جنه نهون احسن

مو قلت عقب جم يوم بنصير dot com بدال الإسم الطويل ؟ أنا عندي مدونه ثانيه فاتحتها للتجارب سويت فيها حركة التحويل والله إيسلمكم من يوم الخميس لي اليوم ما إشتغلت و تره ما فيها إلا 3 مواضيع . فيونكات عيل لمه نبي إنحولها بالله جم يوم بتاخذ ؟ و فيها فوق الـ 500 post ؟؟ و يقولون إن التحويل يحتاج بالكثير 3 أيام هذا اليوم رابع و ما اشوف شي تغير . العمليه شكلها يخرع ؟؟؟ جنه نهون احسن لنا ؟

مفاجأه

أمس لمه رديت البيت بالليل أشوف خدامتنا تقولي إن وحده من رفيجاتي يايبتلي صوره كبيره ، على قولتها frame picture

الله يهاداها مو صوره ... طلع كرت كبير (العملاق) دازينه لي الفيونكات و كل وحده كاتبة لي في إشكثر إفتقدتني بعد ما طلعت من الدوام وجذي أشياء و عازميني على غبقه على شرفي :) وااااي ما تتصورون إشكثر إستانست :) مشكورين وايد ، أنا عاد وايد أحب المفاجآت و صج صج فاجأتوني ، و بعد pearl معاكم بالمؤمره ، هل الإنسانه تموت على شي إسمه حفلات و تفنتق حدي متشوقه بشوف شنو بتسوون :)

YSL

YSL أصليه - جريب الـ 500 دينار كويتي

YSL تقليد - بالكثير 60 دينار كويتي

يااااي على سايتات التقليد ... فتاكه

Extraordinarily Great Handbags

Handbags Rock

مبكر

D&G fall 2008

Dsquared fall 2008

المبكر مودة السنه حق الشتاء ، انا كلش ما عجبتني ، أحسها موده قديمه ، فقلت إذا إستسلمت لها راح أشتري نفنوف او قميص في قطعه مبكره صغيره مخيطه او جوتي ... وأمس لقيت الجوتي في Pull and Bear (الصور تحت) بس للأسف الفلات طلع مو مريح من الخياط إلي داخله و الكعب العالي زوين بس انا ريلي مادري شلون صايره إلي أحس يحك بعظمي ، أنا ما أقدر أشتري فإنتوا إشتروا بدالي . والله إيعافيكم لبسوا مع skinny جينز أسود و قميص أسود وسيع أو body أسود فوقه جاكيت يلد biker style .

15.500 دينار كويتي

19.500 دينار كويتي

نافوره غريبه باليابان

marc by marc jacobs

انا السنه فيني هوس الألوان ، و هذا واحد من الأشياء إلي عاجبتني ، أظن بالصج البووك لونه أفقع من الصوره ، ما شفته في marc by marc jacobs إلي بالافنيوز بس اكيد بييبونه . إلي ما يحب ينطر يقدر يطلب من الإنترنت من shop bop سعره 26 دينار

charlotte olympia

حد الـ wowness مع نفنوف سهره أسود قصير يطلع إيعقد . أنا الصراحه اول مره أسمع فيها Charlotte Olympia توهم منزلينهم في net-a-porter كاتبين إن المصممه يديده نصها برازيلي و نصها الثاني إنجليزي ، إنزين يا كرهكم مصمم يديد ليش ينباع بهذا السعر ؟؟؟ باجر لين صار إسمه نار على علم بجم بالله بصير ؟

المهم عجبني شبك العنكبوت إلي من تحت الجوتي ، هذا سعره 185 دينار للطلب إضغط هنا و الجوتي الثاني سعره 173 دينار للطلب إضغط هنا

dot com

إنشاء الله خلال الأيام اليايه العنوان الإلكتروني لفيونكات راح يتغير ، بدال لا يكون

fyonkat.blogspot.com

بصير

fyonkat.com

و بس ... بدون الـblog spot فإلي مسجلنا بالـfavorites وله حاطنا في الـblog roll راح يضطر إن يعدل

Gwen and her crew

تذكرون يوم مره قلتلكم عن Gwen stefani إن بتنزل عطور ؟ إنزلوا في sephora بالإنترنت حدهم إيشوقوووون ، هذا شنو معناته ؟ إن خلال شهر او اقل بينزلون في الكويت ، فجوا عيونكم إلي يبي يشتري ، أنا قايله حتى لو موحلوه الريحه بشتري ، وايدوايد حلوين .

