قافله الحريه تناديكم

اليوم 6:30 أمام مجلس الامة في ساحه الإراده ..تجمع لانكار ماحدث لركاب سفن الحريه

حسبنا الله ونعمه الوكيل

اليوم يبدي العد التنازلي

ايييييه الله يعين الجميع من طلبه وطالبات ومدرسين والمدرسات الى حراس المدارس والامن الكليات والمعاهد



دراسه ...... تلاخيص .....ترقب ...... تجهيز مذكرات



ترجي اهل لعياهم الله يخليكم درسوا



حبسه ونرفزه



مع هذا الجوى بديت اليوم ادرس بنتي وحتفلنا بفوندو منزلي سريع



دعينا حق بنتي بالتوفيق



وزهبت حلاو المص للبلعون حق بعد لصراخ ..



وقلت حق بنتي احتفال في بدأ الدراسه للفاينل بعد هذا الفندو راح نبدي الجد



واليوم زهبت التلخيصات حق المواد



الله يعين الجميع
الفوندو قبل الهجوم
اكيد دارك جكلت :)
بعد الهجوم
وحوووش
=)


سلام

فضفضه

يسعد صباحكم
ما ادري شلون ابتدي الكلام و دي افضفض شوي (اول مره افضفض علني يمكن افيد بعض ناس :) ).... بس مرات تحسون في قلبكم كلام بس مو عارفين شلون طلعونه شي يقرقع داخل يمكن حزن قديم او جرح صديق او حلم ما تحقق ان بتكلم عن الاحلام مرات الواحد يسعى ورا احلام و امنياته و يبذل المجهود و الوقت علشان تصير بس ما تتحقق معنه بذل الاسباب و توكل على الله بس بالنهايه ما حصلت اهني اي دور الصبر اخخخ من الصبر شي صعب في البدايه بس الواحد ينظره بشي من الايجابيه ان الشي الي يسعيله مو هذا وقته المناسبه علشان يصير وان الله سبحانه و تعالى مو ظالم لعبده اهو عارف شنو الصالح له بس يبيييه يصبر و يسلم المقادير لرب العالمين مو معناه يتخاذل عن حلمه بس يوكل اموره على ارحم الراحمين .
و اختم كلامي بهذا الدعاء (الهي قلبي محجوب ونفسي معيوب وعقلي مغلوب وهوائي غالب وطاعتي قليله ومعصيتي كثير ولساني مقربالذنوب فكيف حيلتي يا علام الغيوب يا غفار الذنوب وياستار العيوب اغفر لي ذنوبي كلهاياغفار ياغفار ياغفار ياشديد العقاب ياغفور يارحيم ياحليم ياكريم )

ياربي يحقق احلامي و احلامكم ... آمين :)

احلا مايه

صباح الخير والجوري والنوير :) أمس الصراحه الي كان بالشاليه وماتسبح الصبح راح اقول ( طافتكم المايه ) كانت الساعه 8 الصبح ومن طليت من الدريشه وشفت المايه زبده مابعدها زبده على طوول بدلت وطبيت .. وااي حسيت اني جني قاعده اطير بالسما وانه اتسبح من كثر ما اهي صافيه وشفافه .. صج استمتعت .. واستمتعت زياده يوم حطينه طاوله بالبحر وتريقنه :) انصحكم اتجربونها :)

طبعا هذا اخوي ( حمني ) غني عن التعريف :) شفتو المايه اشلون شفافه وتهبل

طعام ... صلاة ... حب

مساء الخير .... من زمان مو كاتبه شي بالبلوق و اليوم في خاطري اتكلم عن كتاب طعام صلاة حب توني مخلصته فرش :) هل كتاب يتكلم عن سيرة ذاتيه عن وحده اسمها اليزابيث غيلبرت و هي مؤلفة الكتاب تتكلم عن تجربتها بعد الطلاق شلون دمرت حياتها و حست روحها ضايعه مو عارفه من وين تبتدي فقررت تبحث عن ذاتها في 3 دول قررت تعيش في كل دوله 4 اشهر ... فراحت اول شي ايطاليا و تعلمت اللغة الايطاليه و متعة الاكل بعدها راحت الهند و قعدت في معتزل تعلمت التامل و الصلاة و اختمت رحلتها في اندونيسيا تعلمت الحب و التوازن

الكتاب ممتع و مشوق حسيت مرات ان مشاعرها و احاسيس مشابه لظروف انا مريت فيها و تعطي دافع للتغيير ان الانسان مهما كبر في مجال يتغير للاحسن .... و ارد و اقول الكتاب حلو حلو حلو لا يطوفكم :))) و نسيت اقولكم ان حولوا الكتاب الي فلم eat pray love من بطولة جوليا روبرت و راح ينزل في الصيف ....يا سلاااااام

