الخميس، 5 مارس 2009

الشرطي بو بلال




منو مايعرف الشرطي بوبلال .. طبعا الي يمر ابشارع دمشق لازم يشوفه .. نفسه حلوه بالبرد وبالحر ولرطوبه ولغبار الابتسامه ماتفارق ويهه ماشاءالله عليه .. الشباب كله واقفه عنده اتسولف معاه حتن اخوي ( حمني ) ماسلم منه لازم ابردته من المدرسه يقعد معاه يسولف .. ولا بعد حمني معطيه صورته وبوبلال يقوله ترى صورتك حطيتهه عندي بالدوانيه .. يعني اخوي مشهور عند ربعه الشرطه :) لووول .. ومن كثر مايحبه صور معاه كذا صوره .. خن وريكم صوره من الصور . وتحيه حق بوبلال و يعطيك الف عافيه .


update
1\4\2009


ابوي اليوم شاف بوبلال جان يقوله بوبلال ان في واحد ياله جان يوريني صورتي بلبلوق :) .جان يقول حق ابوي ليش امقطين صوره حمني .. ابوي حس من طريقته ان متظايق .. بس والايهمك يابوبلال الصوره غيرتها وحطيت ويهه :)

هناك 18 تعليقًا:

TruTh يقول...

لووووووول يحليله والله

و النعم فيه بو بلال :)

Q8EL5AIR يقول...

اوووووووووووه هذا بوبلال .. والنعم والله :)

ماشاءالله عليه ونعم المواطن الكويتي ..
انا من لمن كنت بالمتوسطة وانا اشوفه ..

الله يجزاه خير ..


وتحياتي ..
ويسلموااااااااااااااااااااااا :)

KQ8 يقول...

والله والنعم والثلاثة انعام

بعد اذنج اختي ممكن استعير الصوره بقص صورة بوبلال؟؟!!

Super Woman يقول...

يعطيه العافيه

ماكو مثله :)

اول مره اشوف احد يحب شغله هالكثر
الله يوفقه

Sn3a يقول...

ماشاءالله عليه هالريال
مع اني ما امر بدمشق الا لاني بنحاش من زحمه شارع ثاني احيانا

الا ان اشوفه نفس الابتسامه
ونفس الوقفه
ربي يعطيه الصحه والعافيه اهو واللي قاعدين يخلصون بعملهم بالكويت

علي حيدر النويسندي يقول...

والله انتو بتعمون على المسكين

ما تدرون ممنوع على أبناء الداخلية التصوير جذي ؟؟

والله بيقطونه إنظباطيه - تهاون في أداء الاعمال المناطه به

nikon 8 يقول...

كنت من فترة أدور على أسمه... وسميه الشرطي الأسمراني.
مشكورة على المعلومة والله يكثر من أمثاله :)

غير معرف يقول...

Q8_Q8

ليش تفاول على الريال؟

حط تعليق عدل وللا لا تعلق

Aurous يقول...

الله يعطيه الف عافية... صج خوش انسان :)

DoDoq8 يقول...

سمعت فيه مره ببرنامج الديوانيه

بس اول مره اشوفه :)

بـابـل يقول...

لوفي بالكويت 10 آلاف بوبلال

والله جان صرنا مثل أوروبا

وفي نفس بو بلال وايد ناس مخلصين بس بالظل

هذا المواطن واهب نفسه لبلده

ومخلص حد الإخلاص


الله يطول بعمره ويكثر من أمثاله



لمسة حلوة شكرا لك


وبس



بابل

fatto يقول...

truth
اي والله خوش شرطي :)

كويت الخير :
اي والله خوش مواطن كويتي :)

kq8
افا عليك لصور الي بلبلوق كلها حلالك :)



شلالات

اي والله جان زين كل الشرطه نفسه يخلون الواحد يبتسم اذا شافله شرطي


سنعه :
عيني عليه بارده :)


كويت - كويت
اولا اولا اشدعوه !!


nikon 8

لوول عجبنبي الشرطي الاسمراني :)



غير معرف :
مايخالف حصل خير انشاءالله .. شكرا :)



aurous

:)



دودو:
يالله وريناج اياه :) نفس ماتوقعنيه :)



بابل :
جان زين منه 10 الاف :)

@alhaidar يقول...

الله يعطيه العافية :)

joe يقول...

عيون ساهره
قوااه الله

أبو فاتو يقول...

الله يكثرمن أمثالك يابوبلال

fatto يقول...

أحمد الحيدر :
هالا بلعلامي :) اي والله يعطيه العافيه مخلص ابشغله وقدها وقدود


المباركيه :
اي والله .. الله يكثر من أمثاله :)



ابو فاتو :
هالا ببوي هالا بالغالي .. توه نور البلوق والله .. الصراحه وايد استانست لمن شفتك تقره لبلوق ولا بعد امعلق .. حدي طرت من الفرحه .. لاتقاطع :)

lost in lala land يقول...

وييي شخباري يذكرني بايام الابتدائي كل يوم نشوفه ونطق له تحيه الله يعطيه العافيه

lost in lala land يقول...

وييي شخباري يذكرني بايام الابتدائي كل يوم نشوفه ونطق له تحيه الله يعطيه العافيه