الجمعة، 11 ديسمبر 2009

الحمدالله على نعمة الكهرباء


في يوم من الأيام طفت الكهرباء عندنا بالبيت ، و كان ليل ، فشبينا الشموع انا و أختي و قعدنا بالصاله ننطر الكهرباء ترد ، وهذا الحوار إلي دار بيني و بينها وقتها ...

أنا: ها ها ها عندي laptop أتسلى فيه على ما ترد الكهرباء
أختي : شنو قاعده تسوين ؟
أنا: قاعده اكتب بوست ، بعد شوي بنزله
أختي: شلون ؟ ماكو كهرباء يعني ماكو إنترنت!!
أنا : أووووه نسييييت ، عيل بروح أسوي شي مفيد ، بروح أتسبح
أختي: أكيد الماي ضعيف ، ماكو مضخه ، و فوق هذا شلون بتنشفين شعرج ماكو سشوار
أنا : ياربي ، شنو أسوي ؟؟؟ إييي أنا عرفت ، خل أشبك على الـ Blackberry و أقرأ لك تعليقات البنات إلي كتبوها في البلوق، أووووووه شفي بطئ ؟ مو راضي يدخل!!
أختي : تبين أييب الـ ipod مالي أسرع؟ أحسن من الـ Blackberry شاشته صغيره
انا: شلون ؟؟؟ مو ماكو إنترنت
إختي: أوووه نسيت ، إنزين بدال لا إحنا قاعدين على ضوء الشموع خل نفتح الشتر إيينا ضوء من بره ، أسفر
أنا (وعلى وجهي إبتسامه عريضه) : الشتر على الكهرباء شلون بتفتحينه :)
مو جنه إنام احسن ؟

هناك 12 تعليقًا:

bhr.qadsaweya يقول...

ههههههه

الحمد الله على هالنعمة و الله

الله يعلم شلون اهل اول كانوا عايشين

يعطيج العافية

حسـّون الملعـون يقول...

من سنين ما انقطعت الكهربا عنا ولله الحمد, بس أتذكر لما كانت تنقطع قبل كنت أشب شموع بكل مكان بالبيت, خصوصا على درجات السلم بالصالة, يصير البيت ساعتها جنه كنيسة او معبد بوذي :)

حتى في مرة من المرات قعدنا نحضر أرواح


مشكلة مضخة الماي الوالد لقالها حل, سوى توصيلة مؤقتة يلغي فيها المضخة ويخلي الماي دايركت بالبايبات


وكان عندي تلفزيون كاسيو صغير يشتغل على البطاريات, بس المشكلة ياخذ 6 بطاريات الكالاين ويشتغل بس لمدة نص ساعة!

شاي الضحى يقول...

من امس لي الحين واحنا عايشين ببتنه على الشموع بس الحمدلله عندنه كهربه بس ما عندنه لمبات احترقوا لوووووووووول


بعد شوي بروح اشتري وعلى حظنه اليوم ماكو شمس


مشكوره :)

Om MoD يقول...

لووووووووول..



ضحكتيني..


الحمد الله على كل نعمه :)

joe يقول...

صح يصير ظلمه و تتعطل اشغلات الواحد بالبيت
بس وناسه يصير الجوو هدوء ماكو صوت مكيفات و ثلاجات وغيره من الاجهزه الكهربائيه والانارات

موفقين

snow يقول...

هياي حلوة شخبارج :)
ذكرتيني بيوم انقطع عن بيتنا الماي وما ندري شنو السبب المهم انا اللي توهقت لان عيالي يبون تبديل وكل ربع ساعة اما ماكلين او لاعبين ويبون يغسلون ايدينهم طبعا بعد ساعتين قلت مافي فايدة باني انطر قمت اخذت اليهال ورحت بيت الوالد ظليت لين الساعة وحده بالليل واتمنى بانها ما تنعاد، والله صج يوم قالوم الماي والكهربا نعمة .

اقصوصه يقول...

هيه والله

قمنا ما نقدر نسوي شي بدون كهرباء!

wedade يقول...

لوووووول انقطع تفكيركم وياها ;p

الحمد لله على كل النعم اللي احنا فيهاا

coffee-42 يقول...

hehehe.. ee walla el 7mdella 3la ene3ma

ChuBBy-Doll يقول...

3ad gedartaaw etnamoooon ???

Master يقول...

bhr.qadsaweya :
إيي والله مادري شلون عايشين !! و كله يقولون يا حلو أيام قبل، شنو إلي حلو فيها؟؟

حسون الملعون:
اللله على السلم ، و ناسه شان ين مسويين جذي

المباركيه:
أففف حده هدووء ، يخرع

سنو:
واااي لا مآساه

أقصوصه:
إي و الله ما نقدر

wedade:
هاهاهاهاهاها إي و الله إنقطع تفكيرنا وياها :)

chubby-Doll:
لا ، بعد نص ساعه ردت الكهرباء ، فمحد نام :)

غير معرف يقول...

اي و الله الحمدلله على نعمة الكهرباء :)