فن

هذي الرسمة وايد أحبها لو اتاملها ساعات ما امل منها فيها وايد تفاصيل دقيقة و مؤثره و هي حق رسام فرنسي مستشرق اسمه

جان ليون جيروم رسمها في القرن التاسع عشر انشالله تحوز على اعجابكم

الكاكاو العجيب

الله يسلمكم هدا الكاكاو إلي تشوفونه بالصورة كنت موصية snow white تجيبه من سويسرا كانت الله يعطيها الصحة والعافية master كل تجيبه لنا بالدوام لما ترجع من السفر , حده عجيييب وايد حلو إدا شفتوه لاتترددون على طول اشتروه على ضمانتي , في منه أنواع ( لوز أو بندق أو النوعين مع بعض ) إلي تحبه, طبعا بالنسبة لي البندق أحلى بوايد بس هم اللوز حلو. مشكوووورة وايد يا snow white

الناس قرقعو من امس

امس واحنا رايحين بروي ..بعد ما لعبت بنتي بالمتاهه وزعو ..قرقيعان ..امبجر ..ليش ..القرقيعان السبت مو اليوم ..وله اول كان القرقيعان 3 ايام بس الحين صار اسبوع او اسبوعين ..كل واحد على حسب مزاجه ..وله ايام راحت يوم التقرقع بالسكه .. المهم ..خلصت لف القرقيعان بنتي ..مع اني متوقعه ان يكون احلى من جذي ..بس لاني تعبانه ولا فيني حيل اطلع واحوس في الزحمه ..المهم بنتي مستانسه فيه هذا اهم شي

نقدر نقول بدلة العيد ؟

نقدر نقول بدلة العيد ؟

و له قماشها مو حلو ؟؟ نفس جيس القرقيعان إلي يلمع :)؟

من : Tibi

إييبونها limelight - بس أنا ما شفتها في الكويت

للطلب إضغط هنا

السعر :140 دينار كويتي

BACK 2 SCHOOL

حمودو وأول يوم دراسي :)

يسارش فديته عند الحضانة

بالنسبة لي هالجملة هذي السنة غير عشان كتاكيتي واحد دش الروضة والثاني حضانة ..حمودو أول سنة له بالروضة فديت خشمه لو تدرون شكثر كان متشوق ودش الروضة ما أدري شنو كان يفكر وكنت خايفه شوي من ردة فعله قلت يمكن لما نوصل الروضة يهون ويقعد يبجي وما يبي يقعد بس الحمد الله ما صار إلا كل خير دش أول شي جيكنا على إسمه وأي صف بكون وعقب رحنا عند صفه حده مستانس وكاشخ بلبسه شريته لبس روضة على سبايدر مان :) المهم يوم دش الصف قلت بقومون الأبلات ويستقبلونه والله ولا جنه أحد داش عليهم بس سألوا شنو إسمه قلت لهم محمد قعدوا يدورون جان أقولها رقمه 14 جان تقول وحافظه الكود بعد قلت لها إي وشلون ما أحفظه هذا الغالي المهم قلت حق حمود سلم على أبلاتك سلم عليهم فديته وبقلبي أقول شنو هذا هذول أولى روضة المفروض يحببونهم بالمكان يستقبلونهم بحفلة بأي شي تقوم الأبله لهم ....ما أدري دايخين من رمضان ولا شسالفتهم على العموم الحمد الله محمد وايد مستانس وحاب المكان وحتى الأبلات حبوه ( أكيد إذا مودو ما ينحب عيل منو ينحب ) :)

ألحين صار دور ياسر عيزنا وأحنا نقول منو بروح حضانه ؟؟؟؟ يسورو ما يرد وإن رد يقول ما أبي أخاف ..أقوله إنت شعرفك الخوف ..حبيبي حضانه حلوة وفيها ألعاب وأصدقاء أوديك ماما وأروح الدوام وبعدين آخذك ...يرد ويقول لأ ما أبي ..المهم موبكيفك حبيبي بتروح بتروح ..الحمد الله توفقت بهذي الحضانه عندهم 4 فروع ( بالشهداء..مبارك الكبير..مشرف.. الأندلس ) إسمها STEPS GROUB

