الثلاثاء، 3 نوفمبر، 2009

CoLD sTonE + HumBurGer UniOn



بصراحة اليوم كانت لنا جولة ممتعة في أرجاء الأفنيوز أنا وعزيزتي pearl كان عندها جم شغله ودها تخلصها ...وقلنا بالمره نتغدى هناك وعقبها نحلي ..المهم ما طولها عليكم اخترنا مطعم إسمه " همبرجر يونيون " بصراحه كل اللي طلبناه كان لذيذ واسعاره معقوله ..عنده كل شي سلطات وعصاير وساندويتش دياي ولحم وغيره ...بحط لكم الحين الصور شوفوا واستمتعوا :

المكان وايد مرتب وحلو والجو العام أحمر طلبنا سلطة سيزر قمة اللذه بس ما صورتها ...وحلقات بصل كانت عادية ومعاها كان صوص لذيذ ..الخدمة سريعة وحدهم ذربين ..



هذا طبق Pearl عليج بالعافية اللي شفته إنها حدها مستمتعه وهي تاكل وظلت تمدح بالصمونة لما قالت بس ....بالعافية على قلبج ...




هذا كان طبقي بصراحة قالي مكعبات الدجاج مشوية ...بس لو قايلي شيش طاووق أحسن ..وايد حلو وخفيف ويكون معاه نوعين صوص واحد أحلى من الثاني ..


---------------------------------------------------------------



وعقب ما كلينا على طول رحنا نحلي في "ColD sTone" اللّي Pearl مواعدتني تودّيني وتوكلني فيه خليت الطلب عليها وتشاركنا بالطبق البارد وكان عبارة عن بريد فانيليا وبراوني وكاراميل ...واااااااااو ...طبعا طريقتهم شلون يسوون الطلب ويحذفون البريد ويغنون يشوقون حدهم ..

شكرا Pearl الطلعة معاج كانت تونس والأكل كان لذيذ الحمد الله توفقنا بإختياراتنا اليوم ..

أنصحكم تجربون المكانين ..وبحط لكم الصور..

هذي صورة المكان

هني وهو يسوّي طلبنا


وبالعافية على قلوبنا ...لذييييييييذ أقولها من أعماق قلبي ..ولازم آكل فيه مره ثانية ..وثالثة ...ورابعة ....ووو:)

هذا موقعهم ..

هناك 13 تعليقًا:

رورو الشخبوطه يقول...

السلام..

بالعافيه يارب..

ماشاءالله يشوق..

ومشكوره..

Om MoD يقول...

أهلا وعليكم السلام حبيبتي ..



الله يعافيج حبوبه ...


ضروري يكون لج تجربة ...والعفو ولو:)

SHOOSH يقول...

عوافي

غير معرف يقول...

ذوق يوك !

Om MoD يقول...

shoosh :



يعافيج عزيزتي ..




غير معرف :


شكرا على التعليق ...,الناس أذواق ..

Sn3a يقول...

همبرجر يونيون حلو
واحنا جربنا الميني بيرجر وجم نوع فرايز
احلى شي الصلصات

وكولد ستون
اخييه شنو لذيذ


عليكم بالف عافيه

غير معرف يقول...

I agree with you 3ala coldstone 7ilo, bs burger union kelman ythem
feeh intay awal wa7da temda7a ..
bs madrey om mod don't take it personal bs too many of the stuff you recommend mo 7lwa , tara mo 3aib tgolen mo 7ilo !

fatto يقول...

بالعافيه عليكم .. اشدعوه ماتنقصتو حق رفيجه دربكم شي :)

كيفكم اتعوضوني .. شوقتوني ابي برد :) ناطرتكم اتيوبولي اياه .. بيتي مفتوح 24 ساعه لكم اذا معاكم شي لذيذ مثل هالبرد :) لووول

أبوفلان يقول...

هني وعافيه

شكله مينون عالكولد ستون يبيله زياره مع أم فلان

وين مكانه كولد ستون ؟؟

Om MoD يقول...

san3a :


الحمد الله يعني إنتي متفقه معاي إنه لذيذ ...ما ادري ليش الكل يذم فيه عقب ما رحت استغربت إنه وايد يذمونه ..انا وصوحبتي عجبنا وايد ..

وعادي لو نروح له مره ثانية عشان نجرب أشياء ممختلفة :)


وآآآآآآآآآآآآآخيه شويه عليه ...


الله يعافيج ..


وين بوستاتج السنعة يا سنوعه من زمان غاط÷ ...









غير معرف :

كولدن ستون روعة مو بس حلو ..

وبالنسبة لي ما عندي مشكله إذا شي مو عاجبني أتكلم عنه واقول مو عاجبني ...بس شسوي غذا كانت تجربتي موفقه الحمد الله ..

يمكن غيّر المنيو ..او شي ...يمكن حاول يطور بنفسه وبموظفيه ..واللي تكلموا عنه في بدايته واول ما فتح ..


نصيحة التجربة خير برهان روح أو روحي جربيه ..

وقولي أو قول لنا تجربتكم ..

والناس اذواق لو توحدت الأذواق لبارت السلع ..




fatto :

الله يعافيج حبيبتي...لووووووول ..شلون ما نتنقص لج إحنا كلينا عنج وهذي كانت نقصتنا :)


إنشاء الله إحنا بنعوضج تعويض ..إنتي نطري بس :)







أبو فلان :


الله يعافيك ..


إي ضروري تودي أم فلان ..شي بصراحه يسوا وعليه القيمة على قولتهم :)


مكانه وين همبرجر يونيون ورايس ..صوب ساحة المطاعم بالأفنيوز ..عاد أنا لحد يسألني عن شي وين مكانه خواره ما أعرف أدلي..


اللي يقدر يساعد بو فلان لا يقصر معاه يبي وين المكان بالضبط ؟؟؟:)

شاي الضحى يقول...

بالعااااااااااااااااافيه :))

Sn3a يقول...

شوفي اهو حلو
بس الناس يذمونه لان مجربين برجر يونيون الاصلي مال امريكا
ويقولون غير
انا بصراحه ما اكل لحم ودياي دول بره استحرم هالشغله

بس بالنسبه له كطعم حلو
والصوص حلوين
بس سلايدر ستيشن الاول بلا منازع


والله مادري شفيني صايره زائره شرف بس بالبلوقات مادري شكتب وحتى لما اكتب شي بورقه احسه مو مستوى ينعرض

Om MoD يقول...

شاي الضحى :


الله يعافيج :)








sn3a :

جنج هونتي سنعه ..:) ومو عاجبج ..لوووووول


يمكن ..,الله أنا نفسج ما آكل لا لحم ولا دياي بره :)


أكيد كل دوله تختلف عن الثانية حتى لو نفس المطعم..ما أدري يعني الشيف مختلف ...والنفس غير...



:)



ناطرتج .تكتبين شي حاولي ...على هالقعده كتبي لنا شي :)