الجمعة، 31 يوليو 2009

adidas 1

حبيبتي bhr.qadsaweya مشكورة وايد على السؤال...أنا موجودة بس لاهية بمسلسلي العجيب يوسف الصديق ( ع ) ..ومرة ثانية مشكورة :)


وألحين أدخل بصلب موضوعي ..مكرمين جوتي adidas 1 زوجي كان يدور عليه يوم رحنا ماليزيا بس ما حصله يقول إنه في مميزات وبالكويت هم ماكو ولازم طلب عن طريق النت وهو كلش ما يحب شي عن طريق النت ..عاد يوم رحنا دبي سأل عنه ولقاه وعلى طول ما تردد شراه عليك بالعافية حبيبي ..يقول إنه داخله في ماكينة ويصلح للرياضيين وهو مخصوص حق الركض والماكينة هذي تغير ارضية الجوتي على حسب مكان الركض إذا كان يركض على حشيش أو قار أو تراب يتغير من تحت ( ما خلوا شي ) ..
ملاحظة : الصور مو من تصويري طلعتهم من صديقي google ..بس نفس جوتي زوجي :)

السبت، 25 يوليو 2009

سوالف حريم


مساء الخير جميعا :) الصراحه ولهت اني اكتب .. قلت جني مصختهه حبتين :)

موضوعي اليوم سلمكم الله عن ( الزوجات شسوون اذا زوجهم يبي يطلع مع ربعه ) خل قولكم جم سالفه .



السالفه الاولى

وحده تقول اذا زوجي بيطلع مع ربعه اسوي روحي غشيانه ..وهو المسكين عباله صج .. ويي ولمها وخايف عليها وحالته حاله .. وهي تقعد تبتسم الابتسامه الشريره وابتسامه النصر ...طبعا مايشوفها تبتسم لأن لامها لووووول



السالفه الثانيه

وحده ثانيه من تشوفه بيطلع اوقفتله عند الباب وفاجه ايدها الثنتين عرض الباب .. اتقول شمشون الجبار .. وتقوله ماراح تطلع لو شصير لوووووول



السالفه الثالثه

وهذي من تشوفه قاعد يبدل اهدومه ومتزهب حق الطلعه .. ميلت راسها اشوي على جنب ونزلت الدمعه .. يعني مسكينه ..خو تدرون احنه دمعتها مايبيلها تعصر عشان تطلع لوووول



مسكين هالريل عطوه فجه اشوي .. خل يتنفس .. عاد انتي لاتسيرين لزقه معاه .. وين مايروح ريلج ابريله اتقول علج لازق .. ويلا اشرايكم يالشباب .. اليوم انا واقفه معاكم :)



ودمتم سالمين :)




الجمعة، 24 يوليو 2009

انتهيت من الدورة التصوير

صارلي اسبوع في دوره أساسيات التصوير ..أنا كنت ماخذه دوره تصوير وتحميض بس من زمان وعلى كامرات الفلم ..والحين أنا شريت كامره أولمبس ووايد مطوره بالنسبه حق كامرتي القديمه (كانت باناسونك ديجيتال ) طاحت مني ونكسرت العدسه ..=) فقلت يله عمرها خلص معاي جذي لازم اشتري كامره المحترفين ..فقريت وبحثت طبعا أشهر ..وعرفت أن هناك مجموعه من الشركات متخصصه في الكامرات المطوره منها كوداكت - كانون طبعا المحبوبه عندنا بالكويت ومادري ليش كانون ..مع كل وحده فيها مميزات ولا وحده اسهل من الثانيه ولا احسن من الثانيه هذا طبعا من بحثي في المنتديات ..
المهم ..شفت الارقام وخترعت الي في كامرتي وايد اشياء ماكنت عارفتها...فقلت خلني ادخل دوره اتعلم عليها ..بس للاسف كانت الدوره بشكل عام تتكلم عن اشلون التصوير والاوضاع للتصوير والازرار التحكم بالكامره بشكل عام للكامرات البروفيشينال ..بس على كامرتي لا والله ماتعرفلها =( ويي ..بس استفدت وايد عن التصوير ..وأما كامرتي مالي الا النت والمنتديات ومنتدى ( عرب دي جي كوم ) حلو هذا المنتدى ويتكلم عن كامرتي لا بعد امخصص قسم عن انواع الكامرات ..وقالولي راح احتاج سنه على ما اتعلم عليها ..اتركم مع آخر درس في التصوير كان عن غروب الشمس كان يوم امس سوق شرق أمام سوق السمك

الاثنين، 20 يوليو 2009

ولا اروع من جذي

من زمان زمان زمان ماكتب ادري اني مقصره ...... بس الحين رديت مع موضوع جدا شيق .


