرينا ..
و فجأه تصير السالفة ..
ادور على اللفة ( حجابي ) ما لقيته قمت ادور بكل مكان بالغرفة و الجنطة .. ماكو شيء .. و قامنا ندور و ندور .
و يوم اتصلنا في امي اسالها وين لفتي .. تقولي انها خذت كل شيء و من ضمنهم كل لفاتي ..
و صار ما عندي لفة اطلع من الفندق فيها :)
ولا اطول السالفة عليكم عقب كل الاختيارات .. ماكو الا خيار واحد ماكو غيرة .. شنو تتخيلون ؟؟
الغترة :) غترة زوجي .. سويتها جنها لفة و لبستها .. و طيران من الغرفة لي السيارة .. و لبسة النظارة .. علشان يبين الشكل طبيعي :)
بس من صج كلش مو امبينه انها غترة .. لان لونها ابيض .. بس صج موقف :)

هناك 16 تعليقًا:

master يقول...

هاهاههاهاهاههاهاهها
مأ سااااااااااه

بس تصدقين موديل :)

انا عبالي لبستي الفوطه :)

و مبروك على زواج أخوج

@alhaidar يقول...

باجر تصير موضة ;p

وألف مبروك انشالله الزواج ..

مركبنا يقول...

توقعت بتقولين فوطة او شرشف

وعلى قولة اخونا الحيدر باجر تصير موضة


ومبروك على اخوج

كاكاووه يقول...

الف مبروك عرس اخوج
:)
انا عبالي فوطه

اشوه انها صارت علي جذي وريلج وياج وعنده غتره


انا بنت خالتي ضاع ملفعها بالعرس
وماحست انه ضايق إلا لمي يا المعرس
تخيلي ماكوو شي تتغطي فيه

ووحده يزاها الله خير عطتها الشال مالها وتخيلي تركووووووووواز لونه يشق شق

وتدرين عقب البست عباة امها علي الراس وطلعت لانه اهي عباتها علي الجتف

يعني موقف لا تحسد عليه
:\

esTeKaNa يقول...

ألف مبروك على زواج اخوج عسى ربي يتمم عليهم ويسعدهم
يقولون الناس شايفين بنت ستااااايل لابسه غتره ونظاره؟
:pp~
هههههههه
ليت ريلج مصورج حسافه
صدقيني بتصير موضه بعدين
:)

Om MoD يقول...

ألف ألف مبروك حبيبتي وعسى ربي يوفقهم ويسهل أمورهم..

لوووووووووووووووول..

صج إنج ستايل ..الحمد الله إنه كان وياج ولا جان شسويتي ..


خوووووش موقف :)

DoDoq8 يقول...

lool

ana bel class oo 83dt a`67k

elmiss 5ztnee

mbrok 3la o 5ooch

sun shine يقول...

لوووووووووووووووول
مبروك على زواج اخوج

joe يقول...

لووول هذي فايدة ثانيه للغتره
حطيتي فيها نشااا << موقاصرين طنازة

الف مبرووك

abLa Noura يقول...

والله تفكير ذكي .. توقعتج بتقولين استخدمتي الفوطه

زين الغتره تترقع ولا احد يدري عنج

وبالمبارك زواج اخوج

Nikon 8 يقول...

أولا مبروك زواج الأخ العزيز الله يوفقه
أما سالفة الغترة فيعجبني اللي يتصرفون صح :)

غير معرف يقول...

الف مبروك الزواج

وبصراحه موقفج هذا انا كل اسبوع تقريبا امر فيه بس عن قصد...
أكون طالبه مثلا من مطعم, ولي وصل اخذ اي شال او سكارف اقطه على راسي واطلع استلم طلبي اببجامتي المزركشه
ولي احتديت اخذ ثوب صلاة!...
طبعا لاتشوفين شكل عامل التوصيل شكله يقول : اخذي الطلب والحساب علي ;q

snow يقول...

بالبدايه الف مبروك لخوج وعسى ربي يتمم عليهم حبيبتي.
وتوقعت بانها غترة ريلج وباجر اشوفين الغتر الاماراتيه راح تصير موضه ؛)

غير معرف يقول...

هاهاهاهاهاهاها
اشوا انهى بيضه مو اشماغ

ومبروك على اخوج :)

Pearl يقول...

ماستر : :) اي وهالله حدةمأساة . عدة على خير

الحيدر: الله يبارك فيك .. مو بعيده

مركبنا : شكرا . كلك ذوق . كان هذا احسن خيار :)

كاكاوو : الله يبارك بعمرج .. و اشوة يعني تصير باحسن العوايل :)

استكمانة : مشكورة يا الغالية ما تقصرين .. واذا على التصوير الي عندى ما قصر صورنى و عيز و اهوة يضحك علي :)


ام مود : حبيبتي الله يبلغج انشالله بالحلوين و تشوفينهم معاريس . و انا اقول اشوة انها غترة مو شماغ .. جان صار فيلم :)


dodoq8 : الله يبارك فيج . شفتي الله ما يرضى :)

sun shin : حبيبتي تفرحين بالعنونه انشالله

المباركية : ما تقصر :) تدري عاد المشكلة انها كان فيها نشا ..و صرت طنازة ..

nikon8 : شكرا كلك ذوق .. و ما كان جدامي الا هالحل :(

غير معرف : شكرا حبيبتي .. و ديري بالج تطلعين مرة بدون حجاب :)

snow : عادي يسونها بنات الكويت .. ما خلو شيء

غير معرف : شكرا للمرور .. و الله يبارك فيك ..

fatto يقول...

لوووول .. اشوه انه امقتر .. جان اتوهقتي :)