سعرهم بين 7 دنانير و 12 دينار .

Long live the Queen

الـ T-shirt من Alexander McQueen

لاحظوا حاط صورة الـ Queen

get it McQueen ؟؟

الفكره ... ع جي به

من : Matches

السعر : 101 K.D

ينني you tube

وااااي شفي you tube ؟؟؟ بس أنا إلي قاعد يصير معاي جذي و له إنتوا بعد ؟ عيزت كل ما أبي أشوف فيديو يقولي we're sorry this video is no longer available ، مو معقوله !!! كل الفيديوات not available ، يوم سألت إختي جان تقولي الحل إنج تسوين refresh كل ساعه ، لمه يطلع الفيديو ، و سويت بس تعبت و انا أسوي جذي ، شالسالفه ؟؟؟

بنتي كملت 8 سنوات ..قلت خلني اجرب واصومها ..وصامت ..

فشريت لها كيكه برد الي اتحبها بنتي من الخباز ..وخذيتها حق بيت امي واحتفلنا اهناك فيها ..تراها اكبر وحده من الاحفاد =)
وهذا صحن المكسرات والفواكه المجففه الي عطيته خالتي

TV shows

رمضان موسم الحلقات و المسلسلات الخليجيه و العربيه وأغلب الناس حطت جدولها حق الأشياء إلي بتابعها ، و انا بعد عندي جدول ، بس للمسلسلات الأجنبيه من باجر راح تبتدي المواسم اليديده ... و تحت موضحه كل مسلسل و متى راح يبدي (طبعا بس المسلسلات إلي أنا اتابعها) :

Gossip girl 2.9

House 17.9

Heroes 23.9

Law & Order SVU 24.9

My name is Earl 26.9

The Office 26.9

Desperate housewives 29.9

Pushing Daisies 2.10

Samantha Who? 7.10

بس ناطره lost أعرف متى يبدي و grey's anatomy معه إن صاير بايخ .

مبـــ عايكم الشهر ــارك

رديتلكم بعد الغيبه الطويله وانشالله ما انقطع عن blogger ، وانشالله يكون عليكم شهر خير .

ليش الناس تبالغ في هذا الشهر يقولون رمضان شهر القران والخير والامتناع عن الأكل بس ماشالله اسواق الميرا و الجمعيات فاضيه وفوق هذا كل يوم يمرون الجمعية علشان شغله ، انا ما اشوف احد يقلل من الاكل بالعكس من يأذن (يقول الله اكبر) وحلوج الناس ماتنصك من الفطور وموالح وطبعا يجابلون مسلسلات رمضان بعدها الحلو وبعدها يفكرون بالسحور يعني لين قبل صلاة الفير بثواني يقفوون عن الاكل ويبدأ اليوم الثاني نفس الموال شنو الفطور.......الخ واللي يضحك بالموضوع الحريم لين يقولون صج شهر رمضان يمتن مع ان ناكل خفيف وكروش رياييلنا تدش من الباب قبلهم :)

بعدها ووووووووواي لازم اسوي رجيم ملابسي ضاجوا علي :( وريلي شكله مو حلوا واستحي امشي يمه جنه وحده حامل .

صح هذا اللي صاير

شنو إفتقدتوا ؟

أول يوم رمضان (أو رموضان على قولت fatto ) شلون مر عليكم ؟ راسكم عوركم ؟ وله سهل و اليوم طاف بسرعه ؟ وايد ناس بالدوام إفتقدوا أشياء كانوا إيسوونها ، مثلا وحده تموت على شي إسمه قهوه ، قاعده بس تتحلم بالنسكافي إلي تشربها كل يوم الصبح اول ما تيي و واحد إفتقد التدخين مع إن مو مدمن بس مأثر علي . أنا ما عندي طقوس معينه أسويها كل يوم الصبح بس أفتقد إني لمه أشتهي شي ما أقدر أشتري . احب ساعات أمر الصبح على ماكدونالدز أشتري سوسج مفن ، و له فراباشينو من ستاربكس او كاباشينو من PQ بعض المرات أكل فطيره حلوم حاره ، أو أطلع من الدوام امر على كنتاكي أخذ سلطه أو عصير ليمون بالنعناع بارد مثلج من ووتر ليمون ، هذا إلي أفتقده أنتوا شنوا تفتقدون ؟

الصوره : مصورتها في قهوه في آنسي - فرنسا