كلنا كنا منشغلين بالاحتفال باليوم الاستقلال ويوم التحرير ..وكل واحد فينا عبر عن فرحته بهذا اليوم بطريقته الخاصه
الي سافر والي راحلو البر والشاليهات والي قضاها نوم ونت ومسلسلات ..والي بدعوا بالمسيرات والفومات وازعاج وتعطيل سير وزحمه مغاسل السيارات الي اربحوا محطات بانزين.
بس حبيت اليوم اتكلم عن الفومات ..مو عن اخطارها ولا اضرارها ولا عن مخاسيرها ..بس حبيت أتكلم عنها كـ(لعبه جماعيه)
اتخيلو هذي اللعبه الي يلعبها الكبير قبل الصغير ..وما تحتاج الا مشاركه وسلاح وفن للمراوغه وفن التسليح
الي مايعرف اللعبه اذا كنتوا ما لعبتوها او كنت من اشقائنا العرب أنا اقولكوم شنو لعبه الفوم
لازم اتكون مستعد بعده السلاح:
أولا سلاح ولازم يكون آمن غير مضر للشخص الآخر وله راح تتعرض للشرطه وهي حكم اللعبه يا تلحقك او تعتقلك او تسلبك سلاحك
السلاح الآمن رغوه فوم او خيوط ملونه(سلاح الفشله) او رشاشات ماي بأنواعها
ثانيا لبس الحمايه أما الاسكارفات والباروكات والكبابيس اقنعه والنظارات احسنها نظارات بحر =) واحسن شي اتكون داخل السياره للحفاظ على سلامتك وملابسك
اللعبه هي حرب جماعي المفروض من غير خساير ماديه او ارواح
الفايز (ما أعتقد في أحد فايز) الي يرد البيت من غير ما يتبلل او يتبهدل او يطلتخ بالفوم ورد سالم مع جميع اعضائه (عينه وله ريوله صاحين) سليم ميه ميه . وطبعا حتى لو ماشاركت بس اطمشت او دخلت بالغلط بمسيره لعبه الفوم لازم ثم لازم يوقعون لك بالفوم وكل راح يدري انك شاركت بالمسيره صراع او حرب الفومات .
هذي اللعبه في ناس تحرص عليها وفي ناس تذمها وترفضها ...بس في النهايه هذي عاده (محموده او مذمومه )بس هذي عاده تعودنا انشوفها في كل عيد وطني ... وفي ناس اربطوها بالعيد ...عيد وطني ..يعني صراع الفومات
عليكم بالعافيه على كل من شارك في هذي اللعبه ...وتمنى لكم السلامه .
عطله سعيده من غير خساير
ويله استعدوا للكورس الدراسي من غير عطل خلاص جابلو عدل.
هناك 4 تعليقات:
لوووووول اهم شي يرد سالم مع كل اعضائه والله ضحكتيني :)
ما احب الفوم ماادري شفيها الناس مينن بهالعيدين
اهو عيد الفوم ولا اعياد وطنية
واللي يحر لما يعاندون ولايحترمون كبير او صغير
كافي انها تضر بالصحه
ما ادري متى يمنعونها من الاسواق
عسى هالتجار مايتهنون بفلوسهم
Thankѕ for the auѕpiciοuѕ writеup.
It actuаlly was a leіѕure aсcount іt.
Look aԁѵanced tо morе added agrеeable from you!
Howeѵer, how сoulԁ we bе
in contact?
Alѕo visit mу website ... Hemroids
This paragraph is rеally a fastidіous onе
it hеlps new net viewers, who are wishing in favor of blogging.
Visit my webpage hemorrhoids cure
إرسال تعليق