الاثنين، 31 مايو 2010

فضفضه

يسعد صباحكم
ما ادري شلون ابتدي الكلام و دي افضفض شوي (اول مره افضفض علني يمكن افيد بعض ناس :) ).... بس مرات تحسون في قلبكم كلام بس مو عارفين شلون طلعونه شي يقرقع داخل يمكن حزن قديم او جرح صديق او حلم ما تحقق ان بتكلم عن الاحلام مرات الواحد يسعى ورا احلام و امنياته و يبذل المجهود و الوقت علشان تصير بس ما تتحقق معنه بذل الاسباب و توكل على الله بس بالنهايه ما حصلت اهني اي دور الصبر اخخخ من الصبر شي صعب في البدايه بس الواحد ينظره بشي من الايجابيه ان الشي الي يسعيله مو هذا وقته المناسبه علشان يصير وان الله سبحانه و تعالى مو ظالم لعبده اهو عارف شنو الصالح له بس يبيييه يصبر و يسلم المقادير لرب العالمين مو معناه يتخاذل عن حلمه بس يوكل اموره على ارحم الراحمين .
و اختم كلامي بهذا الدعاء (الهي قلبي محجوب ونفسي معيوب وعقلي مغلوب وهوائي غالب وطاعتي قليله ومعصيتي كثير ولساني مقربالذنوب فكيف حيلتي يا علام الغيوب يا غفار الذنوب وياستار العيوب اغفر لي ذنوبي كلهاياغفار ياغفار ياغفار ياشديد العقاب ياغفور يارحيم ياحليم ياكريم )

ياربي يحقق احلامي و احلامكم ... آمين :)

هناك 6 تعليقات:

شاي الضحى يقول...

اللهم آمين

esTeKaNa يقول...

صباح الفضفضه
:)
الفضفضه تريح النفس والقلب
واجمل الفضفضه تلك التي تكون بين يدي الله سبحان وتعالى
!!
جربيها...واكثري من الدعاء..وليكن عندك يقين ان لا شئ على الله عزيز
كل شئ يتحقق
ولا في شي مستحيل
:)
الله يحقق احلامج وينولج مرادج ويرزقج اجمل من كل ما تتمنين
:*

Om MoD يقول...

يبتيها عالجرح حبيبتي..

عسى ربي يحقق كل أمنياتج وأحلامج ..

ويحقق حق جميع أمة محمد صلى الله عليه وآله وسلم ..

ربنا كبير وشنو الخير لنا فيه يسويه كل واحد يحلم ويتمنى يحقق احلامه وبالنهاية أنت تريد وأنا أريد والله يفعل ما يريد ...وبلا شك هذا الشي اهو فيه الخير لي ولج وللكل :)

والحم دالله على كل حال ...أمس كنت أقول أنا ليش كل ما أحلم ما يتحقق لي اللي ابيه ورديت واستغفرت ربي ....

ادعولي ...محتاجة دعائكم ...

جاردينيا 2000 يقول...

والله
كل عبد مع ربه الله يكون معاه

شوفيني انا كنت احلم باشياء وايد لسنين طويله كله دموع وألم
بس الحمدالله
فرجها ربي
والحين الفرج الثاني عن قريب بإن الواحد الاحد

تراج اقوى من جذي
اعرفج
مانبي اتغيب ضحكتج

sun shine يقول...

شاي الضحى :
آمين يارب

استكانه :
اكيد اين يلجئ العبد الا لمولاه مالنا لا الدعاء

امو مود :
انشالله يحقق احلامي و احلامج قريبا و ما راح انساج بالدعاء


جاردينيا : مشكوره حبيبتي لا تخافين انا قويه و استمد قوتي منكم :)) و انشالله تفرج قريبا

Om MoD يقول...

شكرا عزيزتي..ويسمع منج يا رب