مو اول مره اروحلها .. حلوه مو حلوه هذا يرد على الشخص نفسه وشنو يحب ..أنا اسكن أمام البحر وعندنا بيت هناك واعتبره مثل الشاليه
الي يبحث عن القهاوي مثل كوستا وتوابعها مافي ..مجمعات ومولات مثل الافنيوز مافي ...مطاعم راقيه مافي ... كنتاكي وبيتزاهت بس ..ومادري ماكليت منهم ..كلا ناكل بالبيت أضمن =) ..خوش تشجيع حق الي يبي اروح لها ...بس أحبها ..أرتحت لها ليش مادري يمكن سافرت مع ..أهلي ..بيتنا ..جيرانا كويتيين ..ربعنا الاماراتيين ابروعهم 3 جيبات ومني باص يمكن ...كشتاتنا نطلع مع بعض السيارات ماتقل عن 4 جيبات ..يعني يمعه والغدى مره شوي ومره اجدورنا معانا ...مو كل يوم انروح الجبل عندنا البحر مانتسبح فيه لا لانه صاير مثل الوحش الهايج ..بس نفرش المده ونشرب شاينا وقهوتنا وله امارس رياضه المشي على رماله الناعمه ...الله وناسه مع هواء منعش ورذاذ من المطر او من موج هائج ..وعلى يسارنا خور فيه تقريبا 50 نوع من الطيور المهاجره ...وناسه ...ويسارنا حديقه عامه (مو مثل حدايق العامه الي في الكويت لا ) كلها كواسكو وطيور ودوارف ابلاش وكبيره حق اليهال ...يمنا القهوى (القهوى الشعبيه احسن منه ) بس يعتبر مقهى شعبي ناكل فيه برد ...جذي سفرتي بين الجبل والبحر ..بين فتره وفتره اروح أرض المعارض يسمونه البلديه وفيه رقصات شعبيه ومعارض ومطاعم .
بس استانسنا ..في البساطه ..وسوقها ..مثل شارع المحرق الي في البحرين الي فيه الحلوى والعبي والعطورات العربيه عرفتوه ..وجمعياتهم عندهم لولو هايبر والاستقلال سنتر ..فنادقها جدا بسيطه ..تفي بالغرض ..بس حبيتها ...عيشتها جدا غاليا وتكاسيها أغلى ..أجرنا جيب باليوميه احسن ...أخليكم مع الطبيعه الي وهبها الخالق لهم ..
قمه الجبل..حلو المكان بس ماتقدرون تكشتون فيه من كثر الصخر ..بس للتمشي وستكشاف المكان .
في قمه الجبل ..صخور شامخه يتخللها خضره ناطقه بروعه جمال الخالق..اتشوفون من البعيد صحراء رمليه وبعدها البحر الهايج
في وديانها مياه جاريه وشلالات بس هذي السنه ما كان فيه شلالات المطر هذي السنه قليل وطبيعه تعبر بصمت...وآثار لمشعل نار تجدونه هنا وهناك ..
في قمه الجبل ..صخور شامخه يتخللها خضره ناطقه بروعه جمال الخالق..اتشوفون من البعيد صحراء رمليه وبعدها البحر الهايج
في وديانها مياه جاريه وشلالات بس هذي السنه ما كان فيه شلالات المطر هذي السنه قليل وطبيعه تعبر بصمت...وآثار لمشعل نار تجدونه هنا وهناك ..