إستثمر

البرنامح المتخصص للمشروعات الصغيرة ... يقدم مجانا في جامعة الخليج

يرجى الضغط على الصورة للتكبير

الموقع

بطاقة الحب

و أنا قاعدة أراجع على بعض المذكرات بالدوام إلا ألقه غلط مطبعي ، بدال لا يكتبون بطاقة السحب الآلي كاتبين بطاقة الحب الآلي... و الله و ناسة لو صج أكو شي إسمة بطاقة الحب، ومن مميزاتها إن الريل إهوه إلي يحط فيها فلوس حق مرته :) شرايكم ؟

.

.

.

.

.

تخيلت شكلها بعد :)
بطاقة الهواش شكلها بتصير مو الحب

الحلقة المليقة

( نور عيني) ما أدري شلي حادنا نطالعها ذاك اليوم ، تبط الجبد ، عميا و جذي مكياجها؟؟؟ من حط لها؟؟ ريلها إلي بتموت عليه (عبدالعزيز المسلم) و كل ساعة تنادي (يا نظر عيني ) و إهي ما تشوف . واااااااي تقتل

ما قدرت أكملها ، بس يقولون بعد ما سوت العملية و فتحت وشافت ريلها قالت ويع ما أبي ، حلفي بس، ما تحسين فيه شمتنه ؟ ما تقدرين تحطين إيدج عليه و تتخيلين شلون شكله يا نظر عيني؟

ضروري مكياج كامل قبل العملية ، شلون عيل تروح حق الطبيب؟ تروح أو ويها أصفر؟ ما يصيير شقول عنها ؟ مريضة؟

Wrapping Mania

Wrapping Mania is now in Mostaqela CBA exhibition 27-28th April @ Movenpick free zone from

10:00 - 4:00

محلي 100%

مساء الخير والجوري والنوير :) واصلي ايميل موتني ضحك .. صج اخوانه المصريين يعتزون ابصناعتهم المحليه حتن الحمار الوحشي عزكم الله ( محلي 100% )

صباح الموز

أنا والبان كيك ربع كل يمعه نلتقي على الريوق ..بس هذي المره غير..من ذقت الككاو الي يابته بليير من هوتيل شكلت الي بالتوفي والموز وأنا يانه الا اسوي الخلطه

وطبعا درست الموضوع عدل وتصفحت النت وطلعت بهذي النتيجه

اقلي الموز بالزبده بعد ما اغلفه بالنشا او الطحين ..واسوي التوفي مع قطرات الماء وقليل من الحليب وشكر الاسمر الى ان تتكون صلصه التوفي وبنهايه اخلط الموز بالتوفي وارشه بالدارسين ..واحشيه بالبانكيك واصب فوقه صلصه الشكلاته هرشليز

دختو ورتفع عندكم السكر والضغط والكرسترول

ماعليه الجوى حلو روحو امشو ساعتين وشربو 3 اقلاصات شاي اخضر وتنتهي السالفه :)

انصدمت الصراحه !!

في ( افغانستان ) والله حرام .. شنو هذا .. قاعدين يتعاطون ( الافيون ) وهذي تعتبر من المخدرات .. انزين انتي يالعيوز بتخدرين كيفج .. ليش اتخدرين اليهال الي معاج !!!! حسبي الله عليكم .

طبق مقبلات لذيييذ

مساء الخير والجوري والنوير :) هالأيام شكلي بكتبلكم جم طبق بما أن ما عندي خدامه وأنا الي أطبخ وأغسل :""( المهم .. الطبق حده سهل وسريع ولذيييذ :)

المقادير : بوب كورن دياي & سويت شلي سوس وبس :)

الطريقه : أول شي اقلي البوب كورن لمن يتحمر وعقب حطيه ابطابي على نار هاديه ولقمطيه بالشيلي سوس وحمسيه دقيقتين او 3 تقريبا حتن اتحسين الشيلي سوس قاعد يصير لزج من الحراره .

وبالعافيه عليكم :)

شنو هذا بالله عليكم؟؟؟؟؟

و عاد الماضي ، مسلسل على الـmbc 1

حلزون

صباح الخيروالجوري والنوير :) اول مره ابحياتي اشوف ( حلزون الحدايق ) مو مال البحر .. شكله يونس :) كنت اشوفه بس بالببايات .. هالأيام الظاهر موسمه لأنه منتشر ابحديقتنه .. الي عنده حديقه ينبش فيها يمكن يلقه :)

موعبالكم هذي ايدي الجلحه الملحه :p هذي ايد واحد من عيالنه :)