الخميس، 12 نوفمبر، 2009

paintball q8




أكيد تعرفون هاللعبه .. ولي مايعرفها اهي تكون من فريقين.. وكل شخص بالفريق يكون عنده مسدس في طلقات ألوان مو رصاص :) وعقب تبدي الحرب بينهم والفريق الفايز طبعا اهو الي يكون حايش كل الفريق الثاني بالطلقات .. اللعبه وايد حلوه للشباب بس ما أنصح البنات .. لأن مشكلتها ( اللبس ) لبسهم يتكون من خوذه وسديري .. بس مشكله لسديري ان مومغطه على جنب .. ولي تحوشه الطلقات على جنب ماقول الا الله يعينه من الألم .. لأن الطلقات قويه وتعور .. يعني المفروض يوفرون لهم لبس كامل ومغطه من فوق لي تحت .. لسديري اشبسوي !! الي ينطق على زنده ولي على ريله ..!! بس بالنهايه الشباب الي بعايلتنه وايد يحبون هاللعبه ومورادهم الألم وخاصه أخوي :)

ومكانهم عند الأكوابارك وسعر الشخص 10 د.ك ولي بشوف موقعهم ( يضغط هنا ) .
هذا مكان اللعبه وهذا لبسهم اذا امبين عنكم لأن الصوره للاسف موواضحه
وهذي صوره اخوي على جنب .. شفتو الطلقات شتسوي

هناك 13 تعليقًا:

شاي الضحى يقول...

من زمان سامعه عنها وشفتها بالتلفزيون جم مره بس اول مره ادري انه الطلقات جذي تعور ..

آآآييييي :(

المفروض اللبس يحمي الجسم كله مثل ما قلتي ... ماكو الا الواحد اذا يبي يلعب اهوا اييب معاه لبس ويغطي جسمه عدل ولا يلبس اسفنج وقطن ههههههه



يعطيج العافيه :)

رورو الشخبوطه يقول...

السلام ..

اول مره اشوفها..

بس المفروض اللعبه تكون امنه اكثر ..

ومشكوره..

Danderma يقول...

أححح جذي يعور؟

انا اذكر سنة من السنين ولد دكتور كويتي راحت عينه منهم بعدين قالوا عقب لازم يلبسون خوذة... مادري شينطرون عشان باجي الجسم يعني!

مـي يقول...

فكرة اللعبة حلوة

لكن

تخوف ،،،


^_^

Sn3a يقول...

شكثر يقولولي البنات امشي ويانا
بس انا شدراني الفريق الثاني شرس ولا لا
ناقصين جرحى وقتلى

يسلموو

reemas يقول...

مسألة تعور تعور
سألوني انا
عيالي وديتهم مره و لعبت وياهم
شلخوني قمت اصارخ و هم يضحكون

هم بفلوسي و هم انطق
بس انتقامي لقريب

الله كريم

-mate يقول...

حيالله فاتوو

اشولنك اخيتي ان شاء الله زينة؟

انا لعبتها يمكن 3 مرات, بس المشكلة اللي لعبت وياهم حوش ما يلتزمون بالقوانين .. يعني المفروض, قانون اللعبة اللي تحوشه طلقه مهما كان مكانه يرجع قلعته من جديد .. بس اللي لعبت وياهم يحذفون السلاح ويركضون من أسرع واحد ياخذ العلم من الخصم بغض النظر إنه ميت بقانون اللعبة ولا لأ, يعني بأقل من دقيقة اللعبة خالصو .. ولكن انلعبت بالشكل الصحيح قد تستغرق نصف ساعة إلى ساعتين .. وطبعاً اللي يركض ياكل تبن من الطلقات في كل مكان لا تقتصر الزنود والفخوذ بل تتعدى مناطق أخرى مثل جنوب السرة والجابرية .. ومو زين يكونون متدينين باللعبة, لأنها سيعتبرونها تدريب مجاني للجهاد فلذلك تشوفينهم داشين يقاتلون أعداء الله مو داشين لعبة ..
:)
وغير هيك .. اتييك غشمرة بايخة بعد انتهاء اللعب إذا كان هناك طلقات زايدة شنسوي فيها؟ انقطها بالزبالة؟ لأ حرام ..! انتوحد ابواحد حاطين عليه كلنا .. اي اجرام, أدري!

بس اهم شي يامعودة لا تتهورين وتلعبينها لما يوصل محقان
;q

{~المباركية~} يقول...

هالعبه بايخه ماحبها
ماني قايلكم شنو صار بالشباب التي تضرروا منها


مره عطوني كوبون مجانا ماستخدمته

لو تكون مثلا ريش ولا ماي اي مني الشغله تسوه

موفقين

fatto يقول...

جاي الضحى :
هلا والله فيج :) ااييين مو اي وحده لووول .. وفي بعضهم يلبسون كوتات متان ابعز الصيف والحر والخيسه ابسبه هالسالفه عشان اذا انطقو ماتعورو .






رورو الشخبوطه :
هلا والله فيج يارورتنه :) المفروض اتكون امنه .. بس اخرطي .







danderma:
هلا والله :) افف يعني كان اول بدون خوذه !!! هذيل من صجهم .. شنو عبالهم بلونات فيهم ماي !! زين والله بعد فكرو يعطونهم خوذ .. اصلا المفروض هاذا الي ياب اللعبه اييب كلشي معاها من لبس وخوذ واشياء تحمي الجسم .







مي :
اهلا مي :) اتخوفنه احنه البنات بس لصبيان عندهم عادي .. فمن جذي ماتصلحلنه .. انشاالله حادنه رادين البيت وجسمنه امشوه من الطق :)








سنعه :
هلا والله فيج :) تقدرون انتو اتسوولكم الفريق .. يعني الساحه مادري الملعب لكم بروحكم بس .. بدون احد غريب .. انا جذي عيال عمي ابروحهم يتنافسون بدون احد غريب فيستانسون اكثر .







reemas:
هلا والله فيك :) لووول الله يخليهم لك انشاءالله .. اهو سر الوناسه الطق .. خلهم يطقونق على كيفهم بدون انتقام لووول .

fatto يقول...

mate:
هلا والله فيك :) انا تمام الحمدالله :) شكرا على السؤال :)
لووووووووووووول لوووووووووول تعليقك موتني ضحك خاصه على ( يقاتلون اعداء الله )

ومنو قالك اصلا اذا وصل المحقان افكر العبها ( لايحوشك ) :)




المباركيه :
هلا والله فيك :)
امبين انطقو عدل لووول .. الله يعينهم :)

Om MoD يقول...

واي شالعنف ...


يعني لو موفرين لبس آمن أوكي بس الواحد يروح يستانس يرد متكدر ومتعور ..


ما أدي تألمت يوم شفت آثارها ...

3BeeDo ;) يقول...

والله لعبه خطره عمي يقول ولد رفيجه راحت عينه بسبه هاللعبه

Fishah يقول...

الله وناااااااااااااااااسه احب جذي سوالف :))

بس اذا السالفه فيها تفلع واصابات .. هوناااا

:)