الصور إشوي مظلمه ...يديده في التصوير اعتبر متدربه ..=) وحتى الفوتوشب ماستخدمته ..في المرات القادمه
ياسبحان الله المبدع المصور
زوار الجبال في كل كهف وله وادي وله قمه تجدونهم ...مايخلون مكان مايتركون آثار سياراتهم عليها
هذا البحر بجانب بيتنا (منزل الوالد الله يحفظه ) صوت الموج من كثر قوته نسمعه وحنا في داخل البيت (أختي اتخاف تتمشى على البحر اتقول فلم ررعب ) بس أنا أشوفه جمال ..اليوم الظباب خاف اشوي علشان جذي قدرت اصور ..ترى في ناس على شاطيء بس دايما اتشوفونهم مثل الاشباح =) من الظباب
تكثر فيها العيون والكهوف
وسلامتكم
ياسبحان الله المبدع المصور
زوار الجبال في كل كهف وله وادي وله قمه تجدونهم ...مايخلون مكان مايتركون آثار سياراتهم عليها
هذا البحر بجانب بيتنا (منزل الوالد الله يحفظه ) صوت الموج من كثر قوته نسمعه وحنا في داخل البيت (أختي اتخاف تتمشى على البحر اتقول فلم ررعب ) بس أنا أشوفه جمال ..اليوم الظباب خاف اشوي علشان جذي قدرت اصور ..ترى في ناس على شاطيء بس دايما اتشوفونهم مثل الاشباح =) من الظباب
البحر هائج ..بس ممتع وحلو دايما انا اجلس او امشي هناك
تكثر فيها العيون والكهوف
وسلامتكم
هناك 10 تعليقات:
صلاله قمة في الروعه، رحت لها و أنا صغيره و أبغى أروحها مره ثانيه
مع اني مارحت عمان
بس مادري ليش
اعشق هذا البلد
واحب شعبه
المناظر سبحان الله حدها عجيييبه
السلام..
الحمدالله ع سلامتج..
ماشاءالله خوش سفره حلوه لتغير الجو و الروتين لانه اغلب دول سوق سوق سوق اما هذي الطبيعة تشرح الصدر ..
ومشكوره..
قطعـه بالجنـة !!!!!
ماشاءالله بصراحه شي شي .
الصورة القبل الأخيرة أبداع
الخضرة تفتح النفس
والبحر يريح البـال
والضباب روعه
مايهم الأسوقه والمطاعم دام كل هالطبيعه موجودة
عليج بالعافيه
المناظر عجييييييييييبه
جان زين عندنا نفسهم :(
والحمدلله على سلامتكم :)
ماتصورت صلالة حلوة بهالشكل
بس الجو رطوبة؟؟؟؟
ألف الحمد الله على سلامتكم ...
وحشتيني ...بصراحة الصور روعة ما شاء الله عليج صررتي فنانه من أول دورة ...
وعليكم مليون عافة على الوناسه والمتعه ...وإنشاء الله دووووووم ..
بشرينا عن عيسى ياز له جو صلالة ؟؟؟
الصور وايد حلوة
وعليكم بالعافية
:)
nosa
انطر اشوي عليها في مجمع يديد راح يفتحونه اقولون ستي سنتر فيه مطاعم عالميه وسنما وكل ما نحتاجه من المولات
راعي تنكر
الشعب مريح وماله شغل في احد
fatto
اي والله بس ترى كلها باعوض وحشرات
رورو الشخبوطه
اي صح راحه واستجمام بس
The.One
الله يعافيك
شاي الضحى
الله يسلمج شكرا
ZeeZoo
الجوى رطوبه الحلوه ما تأذي ولا اضايق ..بس اتحس انك مرطب ..بس اذا اطلعت الشمس لا حرررر ورطوبه حيييل بس الشمس ميشوفونها شهر 8-9 الا نادرا اطل بس وتختفي =)
Om MoD
شكرا وانا اكثر ..عيسى يتحسن عايش على الكرتيزون شاسوي الله يعينه ..بالعكس بس دخلنا صلاله خلال يومين حالته استقرت حتى ادول ما أخذ
بس ردينا الكويت من ثاني يوم رحنا مبارك =( وبعدها الساريه أوووف تغربلنا بس الحين صدره يبيله اشوي الحمدالله على كل حال
-mate
شكرا الله يعافيك
إرسال تعليق