الثلاثاء، 8 ديسمبر، 2009

جو ولا أحلى ..






مساء الجو الشتوى العجيب .. و الصباح الي ما يخليك ودك اداوم .. و تروح تقعد بكافية و تتريق و تتمتع بالبراد .. :)

بس ما ادري شفي الجو هاليومين مرطب و حدة شكلة خون فينا .. و الأهدوم الشتوية اليديدة تنطر من يبلسها ..


بس من جم يوم قبل هالرطوبة .. العجيبة .. زرت cafe living room .. الي بالمارينا ويفز . . رايحة مع بنات حلوين ..


و وقت العصر .. و الهوا العليل الي في نسمة برد عجيبة .. وحدة من صديقاتى حست برد فا قمت تتغشمر مع الويتر ..


قالتلها طلبها .. و بعدها قالتلها ما عندكم blankt !! أنا مع الي معاي اطلعت اعيونا ؟؟ من صجها blankt ?? شلون ؟


الصدمة .. تقولها ( yes we have :) ) جان تقوم و تيبلنا .. :)


فكانت القعدة صج و لا اروع hot coco و برد و لحاف .. و منظر اينن مع غروب الشمس على البحر


خلت الفكر يسرح بعيد بعيد ...


الي ما راحلة انصحة يروحلة بس يختار الوقت قبل الغروب .. :) ( طلعوا لا تقعدون بالبيت .. استغلو الجو الحلو)














هناك 7 تعليقات:

شاي الضحى يقول...

وااااو شوقتييييني

لاااازم اروحله واجربه بأقرب وقت :)


عليكم بالعافيه ... شكرا :)

دمعة المقهور يقول...

عليكم بالعافية

يشكله الوضع صج عجيب ورومانسي حدة


:)

Hanan يقول...

عليكم بالعافية :)

عثماني يقول...

عليكم بالعافية و انا اخوج

:)

بس مو شي لما يكون هالكنبل متلحف فيه قبلكم واحد مستوى النظافة عنده ... مش ولابد

:)

Om MoD يقول...

يا سلام ..



عليكم بالعافية ...



صاجة حبيبتي ...الجو عليل وبديع ( جنهاإغنية .....:)) ..


والواحد لازم كل يوم يزّرق من الدوام وروح له مكان حلو ....



وشكل السويت لذيذ...

Engineer A يقول...

واااااااااو .. تخيلت نفسي قاعدة في البراد وبيدي الهوت شوكليت و متغطية بالبلانكت!! وناسه

شوقتيني على الروحة .. عليج بالعافية :)

stella يقول...

واو شكله حده عجيب صج مال تغيير ... بس خل يرد الجو البارد .... ماستانسنا فيه :( ..... ان شاء الله قريب :)