الجمعة، 7 مايو، 2010

الحلقة المليقة

( نور عيني) ما أدري شلي حادنا نطالعها ذاك اليوم ، تبط الجبد ، عميا و جذي مكياجها؟؟؟ من حط لها؟؟ ريلها إلي بتموت عليه (عبدالعزيز المسلم) و كل ساعة تنادي (يا نظر عيني ) و إهي ما تشوف . واااااااي تقتل

ما قدرت أكملها ، بس يقولون بعد ما سوت العملية و فتحت وشافت ريلها قالت ويع ما أبي ، حلفي بس، ما تحسين فيه شمتنه ؟ ما تقدرين تحطين إيدج عليه و تتخيلين شلون شكله يا نظر عيني؟



ضروري مكياج كامل قبل العملية ، شلون عيل تروح حق الطبيب؟ تروح أو ويها أصفر؟ ما يصيير شقول عنها ؟ مريضة؟

هناك 8 تعليقات:

شاي الضحى يقول...

نفس ملاحظتي على هالمسلسل

اهوا فكرته وقصته حلوه بس مبالغين ببعض الأمور

الميك اب واللبس ونفس ما قلتي شدعوه ما تتوقع شلون شكله واقل شي حجمه!

بس زين سوه فيها اخر شي

AM.SA.CHANNEL يقول...

أنا بعد لاحظت هالشي، و أشووفه الحين على إم بي سي، يعني شي غريب هالكاتب أو الكاتبه شوي يبا يسوي فيلم هندي، يعني أكيد هي دقته و عرفت شكل جسمه بتتخيل شكل معين يعني ..
و اللي يقهر في هالمسلسل أوكي من الصدمة ما بتكلمه لكن خلووهم يردوون على بعض ..

و الله لاعت جبدي من المسلسلات لازم يقهرووونج قهر و لا مايكوون مسلسل

ShaymoOona يقول...

لاء صج موسلسله تافهه ..وتمثيلها سخيييف..و المشكله بالموضوع ان عبدالعزيز المسلم لازم كل مسلسله اهوه الطيب اهوه الي اخلاقه عاليه الشخص المثالي ...ويييييييييع باختصار

غير معرف يقول...

صح انا مع الاخت اللي تقول ان عبد العزيز المسلم دايما طيب بالمسلسلات

وتحسون انه مثالي زياده عن اللزوم
حتى الممثلة ( نسيت اسمها جنه ابوها كرم) يعني مو حلو لما فتحت عينها وانصدمت فيه؟؟!! والميك اب اووووف كلش مو مقنع
ودور منى الشداد حيل هامشي يعني ما شفناها حيل بالمسلسل
وفيه شكثر ملاحظات بالمسلسل
(( جني صرت محللة مسلسلات))
ام عمر

Pearl يقول...

اوافق الكل انا المسلسل فاشل و ضغيف من كل النواحي ..
و احس عبدالعزيز المسلم ما يصلح يمثل مسلسلات يطلع مثالي بزيادة و ما يقنع .. انصحه يخليه عل مسرحيات الرعب و بس :)

fatto يقول...

لووووووووول .. صج انا ما اتجمل اشوووفهاااا اتحرني وتبط جبدي وضغطي يرتفع لمن اشوفها .. وحتن عبدالعزيز المسلم ما اواطن تمثيله طبعا لازم اهو الطيب والمسكين والفقير وكله عايش دور سالي المسكينه

crazy in freedom يقول...

ههههههههههههه

اعجبني نقدك لهم

وخصوصا لمكياجها

لووول
طيب يمكن الشغاله حاطته لها^^

وحتى لما تروح الطبيب حرام عليك تحب تروح بمكياجها يعني مستكثره عليهم هالشغله^^


تدرين احسن مسلسل خليجي شفته وحسيته صادق
مسلسل ام البنات
كانوا صدق من جد طالعين على حقيقتهم
حتى مكياج مايحطون

بس يوم عرفت ان المخرج سوري
قلت اذا عرف السبب بطل العجب^^

طز بالرجالة يقول...

هههههههههههه
اول مرة اقرا لج شي دمه خفيف جذي
استمري