الخميس، 12 مارس 2009

منو صار له هالموقف ؟


أمس وأنا رادة من الدوام كنت محتاجه جم غرض من الجمعية ورحت وصفطت بالمواقف وطفيت المكيف وشلت جنطتي وموبايلي ونزلت.. دشيت وخذيت الأغراض اللي أبيها وأنا أحاسب قلت خليني أطلع المفتاح من الجنطة قبل ما أطلع أدور ..أدور ماميش ماكو شي يا ربي وين حطيته ..عاد قلت حق الكاشير بخلي أغراضي أنا بروح شوي.. وأروح الأماكن اللي شريت منها أغراض قلت يا سبحان الله يمكن حطيته مكان وأنا باخذ شي لالالا مو معقوله سألت اللي يم الرفوف ما شفتوا مفتاح سيارة.. محد شافه ورديت مكاني عند الكاشير وأحوس بالجنطة ماكو ولا شي.. مسكين الريال ما قصر دور داخل الجياس هم ماكو شي أنزين شلون أرد البيت ألحين ..عاد قمت وخذيت أغراضي قلت أكيد نسيته بالسيارة وأنا طالعه يدامي سايق يسألني شنو سيارتج هذي.. ترى تشتغل أنا يقول داخل إنتي شنو يدور مفتاح سيارة بس إنتي ما يسمع .. مو مني من اللي فيني محتارة وين وديت المفتاح .. جان أقول بقلبي : وي شصاير فيني عمري ما سويتها شلون جذيه ناسيه المفتاح بالسيارة ومخليتها تشتغل لاحول ولا قوة إلا بالله العلي العظيم الظاهر الزهايمر بدى معاي مبجر :) وظليت أضحك على نفسي وشلون سويت جذي ...

هناك 15 تعليقًا:

Paris يقول...

( الظاهر الزهايمر بدى معاي مبجر )

اسمله عليج و ان شالله ما تشوفين الا الخير

DoDoq8 يقول...

لووول

عادي عادي انا انسى باب السياره مشرع وادش البيت :×

QiYaDiYa يقول...

تصير باحسن العائلات ;p

انا مرة قاعدة اتكلم بالتلفون
سكرت السيارة
قفلتها
حطيت المفتاح بالجنطة

جان اقرر اني بس ابي البوك
و انزل و اسكر الباب !!
استوعبت ان المفتاح داخل و السيارة مقفولة ;p

كنت نازلة اشتري قهوة
فقعدت بسطت على ما يابولي السبير
;p

malak يقول...

وي الله ستر


زين ما انباقت :p



حده بايخ الموقف

غير معرف يقول...

صراحة سالفتج عجيبة عادي تصير كثري يوز لوووول OM HUSSAIN

Mr_CHoCoLaTe يقول...

ههههههه

الحمدلله ما صار شي اكبر من جذي

يمكن كنتي سرحانه او تفكرين بشي

مرات الواحد الف فكره و فكره براسه اللي ينسى شنو قاعد يسوي الحين

fatto يقول...

لوووول .. امس ام حسين اتدور نظارتها وهي على راسهه :) لووول .. اللهم لاشماته ما ابي اعيب بعدين اسير نفسكم :) يكون كلش انا ما تسيرلي مواقف النسيان :)

bhr.qadsaweya يقول...

حمدالله انها يات على جذي..
تكبرين و تنسين يالغالية
يعطيج العافية

Om MoD يقول...

Paris :

حبيبتي ..الشر ما ييج :)


Dodoq8 :

لوووووووووووول ..

صكيتي علي ترى :)

Qiyadiya :

لووووووووووووووووووووووووووووووووووووووووووووووووووووووووووووووووووووووول

صج سالفتج تضحك :)

ديري بالج مرة ثانية :)

malak :

إي والله الحمد الله ..
حتى أنا طرت علي هالفكرة قلت لو أحد مار وماخذها :)

غير معرف ( أم حسين ) :

:)

يبيله :)

Mr-chocolate :

من زمان ما تبين ..؟؟

إي صج كان بالي حده مشغول :)

fatto :

طالع عاد من قاعد يتكلم ..

كلنا بالهوا سوى ..

من عاشر القوم...

bhr.qadsaweya :

يا بعد عمري ..

حبيبتي أكبر من جذي بعد :)

الله يعافيج :)

RoOra يقول...

رفيجتي و بنت خالتها مره ناسين السياره شغاله و داشين عرس ;P

Om MoD يقول...

Roora :

ابيه فلم :)

Sn3a يقول...

هذي حركتي اول ماسوق
اهد السياره شغاله احضر محاضره وتالي اتذكر
;p

Om MoD يقول...

san3a :

:)

الود طبعي يقول...

الله يعينكم عل نسياااان بس مافي اكثر من عندي ينسه :)

Om MoD يقول...

الله يكون بالعون ...