وكل حضانه لها إسم غير يسورو حضانته إسمها خطوة بخطوة ..ما أطول عليكم دشيت معاه الحضانة وشاف الألعاب بس ما قرب يم ولا شي وعقب شالته الأبلة وقامت تكلمه وعادي يسورو ما استغرب ولا شي جان أقول يلا فرصتي للقبة وقلت له يلا يساري حبيبي أنا بروح شويه وأيي آخذك ورحت ما سمعت صوته ولا شي قلت الحمد الله حدث ما لم أكن أتوقع ودقيت سألت عنه قالولي ساكت المهم ما طولت عليه تقريبا ساعة ونص خليته ومريت خذيته واااااااااي حبيبي يبجي بجية تشره تعرفونها يتشره علي شلون خليته ورحت عاد سألت الأبلة قل لها بجى جان تقول يبجي ويسكت بعد عمري وقالي ما أبي أروح ..وبس هذي أول يوم دراسي :)

وما قلت لكم شسووا فيني منومتهم مبجر عشان يقومون مرتاحين وحضراتهم ناموا 8:30 بالليل طبعا وقامو تتوقعون متى .....؟؟؟؟؟؟ يسوروه 10:30 وحمودو 1:00 واااااااااااااي ويقولون ما فينا نوم شسوي وحنه ورنه يلا يمكن ناموا عالساعة 3:00 يعني والله قعدوا تعبانين شوي بس مودو كان متشوق حده فعادي :)

وسلامتكم :)

القسوة ..

بدش على طول بالموضوع وبدون مقدمات ..أحس إني أم قاسية وكل شي عندي لأ وإذا قلت كلام ما أغيره تعتقدون هذا يخلي عيالي يكرهوني ...؟؟؟
أحس كله يبون أبوهم ويحبوني بس من أعصب عليهم ولا شي يقومون يبجون ويقولون ( أبي باباتي ) بعد عمري عيالي ..وحدهم يعورون قلبي إذا ناموا فديتهم ..
ما أحب اقصر عنهم بأي شي عندي أقصر على نفسي ولا أحرمهم من شي يبونه ..وأعاملهم جذي لأني أحبهم وأخاف عليهم يمكن إهي مو قسوة بكثر ما تكون تربية لهم بس بحكم إنه أبوهم دايما يلبي طلباتهم على شي يصير ولا شي ما يصير كله عادي وكيفهم ..

شنو أبي من هالموضوع وليش قلته ما أدري بس كان ودي أفضفض ..
أحبكم وايد أبيكم تطلعون أحسن ناس يا قطعة من قليبي :)

قرقيعان

الغبقه

أمس كان من الأيام الحلوه إلي في حياتي ، أمس كانت الغبقه على شرفي بمناسبة وظيفتي اليديده . اليمعه كانت في بيت fatto الساعه 8:30. بس الصراحه وايد مبجر ما قدرت أروح وصلت هناك أنا و إختي الساعه 9:30 ، الحلو إن كلهم كانوا موجودين ، وااااااااي صج و لهت عليهم و على سوالفهم ، طبعا كل وحده قعدت تسولف عن مغامرات الدوام و السفر و انا مع دوامي و فروحه مع دوامها (رفيجتنا - كانت معانا بالوزاره و طلعت) . انا قاعده أسولف مع pearl أحسها مو معاي مادري ليش بعدين إستوعبت لمه شفت stella ماسكه بيدها ورد فوقه هديه، إلا pearl قاعده تسمع fatto و stella وراها قاعدين يخططون . فتحت الهديه وله تراجي :)

أنا : شدراكم إني أبي تراجي ؟ :)

stella: ندري بعد كل يوم تعيدين علينا بالدوام من قبل لا تسافرين ، و إحنا نحفظ :)

واااي وناسه تراجي انام فيهم (أنا كنت ادور تراجي ألبسهم على طول عشان ما تنصك أذوني )

طبعا فروح معصبه : و ليش ما قلتولي أحط وياكم ؟ ما يصير انا ما أييب لها شي أنا وايد زعلانه منكم حتى الكرت ما كتبت عليه .

