الثلاثاء، 29 ديسمبر 2009

فكرتي فكرت ادلع نفسك على يوم ؟؟؟

أنا من الناس أحب أدلع نفسي ...كل مره أفكر في شي ...طبعا درت على أسباهات الكويت كلها ..ومتعه والله جربو ..مره رحت مع الي احبهم صج صج كان يوم لا يونسا ...ومره رحت ابروحي ...وكان بعد وناسه طلعت من السبا وحلجي منشق من الوناسه مايتسكر ..
وهذي المره ..دلعت نفسي في ريوق فاخر ودلعت وتمتعت ..إخترت مجمع هادي جدا 360 وكان كفيه فرنسي معروف فانشو مادري صح جذي اسمه ..
ريوقه حلو وطريقه تقديمه اروع ..هدوء ..مثل مايقال جلست مع نفسي ..لا بل مع افكاري
ها تبون اتجربون ..إخذو إبريك يالله وتمتعوا
أخليكم مع الصور
متعه =)


هناك 12 تعليقًا:

ARTFUL يقول...

يحليلج يا اختي فيونكات

بعد شنهو دلع نفسك!


روح تريق بره بمكان حلو واستانس

وين الدلع

p;

شاي الضحى يقول...

عليج بالعافيه :)

DoDoq8 يقول...

اييي بخاطري اقعد بفوشون قعدته تذكرني بدبي موول :)

علييج بالعافيه واحلى شي انه الواحد يدلع روووحه

رورو الشخبوطه يقول...

السلام..

بالعافيه يارب..

واحلى شي دلعين نفسج متعه :)

مشكوره..

ZooZ "3grbgr" يقول...

عليج بالعافية جاردينيا

بس ممكن طلب؟؟

ممكن تسوين لنا بوست دلع عن افضل السباز بالكويت لأن ودي أودي ماماتي ادلعها شوي

عاد عسى ترضى ههههه


:")

SHAHAD يقول...

الله انا بدلع نفسي بعد
شوقتيني : )
عليج بالعافية حبوبة :**

جاردينيا 2000 يقول...

ARTFUL
اي دلع ..لما اتريق في مكان راقي وله في مكان اتحبينه واتحسين انج راح ترتاحين فيه وتغيرين جو ..مثل سبا ...هذا الدلع ...بالسبالي دلع =)


ZooZ "3grbgr"
وله لما اتشوفين البستات القديمه راح اتشوفين اننا متكلمين عن وايد أماكن
عندج كراون بلازا الفروانيه مسبح اكواتونك عجيب_ سبا فندق النخيل وايد حلو وعزميها على الريوق هناك بعد - سبا رويال حياه عالم ثاني
او روحي للعنايه بالقدم والايدي روحي مكان اسمه بابلز في الديره
بس مادري شنو تبين بالضبط للدلع للامهات تقصدين برنامج يومي وله مكان معين


وأشكر الباجي على مشاركاتهم

غير معرف يقول...

عليج بالعافيه ومطرح مايسري يمري

اي والله يبيله اندلع نفسنا شوي

بغيت اسالج عن افضل سبا رحتيله وحسيتي انه ممتاز وياليت تقوليلي مكانه وسعره اذا ذاكره :)

cup cake

ZooZ "3grbgr" يقول...

مشكوره بعد عمري

انا ودي اوديها مساااااااج

وين تنصحين

ببلز نيل سبا رايحتله

:")

جاردينيا 2000 يقول...

cup cake
احبهم كلهم والناس اذواق
رويال حياه حلو بس مكانه مستشفى هذا محبيته
فندق صحاري روعه خصوصا اذا كان الجوى برد ومطر الفندق منعزل يقولج تعالي الى الهدوء بس الديكور حلو مو ممتاز
كراون بلازا انا دخلت غرف ملكيه عجيبه عجيبه حبيته والمسبح تجربه احلا تراه مو عميق حلو ارتفاعه بس لازم اتجربونه راح ياخذ منكم ساعه ونص بس المسبح
يعني لازم اتخصصين نص يوم هناك ياسلام شي شي

ZooZ "3grbgr"
اعتقد يا اختي العزيزه عرفتي ايهو المكان الاحلى بالنسبه لي من السطور السابقه كراون بلازا والدرجه الثانيه رويال حياه +فندق صحاري
وكلهم مساجهم حلو وعلى حسب الطلب
ثالثا فندق منتجع هلتون المنقف لانه نادي اكثر من سبا بس هم لما اتروحون الريوق هناك عجبه ومنها تتمسجون =) اتمنى ان اكون افتج

Om MoD يقول...

حركات ....:)



عليج بألف عافية :)والمرة الياية قولي لي شدعوه يبا :):)

جاردينيا 2000 يقول...

Om MoD
والله عزيزه وغاليه ..بس ماشفتج ذاك اليوم مره ثانيه اعزمج ولا يهمج =)