مساء الخير والجوري والنوير .. بما ان احنه في وقت الصيف فأكيد معناته سفر .. وهالسنه اهلي قررو ان يروحون دوله الصراحه ماتخطر على البال والي اهي ( البوسنه ) .. كانو خايفين انها ماتطلع حلوه .. بس يوم اوصلو حبوها وايد .. طبيعتها ماشاءالله عجييييبه .. وهااااديه .. وامان حتن لو تطلعون نص الليل ماتحسون ابخوف .. ومافيها ناس وايد يعني مولويه .. الي يبي الريلاكس والوناسه ابنفس الوقت يروحلها .. وجوها طبعا عجييب مافي حر ابد ورذاذ المطر رايح راد عليهم .. بس الي بروح شرط شهر 6 .. على قوله البوسنيين ( احنه محكورين طول السنه من البرد والثلوج وهالشهر الوحيد الي يقدرون يستمتعون بالجو ) .. اترككم مع الصور .. بس الصراحه على قولتهم الصور ماتعبر عن الواقع .. الواقع احلا ابواااايد :) 
هناك 12 تعليقًا:
ماشاءالله ..
الحمدالله ع سلامتهم..
انتي مارحتي معاهم عدل؟؟
انزين شلونها غاليه او رخيصه كسكن و تذكر ومشترى :)
ومشكوره..
ماشاء الله .. شوقتيني عليها ...
ما توقعتها حلوة جذيه ..
ومثل ما ثالت اختي رورو .. شلون اسعارها ؟؟؟ سوقها .. تذاكرها .. سكنها .. لها قيزا والا لا ؟؟
ووين سكنتو ..؟؟
جنه تحقيق هههه ماى يسوى عليج البوست ..
بس يعطيج العافيه .. ومعلومات حلوة
الحمدلله على السلامة
ماشاءالله الصور ترد الروح
نفس الأسئلة :)
و تصلح للعوايل الكبيرة أو لا؟
اول اسمع احد يزورها شي حلوو والله احلى من الدوله الي عليها اقبال وايد
ماشالله صج شكلها عجيبه. بس عسي ما باجر يهبون فيها الخليجيين وتخترب :p
رحلتها شهر 1 و شهر 5 2009
يازين البوسنه واهلها
انصح الي يروحون بالصيف يروحون نيوم
اهي المنطقه الساحليه الوحيده و ماتبطل فنادقها الا بالصيف
ما شاء الله تهبل الطبيعه
ما كنت ادري ان البوسنه بهالروعه
الحمدلله على سلامة اهلج :)
و شكرا ع البوست قلبي
:**
عليكم بالعافية
الله يهنيكم
be safe
لازم أمرها وحطها ضمن الخطه الخمسيه =)
WOW
وايد وايد حلوه ماشاء الله
طبيعتها اتذكرني بـ سويسرا و زلمسي :)
ان شاء الله نروح لها قريب :)
mashalah amazing place!!
its soo in our list of countires to travel inshalah :D
shukraaaaaaaaaaaaaaaan 3l 9wr el7elwah
رورو الشخبوطه :
اهلا رورتنه :) الله يسلمج :) لا والله رخيصه موغاليه وكانو حاجزين عالتركيه كانت تذكرتها 270 د.ك لأنهم هم كانو حاجزين لتركيا :)
جاكليته :
اهلا جاكليته :) والا انا توقعتها حلوه يوم وروني الفيديو والصور حدي تشوقت حروني :) رخيصه مثل ماقلت حق رورو وسوقها عادي يعني مجمعاتها مو كبار نفسنه لأ صغيره .. وبدون فيزا .. وسكنهم والله نسيت شسمه بس الفندق الي اسكنوه كان عند السفاره الكويتيه بالضبط :) وايد شرح وحلو وحديقته اتينن وكان وجباتهم الثلاث ياكلونها ابحديقه الفندق .. يعني حده وناسه :)
hopeless sight
اهلا فيج :) الله يسلمج :) اي تصلح للعوايل .. انا اهلي مع خالاتي وعيالهم البنات ولصبيان راحولها وايد استانسو لأنهم مع بعض .. اليمعه اتونس خاصه يمعه الاهل :)
dodoq8
اهلا اهلا :) اي والله احنه مانحب انروح ديره فيها خليجيين .. مانحس ان امسافرين .
tekana
اهلا تكانه :) اي والله .. الي يحب ديره مومجربه راح يروحلها .. فيمكن يسير عليها اقبال في السنين اليايه .. كلشي يجوز .
violinist-q8
اهلا فيك :) اي اهلي ماراحولها مامداهم لأن البوسنه يبيلها اسبوعين عالاقل عشان انشوف فيها كل شي .. اهلي اقعدو بس 9 ايام .
قلب طفله :
اهلين من زمان مومارتنه .. لج وحشه :)
والله يسلمج .. هم انا نفسج ماتوقعتها جذي .. بس ترى لصور ظالمتها ترى اهي احلا من جذي :)
reemas
هلا دكتورنه :) الله يعافيك مشكور ماقصرت :)
جاردينيا 2000
هلا ابأم عيساوي :) اي لازم :) عاد ليش خمسيه خليها السنه اليايه :)
roro mania
اهلا رورو :) انشاءالله وكتبي عنها اذا رحتيلها انشاءالله :)
nosa :
اهلا بأم الكبكيكات العجيبه :) اي لازم اتشوفون طبيعتها :)
إرسال تعليق