stella: خلاص فروح إنتي طلعتي من الدوام ، و هذي الهديه من بنات الدوام

فروح : طاع هذي !!! شنو بكيفج ؟؟

انا : بس فروح لا تصير هوشه

ما تسمعني الإخت

ما أشوف بعدبن إلا fatto و stella إيطلعون تفافيخ و يغنون happy birthday و بعدين و له أشوفهم يدزون صينيه عليها كيكه و شموع ، أنا إستغربت ، جان اقول لهم انا عيد ميلادي مو ألحين شهر 12 شفيكم ؟؟ عبالي بس قاعدين يغنون لأن هذي الأغنيه إلي يعرفون يغنونها إذا كان أكو شموع على كيكه ، طلع شنو ؟؟؟؟ بيحتفلون في فروح و فاطمه (رفيجاتنا بالدوام) و snow white و pearl ليش إن عيد ميلادهم كلهم في شهر 9 .و انا عبالي كل شي حقي ، وااااه فشلتاه . إهني طبعا فروح قامت تبجي من الوناسه و الصدمه ، لأن ما توقعت و كانت زعلانه منهم و طلع بعدين إن في مفاجاه حقها. الكيكه تونس عليها صورهم أهمه الأربعه :) . و ما شاء الله عليهم يايبين هديه حق كل وحده . وناسه بعدين صار فتح الهدايا .

خاتم فروح الأبيض و الأسود مال snow white

جنطة فاطمه و pearl يابولها شيله بيضه من foular

بعد هذا نزلنا السرداب للأكل واااااو وايد أشياء ، لا لا لا كلش ما توقعت .

و في الختام و بعد الأكل ردينا صعدنا فوق و شغلوا لي الـCD مسوينا لي في صوري معاهم في كل طلعه و يمعه و ينعرضون الصور على الحان مقدمه مسلسل (نور) يــــــأ سلالالالالام . و إحنا نطالع أسمع البنات يقولون : وييييي شفيج تبجين . إلا منو؟ جاردينيا قاعده تبجي على طلعتنا من الدواااام . طالع !!! مفروض أنا إلي أبجي :)

كان يووووم عجيب

صج و لهت عليكم و مشكورين كلكم

تقدرون تشوفون عن طريق اللسان

أنا ما صدقت لمه قريته عبالي يتمنون إن يسوون شي جذي . طلع لأ هذي الحلاوه موجوده (مادري صجيه و له بلاستك بس يقولون حلاوه ) تحطونها بحلجكم و تقدرون تشوفون الصور إلي مخزنه فيها بلسانكم ، و يعني تهدي الأعصاب بالصور إلي تنعرض. شلون؟؟؟

العين لمه تشوف صوره تنقلها للمخ عن طريق تردد معين عشان المخ يستقبل هذي الصوره و يشوفها ، فالعين ما تشوف العين إدخل الصوره و توديها عن طريق نبضات، فهذا الجهاز شسوي ؟ راح يسوي نفس العمليه بس يستبدل العين باللسان ، فاللسان ياخذ النبض و يدزه حق المخ بإستخدام نفس التردد إلي تستخدمه العين ، جنه فتر راسكم ؟؟؟ عشان تفهمون أكثر شوفوا هذا الفيديو ، سبحان الله شي مو طبيعي . تدرون منو يستفيد من هذا الإختراع ؟ العميان ، يصير يقدرون يشوفون .

الشركه إلي مسويه الحلاوه إسمها eye candy can ودي أقول لكم للطلب إضغط هنا ، بس مخلصين ، إلي تقدرون تسوونه إن تدخلون على سايتهم و تدزون email تقولون لهم إنتوا مهتمين بالمنتج عشان يردون عليكم متى ما صنعوا كميه للبيع .

بدء تجربة محاكاة "الانفجار الكوني الكبير"

هذا الخبر سمعة من اذاعة بي بي سي العربية و شدني الموضوع و هو منقول من موقعها:

قال العلماء في سويسرا إن جهاز "صادم الهدرون الكبير" المعروف اختصارا بـ (LHC) نجح في إجراء أول تجربة رئيسية من خلال إطلاق أول شعاع من جسيمات تسمى البروتون على امتداد 27 كيلومترا وذلك في أكبر محاولة من نوعها لفهم كيفية نشوء الكون.

ويوفر الجهاز الضخم، الذي كلف إنشاؤه في المنطقة الحدودية بين فرنسا وسويسرا نحو 10 مليارات دولار أمريكي، للعلماء قوة أكبر من ذي قبل لتهشيم مكونات الذرات في محاولة لرؤية ما يشكلها. وتدير المنظمة الأوروبية للبحوث النووية المعروفة باختصارها الفرنسي سيرن جهاز الصادم. وأعطى مدير المشروع، لين إيفانز، الأمر لإرسال البروتانات إلى جهاز التسريع الواقع تحت الحدود السويسرية الفرنسية.