توني رادة من دبي كانت رحلة جدا حلوة ... حلوة وايد الاحلى الفندق الي سكنت فيه ... سكنا في اتلانتس


الرحلة داخل الفندق مو طبيعية منتجع رائع وحلو ما اذكر اني سكنت احلى من جذي وهو عبارة عن منتجع متكامل وهو جزيرة بروحها يعني لو ما طلعت من الفندق مو ضروري السفرة داخل الفندق كافي في سوق ومطاعم وحمام سباحة ومدينة مائية كبيرة وكاملة عشت اجمل ايام في حياتي اتركم مع بعض الصور ....




هذا مدخل الفندق








الاستقبال






هذي بعض مجسمات الدنات الموزعه بالفندق طبعا حدها عجيبه عبارة عن حبة لولو تتحرك بندفاع الماي








هذا مجسم من قوارير الزجاج الملون على شكل الشعب البحري




هذي عبارة عن رسومات مختلفة دار مدار الاستقبال




هذي الشعب المرجانية من قريب





هذي صورة الفندق من حمام السباحة




الاكواريوم الموجود بالفندق




تذاكر للمدينة المائية






هذي خزائن بالمدينة المائية ب 35 درهم




هذي ساعة يعطونكم ايها بالمدينة المائية لما تاخذون الخزانة وبنفس الوقت حق التشري بالمدينة وهي ضد الماي

هذا مدخل سوق الفندق









هذي عبارة عن غرف مائية تدخلونها اسمها الغرف الضائعة




وهذي شكل الغرف من الخارج







هذا محل تحميض الصور الي تصورها داخل المدينة المائية

هذي ثرية معلقة عند باب المدينة المائية اعجبتني وصورتها لكم


هذا الله يسلمكم محل يبيع اغراض السباحة وبعض الهدايا الصغيرة


بعض محلات الفندق







هني اتجاه برجنا الي احنا ساكنين فية

هذي عبارة عن كرستالات نازلة من السقف حق بار موجود بالفندق الي عجبني شكلهم مو البار

جكيناهم... وهم قاعدين ينظفون الاكواريوم

ان شاء الله يكون الموضوع عجبكم وقدرت اوصل الصور لكم عدل وشكرا

السبت، 18 يوليو 2009

حكمه الاسبوع



وهذه أيضا ستمر

علمتني جدتي هذه الكلمات التي يمكنك أن تستخدمها في كل أوقات حياتك . عندما تبدو الأمور بغيضة مفتزعة . أو عندما يكون كل شيء مدهشا بهيجا مسعدا قل لنفسك هذه الكلمات

""وهذه أيضا ستمر ""

إن هذا سيعطيك معنى المنظورية

وجود أكثر من وجهة نظر ، وسيساعدك أيضا لإنجاز ما هو طيب .

أما بالنسبة لما هو سيء فلا تهتم .

كلير رايذر

الجمعة، 17 يوليو 2009

عيش الصيف صح

بما أن الصيف لواهيب ..وحر وعصره ...فلابد ان تنعش عمرك بشي مفيد ويعوض السوائل الي

فقتوها ...بما أننا لما انحس بالعطش علاطول انفكر ..بقلاص متروس ثلج ويه ببسي وله شاني وله ريدبول الي هابين فيه ....ليش ماجربون الي آنا جربته مفيد ومنعش ..مثل هذولاههذا فعلا لذيذ غازي ومن غير اصباغ ولا سكر ...عصير أناناس فعلا صيفي ..وبعد احط معاه قطع أناناس معلب وثلج ...انتعاشوهذا بعد الازرق بالتفاح والاصفر بالاناناس ..(وخصوصا اقولي جربني فقلت اجربك ولا يهمك )والله هذا خطير ابصراحه وطعمه غريب ذقت الاصفر الليمون مع الزنجبيل ..يصلح حق الي فيه حراره ..بس طعمه مادري جربوه يمكن اتحبونه أما الثاني لمه الحين ماجربته بالبرتقال الاحمر والعسل المانكو ..شنو يعني مادري ...

