السبت، 14 مارس 2009

خوووش تقمبر

أهل البحر اهم الي يعرفون وحبون التقمبر .. وهذا الحين موسمهم وانه اموت على شي اسمه تقمبر حده وناسه بس ما أحب آكلهم .. توني يايه من شاليهنه وماشاءالله صدنه قباقب اشكثرهااا ولحد يتعب نفسه وروح يصيد الحين , ترى خلصنه القباقب :) وفي بعضهم مايعرفون شنو تقمبر والتقمبر اهو صيد القباقب والأسماك والخثاثيق حين تكون المايه رايحه :)


وهذي الله يسلمكم عده التقمبر .. الليت اذا كان بليل . وبوت البحر . والكابر . والسله حق اتحطون فيها صيدكم


وهذا اهو صيدنه .. اشرايكم فينه :)


وعقب قسلناه من الرمل والوصخ



وهذا الأصفر الي لازق بالقباقب اهو بيضهم فلازم اتشيلونه
وعقب حطوهم بالجدر وترسوه ماي وحطو كل البهارات الي عندكم بالمطبخ .. وفي طريقه ثانيه بس بالصلصه يقولون لذيذه بس اهي عباله اشوي وتطول.. فكانوأهلي يواعه فمالهم خلق ينطرون مده اطول فطريقه البهارات اسهل واسرع. ونطرو لمن يسيرون برتقاليين نفس الصوره


وذا شفتو القبقب قاعد يخز هالخزه يعني نضى القبقب :)


وهمن صدنه خثاق .. وهذا اخوي حمني اخيرا رضى انحط صورته بدون لا أغطيه نفس كل مره :)


وهذا اهو الخثاق بعد التقطع والحماس مع البهارات :) وانشاء الله استانستو معاي ابرحلتنه

هناك 15 تعليقًا:

غير معرف يقول...

انا اللي اعرفه اكل القباقب والخثاق حرام ..لان ماعليه فلس :/ شلون تاكلونهم ؟؟

غير معرف يقول...

master, i got addicted to ur fashion blog that u have started a while ago but i have traveled out of kuwait for a while and now that i am back i just can seem to find it .. can u please re post the address please :) thank u very much girls

nice post post btw .. but what is the fils mentioned in the previous comment exactly?

غير معرف يقول...

يم يم انا احب القباقب بس اول مره اشوف عيون القبقب


عليكم بالف عافيه

Mr_CHoCoLaTe يقول...

يمي يمي
ماشاءالله القبقب له ريحه مميزه وقت الطباخ
لو ادش بيت و اشم الريحه اعرف ان اليوم متغدين قباقب لان ريحته جداً مميزه

ذقته مره عن الخاطر بس عندنا حرام ما يصير ناكله

سؤال بيضه ما ينوكل ؟

عليكم بالعافيه ^_^

master يقول...

شوقتيني على الخثاق ، جربته في هونج كونج ، لذيذ مع السويو سوس.

غير معرف 1 ، ياكلونه لأن فاتو سنيه ، حرام عند الشيعه هذا إلي عرفته من رفيجتي الشيعيه :) هاي فروووح (إذا كنتي قاعده تقرين )

kazmawy يقول...

فاتو يالفيلجاوية
لوووووووووووووووووووووووووول
عليكم بالعافية والله وناسة التقمبر
بس دير بالكم من الطبيجية والفراييل
مرة قرصتنى فريالة
ول ول ول
والله جسمى كله قام يعورنى
..
بعدين اخوج ماشاء الله مزيون على منو طالع
لووووووول

kazmawy يقول...

بعد حتى القباقب خليتو حرام اكلها
من عمرنا واهل الكويت ياكلون قباقب شهاالخرابيط

kAiKa-MGroMa يقول...

looool

حسيت وناسه التقمبر ..

بس استغفرالله :\ شكل الاكل كلش ما

يشّد .. جبدي قامت تقلب! :|

*الفلس=الصفط=القشور اللي فوق السمج.

وماستر بعد ماكله خثاق مو لايق @@

عليكم بالعافيه فاتوو الحلوه :>.

غير معرف يقول...

واي فاتوو عليج سوالف
بس حده تشوق ومغامرات
حدي مشتاقتلج وايد وايد
وحق كل البنات
خلوني أشوفكم يا حلويين

غير معرف يقول...

واي فاتوو عليج سوالف
بس حده تشوق ومغامرات
حدي مشتاقتلج وايد وايد
وحق كل البنات
خلوني أشوفكم يا حلويين

Pearl يقول...

عليكم بالعافية .. خوش رحلة ..
يبيله انجربها :) ..
و حسيت ودي البس البوت :)..
عاد انا احب الاكل البحري ,, بس ما ادري ليش ما تشوقنى القباقب ..

غير معرف يقول...

ويييييييييع
لو شصير ما اكله شكله مقرف

اااه ه ه ه
بالعافيه

غير معرف يقول...

الللللللللللللللله والله شوقتونى على القباب يبله تقمبر

بنكي الوطني

Om MoD يقول...

:)

وناسة ..

ودي أجرب التقمبر..مع إني ما آكل قباقب ..استغفر الله شكله كلش ما يشوق :)

عالعموم بالعافية عليكم والمزيد من الرحلات السعيدة :)

fatto يقول...

غير معرف :
احنا عندنا عادي :)


jafa
على قوله كيكه مقرومه اهو القشور الي فوق


غير معرف :
اي عيونه مو هيمه اتخرع :) لوول


مستر ككاو :
استغفر الله انا ماواطن ريحته .. وبالنسبه للبيض جنه ماينوكل .لأن جنه اسفنج .



ماستر :
الخثاق يقولون طعمه جنه بطاط .. بس احس إن يتعلج .


كظماوي :
أهلييييين يالمزيون .. انت وينك ؟ من طول الغيبات جاب الغنايم .. الي يحب البحر يعني فيلجاوي .. انا مو فيلجاويه .. انا كويتيه :) لوول
والفرياله عرفناها بس الطبيجيه شنو ؟؟؟؟ اتصدق ماعرفها .. هالشي يأكدلك اني مو فيلجاويه لووول .. واخوي المزيون طالع عليك مو انت مزيون :) لووول معني اشك انك جيكر :) لوول


كيكه مقرومه :
هم انا ماحب القباقب والا احب اشوف احد ياكلهم .. ومشكوره عالمعلومه :)



أفراح :
هلا فرووح اشلونج واشلون الورعان .. وهم انا والله مشتاقتلج والله .



بيرل :
هلا ام حموده شخبارج انتي وينج بالويك اند ماسمعت صوتج ؟ جنج مرخ ظايقه قباقب مع سلطه ابماكي ويلا مو انتي ؟



فيصل :
انا معاك شكله مايشوق .. بس جنكم يالرياييل كلشي تاكلون :) والله يعافيك



غير معرف :
يبيله :)



ام مود :
مابقى احد ماشوقته عالتقمبر .. عيل تدرون اشلون حياكم الله ابشاليهنه شوفولكم ياالبلوقارز يوم اتفقو فيه وانا اضبطكم انشاء الله :)