وبعد سلسلة من التجارب، تمكنت البروتونات من قطع المسافة الكاملة الممتدة على طول جهاز (LHC). ويأمل العلماء أن تكون تجربة الأربعاء بمثابة الخطوة الرئيسية باتجاه فهم كيفية نشوء الكون. والتمعت نقطتان على شاشة أحد أجهزة الكمبيوتر، مشيرة إلى أن البروتونات وصلت إلى النقطة النهائية المحددة لها. وانتظر نحو 9 آلاف عالم فيزيائي في مناطق مختلفة من العالم بشغف انطلاق التجربة، ومن المقرر أن يشاركوا في تحليل المعطيات والبيانات المتأتية من التجربة على أمل معرفة أسرار مكونات الذرات من خلال تهميشها.

( و الي مهتم بالموضوع و حاب يكمله تفضلوا بزيارة موقعهم )

Update:

هذي الصور إلي تحت مضافه من قبل master : صورت هذي الصور بسفرتنا السنه و إحنا رايحين محل الأثاث في Thoiry مرينا على CERN

صيف 2009 - الجزء الثالث

مو جنه هذا الموديل يا و راح و له أحد حس فس في صيف 2008 ؟؟؟ إنعاد و يمكن الناس هذي المره بهبون في . إحنا بنشوفه بالعروس في بدلات السهره .

الإختراع العجيب

هذا الإختراع شفته في مجله style ، قديمه يمكن 2005 ، و انا أتصفحها إلا تطلع لي الممثله kim cattrall في شقتها في غرفة التبديل و كانت ماسكه هذا ، حاطه في كل أكسسواراتها و تراجيها و أساورها. طبعا سيده ادور إختي عشان أراويها إياه ، و إهي الله يسلمها شقت الصوره و سوت نفسها و هذي النتيجه . إهي تقص و امي تخيط . القماش الأخضر (جوخ) فوقه النايلون ( إلي نحطه على طاولة الطعام ) و عشان تقدر أمي تخيطه حطوا فوقه ورق عشان يمشي ما يلزق البلاستك بالمكينه . شنسمي ؟ حافظ الإكسسوارات ؟

GAP

Gap الكويت يايبين هذا النفنوف بـ 25.250 دينار كويتي ، و إلي يبي يطلب من الإنترنت إضغط هنا و لا بنص السعر 16 دينار ( مادري ليش زايدينه 10 دنانير) . تره النفنوف مو قصير نفس ما مبين على العارضه ، تدرون إحنا قصار ، فإهو فوق الركبه بشوي ، إنتوا عاد تفنتقوا ، بينوه أحلى من العارضه إلي ما أدري شنو ملبسينها ، لبسوا معاه بوت بس مطقق حديد أو ساده شمواه إلي معفس و نازل و أساور وايد جميع الأحجام و الأشكال بس خل يكونون كلهم بدرجة الذهبي أو البني و الأسود . وايد يذكرني بستايل Isabel marant

صيف 2009 - الجزء الثاني

دمج اللونين مع بعض الوردي و البنفسجي

nice

مصدر الصور :

style.com

nymag.com

عروض الأزياء لموسم الصيف 2009 - الجزء الاول

أدري أدري بتقولون هذي صاحيه وله مينونه؟؟؟ صيف 2009 ؟؟ إحنا خنعرف شنو بنلبس بالشتا عشان يهمنا صيف السنه اليايه . بس إلي يحب الـfashion مثلي راح يفهم شنو يعني الواحد يعرف من الحين شنو مودت السنه اليايه .

من قبل 3 أيام بدت عروض الأزياء في new york ، و بعدها بتيي paris و milano. كل يوم بكتب لكم عن الأشياء الواضحه إنها بتكون الـtrend للسنه اليايه . و اليوم راح إنشوف الجاكيتات ، مثل ما إهو مبين بالصوره إن الواحد راح يلبس الجاكيت مرفع جمومه و له جافسهم ، إحنا المتحجبات مادري شلون بتمشي معانه ... أنا كلش ما حبيتها ، بردونا لسنة الثمانينات إلي أنا ما احبها :( إنشاء الله بس ما يردون على الكتافات ، أبيخ مودا بالدنيا .

ملاحظه : ضغطوا على الصور عشان يبينون اكبر