ها تبون اجربون الانتعاش =)

السبت، 11 يوليو 2009

ستي سنتر البحرين

يعني امسوين حركه وله هذا التقدم ...مادري ...مع لافتت تكرمون دورة المياة للنساء غرف تغيير الحفاض ...هذي عادي بس بعد مع دورة المياه رجال ؟؟؟؟ يمكن هذي المساواه بين مهام الرجل والمرأه =) يمكن

الجمعة، 10 يوليو 2009

حكمه الاسبوع

حبيت أكتب في كل أسبوع حكمه ..او كلمات حلوه ..خذيتها من كتاب مترجم للهدايا ..لقيت في مركز السلطان (جمعيتي المحبوبه )مجموعه كتب صغيره لتقديمها على شكل هديه على حسب المناسبه ولاده صداقه ولي شريته كتاب حكمه لزماننا ..حسافه بما انه مترجم راح اتشوفون الكلام ركيك اشوي بس راح اختار احسن كلمات او حكم مصوغه بصياغه العربية الجيده ...
صوره الكتاب




حياتنا تشبه الحركة الظاهرية للشمس فمن لحظة الظلمة الحالكة يكون الوعد بنور النهار . جريدة التيمز اللندنية 24ديسمبر1984 .

ليس هناك طريق مختصر لأي مكان يستحق أن نذهب إليه بيفرلي سلز (ولد سنه 1929)

الأربعاء، 8 يوليو 2009

رحلة قصيرة و سعيدة

- دبي دار الحي - أحب هالإمارة و لي ذكريات حلوة فيها .. بحكم دراسه زوجي سابقا .. فا ما يصير جم شهر الا حنيت لها و ابي اروحلها .. تعودت بين فترة و فترة .. :) و عندى من يطاوعني ..

فا من فترة زرناها و سكنا في فنق العنوان - the address - downtown burj dubai كان وايد حلو و راقي و يصلح حق رحلة ريلاكس ..و الأحلى شئ بالسفر لمن تلقي احد تعرفة و تصير الطلعات احلى .. فانا لاقيت فيونكة من الفيونكات حبيبتي stella و حدة استانسنا مع بعض اكثر من اليهال :) .. و بما أن الرحلة قصيرة مكان في وقت حق التسوق المضبوط .. فا قضيناها سينما و تمشى .
في مكان جديد اسمة - the walk - طريق واحد طويل و كله مطاعم و كافيهات و محلات بس شوية ..
و في دبي مول الصراحة .. عجبني كورنر وايد حلوة مخصصينا حق اليهال بس الصج شفت الكبار اكثر من اليهال :)
مساحة كبيرة و موزعين فيها مخدات كبار - حق التسدح - :) و جدامهم شاشة كبيرة يعرضون في باباي - ام خماس - و تعالو شوفو شكل اليهال و الكبار شلون مندمجين و متسدحين :) الشكل يونس ..
( بس اتوقع لو يسونة عندنا بالافنيوز جان صار مسخرة يصير الخدم اكثر من اليهال )
اخليكم مع الصور ..



شكل الفندق







برج دبي

السبت، 4 يوليو 2009

إفتتاح محل Melange



محل ملونج - Melange للإكسسوارات يدعوكم للإفتتاح في مجمع 360 الأحد من 10:00 صباحا و حتى الـ 10:00 مساءا



الجمعة، 3 يوليو 2009

حجاب الشتاء








بنشوف منو بيلبسه بالكويت

يقولون هذي الهبه اليديه لسكارف الرقبه إسمها Snood

Link

المدينة الترفيهية

يانا الصيف والواحد يحتار وين يودي الكتاكيت خيرناهم ما بين حولي بارك والمدينة الترفيهية واختاروا المدينه الترفيهيه ...الجو حده زوغة تخيلوا احنا رايحين قريب صلاة المغرب وخيسة دخنا من الحر ..بصراحة المدينة الترفيهية لها ذكريات عندي ومن الأماكن اللي أحب أروح لها بين فترة وفترة ..بس في جم لعبة مسكرة ومنها الجندول وأنا وايد أحبه ما أدري شفيهم صار لهم مدة مسكرينه ...وفي ألعاب يديه ما قدرت أصورها ليش إنه ليل وأنا ناسيه كاميرتي حسافة ..بس يوم دشينا القبة شفت لكم هاللعة شكلها يونس بس ما جربتها قلت بروحي دايخة من الحر بعد بركب لعبة تفتر ما ركبتها بس صورتها لكم بموبايلي ...


om mod